мемлекеттік наградалар

Назарбаев бірнеше әкім мен министрді орденмен марапаттады

848
(Жаңартылды 19:44 14.12.2018)
Мемлекеттік наградалармен марапатталғандар арасында министрлер мен облыс әкімдері бар

АСТАНА, 14 желтоқсан – Sputnik. Қазақстан президенті Нұрсұлтан Назарбаев еңбегімен дараланған ел азаматтарын мемлекеттік наградалармен марапаттады, деп хабарлайды тілшісі. 

Мемлекет басшысы Тәуелсіздік мерекесі қарсаңында елге еңбегі сіңген бірқатар азаматты мемлекеттік наградамен марапаттады. 

"Баршаңызды еліміздің ұлық мерекесі – Тәуелсіздік күнімен шын жүректен құттықтаймын. Бұл егемен елімізді дүниежүзіне танытып, бар жақсылықтың бастауы болған қазақ үшін қасиетті мейрам. Біз жиырма жеті жыл бұрын азаматтық жалауын желбіретіп, береке-ірлігіміздің арқасында мерейлі мемлекетке айналдық. Биыл тәуелсіздіктің символына айналған Астананың жиырма жылдық мерейтойын абыроймен атап өттік" – деді Елбасы Ақордада өткен салтанатты марапаттау рәсімінде. 

Президент игі дәстүр бойынша Тәуелсіздік күні қарсаңында ерен еңбегімен дараланған ел азаматтарына қошемет көрсетілетінін атап өтті. 

"Әрқайсыңыз көпшіліктің құрметіне бөленіп, өнегелі істеріңізбен жаңа Қазақстанды жаңғыртуға атсалысып, жұмыс істедіңіздер. Сондықтан Ақорда төріне жиналған баршаңыз үшін бүгін ерекше мерейлі күн деп санаймыз", — деді Назарбаев. 

Жоғары дәрежелі ерекшелік белгісі – "Қазақстанның Еңбек Ері" атағы, айрықша белгісі  "Ақтөбе қаласы сал ауруына шалдыққан азаматтарды қолдау орталығы" ҚБ төрайымы Құралай Бәйменова, Жамбыл облысының Тұрар Рысқұлов ауданынан "Шәушен" ШҚ басшысы  Сайрамбай Дөненбаев, Шымкенттен"А.С.Пушикин атындағы №1 мектеп-гимназиясы" КММ мұғалімі Алина Соловьеваға берілді. 

І дәрежелі "Барыс" орденімен Астанадан Еңбек ардагері Жәнібек Кәрібжанов, "Қазақстан темір жолы" ҰК" АҚ басқарма төрағасы Сауат Мыңбаев марапатталса, ІІ дәрежелі "Барыс" орденін Ұлттық ғылыми медициналық орталық" АҚ басқарма төрағасы Абай Байгенжин, жазушы Қабдеш Жұмаділ, Қазақ ұлттық өнер университеті" РММ профессоры Сұлтан Оразалы иеленді. Ал  ІІІ дәрежелі "Барыс" орденімен Қостанай облысының Әулиекөл ауданы, "Агрофирма "Диевская" ЖШС бас директоры Олег Даниленко, Орталық сайлау комиссиясының төрағасы Берік Имашев марапатталды. 

Тағы оқыңыз:

"Парасат" орденін алғандар – Солтүстік Қазақстан облысының әкімі Құмар Ақсақалов, Қорғаныс және аэроғарыш өнеркәсібі министрі Бейбіт Атамқұлов, Мемлекеттік қызмет істері және сыбайлас жемқорлыққа қарсы іс-қимыл агенттігінің аппарат басшысы Саян Ахметжанов, "Абай атындағы Қазақ ұлттық педагогикалық университеті" РМК ректоры, Алматы қаласы Такир Балықбаев, "Қазақстан Республикасы Президентінің Телерадиокешені" КЕАҚ бас директоры Ерлан Бекхожин, премьер-министрдің орынбасары Ерболат Досаев, Жамбыл облысының әкімі Асқар Мырзахметов,  "Uniserv" ЖШС бақылау кеңесінің төрағасы, Орал қаласы Нұрғазы Сәтбаев, Маңғыстау облысының әкімі Ералы Тоғжанов. 

"Құрмет" орденімен денсаулық сақтау министрі Елжан Біртанов, ұлттық экономика министрі Тимур Сүлейменов, "Қазақ ұлттық хореография академиясы" КЕАҚ оқытушысы Людмила Макарцева, Н.Тілендиев атындағы "Отырар сазы" академиялық фольклорлық-этнографиялық оркестрінің бас дирижері Динара Тілендиева марапатталды. 

ІІІ дәрежелі "Еңбек Даңқы" орденін Қарағанды облысы, "Kazakhmys Smelting" ЖШС Балқаш мыс қорыту зауытының қорытушысы Теміржан Бекжанов алды. 

ІІ дәрежелі "Даңқ" орденімен марапатталғандар – Ұлттық қауіпсіздік комитеті Солтүстік Қазақстан облысы департаментінің бастығы Асқар Ақшаев, Қорғаныс министрінің орынбасары Мүсілім Алтынбаев, Алматы қаласының прокуроры Берік Жүйріктаев, ҚР Қарулы күштері Әуе қорғанысы күштері Әскери-әуе күштерінің қолбасшысы Дәурен Қосанов. 

ІІ дәрежелі "Айбын" ордені Ішкі істер министрлігі Астана қаласының Полиция департаменті Жол-патрульдік полициясы полкі қызметінің инспекторы Азамат Балтабаевқа берілді.

Тағы оқыңыз: Елбасы өзінің жалғыздығы туралы айтты

ІІІ дәрежелі "Айбын" орденімен Ішкі істер министрлігі Қызылорда облысының Төтенше жағдайлар департаменті Өрт сөндіру және авариялық-құтқару жұмыстар қызметінің Қызылорда қаласы №2 мамандандырылған өрт сөндіру бөлімінің бөлімше командирі Ермекбек Пазлиев марапатталды. 

"Жауынгерлік ерлігі үшін" медалін Мемлекеттік күзет қызметі объектілерді қорғау қызметі "Айбын" президенттік полкі" 0112 әскери бөлімінің рәсімдік батальоны құрмет қарауыл ротасының бөлімше командирі Әділхан Төребеков алды.

848
Кілт сөздер:
Тәуелсіздік күні, мемлекеттік наградалар, Тимур Сүлейменов, Ерболат Досаев, Елжан Біртанов, Назарбаев
Тақырып бойынша
Ресей СІМ Иманғали Тасмағамбетовті марапаттады
Путин қазақстандық әртісті марапаттады
Испания Королі VI Фелипе Елбасын орденмен марапаттады
Оңтүстік Қазақстанда үш рет егіз босанған ананы марапаттады
Ұялы телефон, архивтегі сурет

Мемлекеттік мекемедегі трагедия: марқұмның әкесі Назарбаев пен Тоқаевқа үндеу жолдады

4
Марқұмның әкесі ұлы департамент ғимаратының терезесінен өзі секірген жоқ, оны лақтырып жіберді деп санайды

НҰР-СҰЛТАН, 28 қыркүйек – Sputnik. Алматыда экономикалық тергеу департаменті ғимаратының терезесінен секіріп көз жұмған ер адамның әкесі Елбасы мен президенттен көмек сұрады.

Марқұм Ерлан Қоныспаевтың әкесі Сапарқали Қонысбаев әл-Фараби атындағы ҚазҰУ химия және химиялық технология факультетінің профессоры, химия ғылымдарының докторы екен.

Айтуынша, ұлының үстінен қозғалған қылмыстық іс отбасының соңғы 30 жыл бойы айналысқан жұмысымен байланысты. Пандемия кезінде Алматының экономикалық тергеу департаменті жалған қылмыстық іс қозғаған.

"Үйде заңсыз тінту жүргізіп, компьютерлер мен құжаттарды тәркіледі. Ар-намысты қорлап, бізге үлкен моралдық қысым көрсетті", - деп мәлімдеді Сапарқали Қоныспаев.  

Ол 22 қыркүйек күні марқұм ұлын экономикалық тергеу департаментіне алдап шақырды деп санайды.

"Тергеуші іс жабылатынына сендірді. Бірақ, түннің бір уағында суыт хабар алдым: ұлымның көз жұмғанын хабарлады. Оны бесінші қабаттың терезесінен лақтырып жіберген. Ұйым басшылығының бұдан хабары болғанын сезіп отырмын", - дейді Сапарқали Қоныспаев.

Айтуынша, Ерлан Қоныспаевтың өліміне қатысты қылмыстық іс бір ведомстводан екіншісіне тапсырылып, баптар өзгертіліп жатыр.

"Ерланның бірнеше дипломы болған, Францияда білім алды. Бес тіл білетін. Артында үш баласы қалды. Ол мемлекеттік мекемеде өлтірілді. Маған, Қазақстан азаматы ретінде, осының бәріне сену қиын", - деді марқұмның әкесі.

Ол соңғы уақытта өзінің және отбасының, қызметкерлерінің өміріне де алаңдап жүргенін айтты.

"Мен тергеудің әділ өткенін қалаймын. Мен үшін бұл оқиғадағы ең маңыздысы – ол шындық", - деді ол.

Ерлан Қоныспаевтың өлімі

28 қыркүйекте Алматыда аса ірі мөлшерде алаяқтық жасады деп айыпталған ер адамның экономикалық тергеу департаменті ғимаратының терезесінен секіріп қаза болғаны хабарланды.

Қаржы министрлігі қаржылық мониторинг комитеті баспасөз қызметінің мәліметінше, трагедия 22 қыркүйекте болған. 44 жастағы Ерлан Қоныспаев экономикалық тергеу департаменті ғимаратының бесінші қабатынан секіріп көз жұмды.

Қылмыстық іс материалдарына сүйенсек, марқұм 2016 жылы білім министрлігінің ғылым комитетінен 230 миллион теңге мақсатты грант алған. Оның 88 миллион теңгесін еншілес компаниялардың шотына аударып, қолма-қол ақшаға айналдырған. Алайда келісімшартта көзделген жұмыстар орындалмаған.

22 қыркүйекте марқұмнан күдікті ретінде жауап алынады. Қасында адвокаты да болған. Ол Қылмыстық кодекстің 190-бабы 4-тармағында ("Аса ірі мөлшердегі алаяқтық") көзделген қылмысты жасады деп айыпталды.

Тергеуші Қоныспаевтың бұған дейін сотты болғанын және жаңа ауыр қылмыс жасағанын ескеріп, оны ұстау және уақытша ұстау изоляторына қамау туралы шешім қабылдайды.

Алайда тиісті хаттамалар толтырылғаннан кейін, ер адам терезеден секіріп кеткен.

Қазір бұл фактіге қатысты сотқа дейінгі тергеу басталды. Бұған қоса, қаржылық мониторинг комитеті ішкі қызметтік тергеу жүргізіп жатыр.

4
Кілт сөздер:
тергеу, Алматы
Смартфон ұстаған зейнеткер

Жаппай төбелестің бел ортасында жүрген әженің видеосы желіде қызу талқыланып жатыр

1063
(Жаңартылды 15:07 28.09.2020)
Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ

НҰР-СҰЛТАН, 28 қыркүйек – Sputnik. Әлеуметтік желіде Алматыда болған жаппай төбелестің видеосы тарап кетті. Қолданушылар төбелестен бұрын түнгі уақытта гүл ұстаған әженің қайдан шыққанын қызу талқылап жатыр.

Видеодан бірнеше адамның төбелесіп жүргенін көруге болады. Кадрда қамзол киген әже де бар. Басында ақ орамал, қолында бір шоқ гүлі бар кейуана бір жігітті итеріп, жолдың бергі жағына өтіп кетеді. 

Посмотреть эту публикацию в Instagram

Публикация от @kris_p_almaty +21 | kz 🇰🇿 (@kris_p_almaty)

Желі қолданушылары жаппай төбелестің жұмадан сенбіге қараған түні "Туысқан бар" деген жерде болғанын жазып жатыр. Алайда, көбісі төбелесті емес, түнгі уақытта гүл ұстаған әжені талқыға салуда.

Біреулер оны түнгі клубтардың жанында жиі көретінін және оның қайыр сұрап жүретінін жазса, енді біреулер төбелестің арасында жүрген әженің әрекетін әзіл-қалжыңға айналдыруда.

Оқи отырыңыз: Бокспен шұғылданып жатқан әже желідегілерді таңғалдырды

Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ. Алайда, әлеуметтік желіде тараған видеодан кейін бұзақылық әрекеті бойынша сотқа дейінгі тергеу басталды.

1063
Кілт сөздер:
жастар, Алматы, жаппай төбелес
Тақырып бойынша
Шыбын өлтірмек болған зейнеткер үйін жарып жіберді
Зейнеткер үйде күтіп отырған 101 жастағы анасы үшін COVID-тен жазылып шықты
Зейнеткер тұрғын үйде ілініп тұрған альпинистердің арқанын кесіп жіберді
Астанада автобуста зейнеткер әже Елбасы туралы ән шырқады
Қостанай облысындағы өрт: ер адам қаза тауып, 96 жастағы әже уланып қалды
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

0
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Әйелі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

0
Кілт сөздер:
көңілдес, Атбасар