Портфель

Қазақстан президентінің көмекшісі тағайындалды

463
(Жаңартылды 08:12 30.11.2018)
Тағайындауға дейін Жамаубаев Қазақстан Республикасы президенті әкімшілігінің әлеуметтік-экономикалық мониторинг бөлімінің меңгерушісі қызметін атқарды

АСТАНА, 29 қараша — Sputnik. Мемлекет басшысы Нұрсұлтан Назарбаев Қазақстан Республикасы президентінің көмекшісін тағайындау туралы Өкімге қол қойды.

Бұл қызметке 44 жастағы Жамаубаев Ерұлан Кенжебекұлы тағайындалды. Ал Тимур Жақсылықов басқа қызметке ауысуына байланысты президент көмекшісі қызметінен босатылды.

Ерұлан Жамаубаев 1995 жылы Қазақ мемлекеттік басқару академиясын "Қаржы және несие" мамандығы бойынша тәмамдады, сондай-ақ 2009 жылы Тұрар Рысқұлов атындағы қазақ экономикалық университетіне қарасты халықаралық бизнес мектепте стратегиялық менеджмент мамандығы бойынша білім алды.
Бұдан өзге ол батыс елдердің орталық банкінде және халықаралық қаржы ұйымдарында тәжірибе жинақтап қайтты.

Еңбек жолын 1996 жылы Қазақ мемлекеттік академиясында ұстаз, ұстаз-тағылымгер ретінде бастады. 1998-2006 жылдар аралығында Қазақстан Республикасы ұлттық банкінің статистика және зерттеу департаментінде әртүрлі қызметте болды.

Тағы оқыңыз:

2006-2014 жылдары ҚР ұлттық банкте координация департаментінің жетекшісі болды. Әрі қарай "Қазақстанның құрылыс тұрғын үй банкінде" басқарушы директор болып жұмыс істеді. 

2015 жылы президент әкімшілігінде әлеуметтік-экономикалық мониторинг бөлімі жетекшісінің орынбасары болды. Осы жылдың қараша айынан бастап бүгінге дейін Қазақстан Республикасы президенті әкімшілігінің әлеуметтік-экономикалық мониторинг бөлімінің меңгерушісі қызметін атқарды.

463
Кілт сөздер:
мемлекет, президенттің көмекшісі, президент, ұстаз, Ұлттық банк, Назарбаев
Тақырып бойынша
Назарбаев мектептерде жыныстық тәрбие сабағын өткізуді ұсынды
Назарбаев: өмірден түңілсеңіз, зират басына барыңыз
Назарбаев Конституциялық заңға түзетулер енгізуге бастамашы болды
Назарбаев Ресей телеарналарына берген сұхбатында не айтты?
Назарбаев 2019 жылы мұғалімдердің жалақысы артатынын айтты
Назарбаев теңгенің алғашқы партиясын көрсетті – 25 жыл бұрынғы видео
Назарбаев педагогтер мәртебесін арттыру мәселесін пысықтауды тапсырды
Ұшақ, аспан

Қазақстан мен Ресей арасындағы әуе қатынасы жанданады

3
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

3
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

73
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

73
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды