Назарбаев

"Блат, сват деген жоқ". Назарбаев білім саласының болашағын қалай елестетеді?

1105
(Жаңартылды 19:32 29.12.2018)
Мемлекет басшысы білім саласына келгенде Финляндия, Америка секілді мемлекеттерден үлгі алуға шақырды

АСТАНА, 29 желтоқсан — Sputnik. Елбасы Нұрсұлтан Назарбаев жыл қорытындысы бойынша еліміздің бұқаралық ақпарат құралдары өкілдерімен кездесуінде болашақта Қазақстандағы білім саласын қалай елестетінін айтты, деп хабарлайды тілшісі.

"Болашақтағы білімді Назарбаев университеті деңгейінде елестетемін. Өзім жыл сайын түлектерге дипломын табыстаймын. Осы үздіктердің арасындағы бірнеше адам әрі қарай оқуын жалғастыру үшін грант иеленеді. Әдетте америкалықтар мен қытайлықтар ең ақылды балаларды өздеріне оқуға шақырады. Бізде Қазақстанның түкпір-түкпірінен биология, математика, физика және химия саласында талантты балаларды жинап, үш тілде оқытатын 22 зияткерлік мектеп бар. Ол жақта блат, сват деген жоқ. Бәрі біліммен шешіледі", — деді Елбасы.

Президент аталған білім ордаларында ұстаздарға жоғары жалақы төленетінін айтып өтті. Сондай-ақ, ол адамдардың барлығы бірдей талантты бола бермейтініне тоқталды. Яғни бұл мектептерде жұмыс істеп немесе білім алу үшін адам креативті ойлай алып, халықаралық тілдерді еркін меңгеріп алуы тиіс.

"Бізге алған білімін бірден іске бағыттай алатын адамдар керек. Әсіресе, биология, математика, физика, химия және жасанды ақыл саласындағы мамандар тапшы. Оның үстіне бір саладағы білім қиындықты шешу үшін жеткіліксіз. Сол себепті халықаралық стандарттарға сай білім беруді үйренуіміз қажет", — деп түйіндеді мемлекет басшысы.

Тағы оқыңыз:

Назарбаев Қазақстан Америка және Финляндия секілді білім жүйесі озық мемлекеттерден үлгі алуы тиіс екенін айтып өтті. 

1105
Кілт сөздер:
Назарбаев зияткерлік мектебі, білім, маман, президент, түлектер
Тақырып бойынша
Назарбаев: Бүгін ғана аспаннан салбырап түскен жоқпыз
Президент Денис Теннің өлімін тергеуге қатысты: халық полиция мен сотқа наразы
Трамп "көрдіңдер ме, Қазақстанның дұшпаны жоқ" деді – мемлекет басшысы
Президент Астана туралы: Саяси астарын түсінетін уақыт келді
Елбасы 2068 жылғы ұрпаққа хат жазып қалдырды
Елбасы ұстаздардың мәртебесі туралы заң қабылдауды тапсырды
Сайрагүл Сауытбай: Елбасы Нұрсұлтан Назарбаевқа рақмет! – видео
Загрузка...