Қоғам

Астанада қоғамдық көлікке 900 жүргізуші жетіспейді

© Sputnik / Виталий Белоусов / Медиабанкке өтуАвтобус жүргізушісі
Автобус жүргізушісі - Sputnik Қазақстан
Жазылу
Астанада автобус жүргізушілеріне ерекше мәртебе беріліп, жалақысы артады

АСТАНА, 21 желтоқсан — Sputnik. Жүргізушілердің ішкі классификациясы және оларды қалай ынталандыратыны туралы "Астана LRT" ЖШС басқарма басшысы Бекмырза Игенбердинов айтып берді.

Автобус - Sputnik Қазақстан
Өңірлер
Оралда әбден ашынған автобус жүргізушілері жұмысқа шықпай қоюы мүмкін

Автобус жүргізушісінің ең төменгі жалақысы – 200 мың теңге, орташа жалақы – 250 мың теңге. Жол апатына түспеген, жол жүру ережесін бұзбайтын, жағымсыз пікір алмаған үздік жүргізушілер қосымша бонустарға ие болып, жалақысы 400 мың теңгеге жетуі мүмкін.

"Бізде құрмет тақтасы деген бар – қаһармандар мен суперқаһармандар. Атына шағым түспеген, жол апатына ұшырамаған, талаптарды дұрыс орындап, өз жұмысын жақсы көретін жүргізушілер суперқаһарман атанады, жалақысы да жақсарады", — деп түсіндірді Игенбердинов.

Сонымен бірге, компанияда вакансиялар бар екен – мамандар жетіспейді.

"Жүргізушіге ауыртпашылық түспес үшін бір автобусқа 2-3 адамнан келуі керек, қазір олар артық жұмыс істеп жүр. Қала бойынша 900 адам жетіспейді. Қазір Астанада 1 500 жүргізуші бар", — деп хабарлады "Астана LRT".

Компания тәртіп бұзғандарға айыппұл салынатынын да жасырмады. Жыл басынан бері әкімшілік жауапкершілікке 900 жүргізуші тартылыпты. Айыппұл сомасы 12 миллион теңгеге жетеді.

Жаңалықтар
0