Жылжымайтын мүлік

Қазақстанда айыппұлдардың саны қысқарады

284
(Жаңартылды 18:50 26.12.2018)
Жылжылмайтын мүлікке құқықтарды тіркеу мерзімі 15 күннен 3 күнге дейін қысқарған

АСТАНА, 24 желтоқсан – Sputnik. Әділет министрі Марат Бекетаев жылжымайтын мүлікке құқықтарды тіркеуді кешеуілдеткені үшін әкімшілік жауапкершілікті алып тастау мәселесін қарауды ұсынды, деп хабарлайды тілшісі. 

Бүгін мәжілістегі үкімет сағатында жылжымайтын мүлікке құқықтарды мемлекеттік тіркеу мәселелері қаралды. Әділет министрі Марат Бекетаев жылжымайтын мүлікті уақытында тіркемегені үшін қарастырылған әкімшілік жауапкершілікті алып тастау қажеттігін атап өтті. Оның айтуынша, бұл норма 2007 жылы салықтық әкімшілеу және халықты жылжымайтын мүлікке өз құқықтарын тіркеуге мәжбүрлеу мақсатында енгізілген. 

"Мемлекет мүлікті заңдастыру бойынша екі акция өткізіп, мемлекеттік қызмет көрсету тәртібін оңтайландыру шараларын қолға алды. Нәтижесінде соңғы жылдары аталған құрам бойынша әкімшілік істер аз қозғалып жатқаны байқалады. Осыған байланысты жылжымайтын мүлікке құқықтарды тіркеу мерзімін бұзғаны үшін әкімшілік жауапкершілікті алып тастау мәселесін қарауды ұсынамыз", — деді министр. 

Бекетаев жылжылмайтын мүлікке құқықтарды тіркеу мерзімі 15 күннен 3 күнге дейін қысқарғанын атап өтті. Сондай-ақ құжаттар тізімі де азайған, мүлікті тіркеу үшін тек төлем туралы түбіртек пен құқық белгілеуші құжаттар ғана қажет.


284
Кілт сөздер:
жылжымайтын мүлік, әкімшілік айыппұл, Марат Бекетаев
Тақырып бойынша
Жүргізушілерге сақтандыру полисінің жоқтығы үшін айыппұл салынбайды
Қазақстанда жолды рұқсат етілмеген жерден кесіп өткендер қанша айыппұл төлейді?
Пәтерін заңсыз жалға бергендер 2 миллион айыппұл төледі
Министрлік ҰБТ-да тәртіп бұзатын түлектерге айыппұл салуды ұсынды
Загрузка...