Флаг Армении, архивное фото

Арменияның үкімет басшысы Қарағандыдағы қанды оқиға туралы пікір білдірді

3588
(Жаңартылды 21:05 08.01.2019)
Қазақстан мен Армения СІМ басшылары да оқиғаны талқылап, арандатуға жол бермеуге шақырды

АСТАНА, 8 қаңтар — Sputnik. Армения премьер-министрі міндетін атқарушы Никол Пашинян Қарағандыда қаза тапқан жігіттің отбасына көңіл айтып, оқиғаға қатысты пікірін білдірді, деп хабарлайды Sputnik Қазақстан.

"Қаза тапқан жігіттің туыстарына көңіл айтамын және оқиғаның ұлтаралық сипаты болуы мүмкін емес екенін атап өтемін. Жанжалдасқан тараптар моноэтникалық болмаған", — деп мәлімдеді Никол Пашинян.

Ол армян БАҚ өкілдерінен ақпаратты мұқият тексеруді өтініп, үндеу жасады.

Болған оқиғаны Армения мен Қазақстанның СІМ басшылары да талқылаған. Кеше сыртқы істер министрлері Зограб Мнацаканян мен Бейбіт Атамқұлов телефонмен сөйлесіп, екі тарап та жанжалға ұлтаралық сипат беруге болмайтынын айтты. Бұл туралы Армения сыртқы істер министрлігі баспасөз қызметі хабарлаған.

"Сыртқы саясат ведомствосы басшылары бұл оқиғаның нәзік мәселе екенін атап өтіп, деректердің әдейі бұрмаланып жатқанын айтты, сонымен қатар бұл жайттың әрі қарай шиеленісуін болдырмау үшін қандай шаралар қолдану керектігін талқылады", — делінген хабарламада. 

1 қаңтарға қараған түні Қарағандының мейрамханаларының бірінде 23 жастағы ер адам қаза тауып, тағы үш жігіт жарақат алған. Аталған іс бойынша 7 адам ұсталды, бесеуі қамауға алынған, тағы біреуін полиция іздеп жатыр.

Жексенбі күні өңір әкімі Ерлан Қошанов марқұмның туыстары және қала тұрғындарымен кездесіп, тергеудің айқын әрі ашық өтетініне уәде берді.

3588
Кілт сөздер:
ұлтаралық алауыздық, қанды оқиға, кісі өлімі, жанжал, Армения, Қарағанды, Қазақстан
Тақырып бойынша
Қарағандыда жаңажылдық отырыстардың бірі кісі өлімімен аяқталды
Қарағандыдағы қанды оқиға: Армения сыртқы істер министрлігі мәлімдеме жасады
Қарағандыдағы қанды оқиға: армян диаспорасы қаза тапқан жігіттің отбасынан кешірім сұрады
Қарағандыдағы қанды оқиға: полиция ұлтаралық алауыздық туралы іс қозғады
Қарағандыдағы төбелеске ұлтараздық алауыздық себеп болмаған – прокуратура
Қарағандыдағы қанды оқиға: күдіктілердің суреті жарияланды
коронавирус

Денсаулық министрлігі екі тәулікте қанша адам қайтыс болғанын жариялады

514
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

514
Кілт сөздер:
коронавирус
Тақырып:
Коронавирус эпидемиясы
коронавирус

Қазақстанда бір тәулікте 64 адам коронавирус жұқтырды

1373
(Жаңартылды 10:42 27.09.2020)
Өткен тәулікте 136 адам коронавирус індетінен емделіп шықты, Қазақстан бойынша жазылғандар саны – 102 666

НҰР-СҰЛТАН, 27 қыркүйек — Sputnik. Қазақстанда өткен тәулікте 64 адамнан коронавирус табылды, деп хабарлады денсаулық сақтау министрлігі.

Қалалар мен өңірлер бойынша:

  • Нұр-Сұлтан қаласы - 10
  • Алматы қаласы - 3
  • Ақмола облысы - 4
  • Ақтөбе облысы - 2
  • Алматы облысы - 2
  • Атырау облысы - 4
  • Шығыс Қазақстан облысы - 17
  • Жамбыл облысы - 2
  • Батыс Қазақстан облысы - 2
  • Қарағанды облысы - 4
  • Қостанай облысы - 3
  • Маңғыстау облысы - 2
  • Павлодар облысы - 4
  • Солтүстік Қазақстан облысы - 5

Жалпы, пандемия басталғалы бері  ел бойынша ауырғандар саны 107 723 адамға жетті.

Өткен тәулікте 136 адам коронавирус індетінен емделіп шыққан. Қазақстан бойынша жазылғандар саны – 102 666.

1373
әйел

Өскеменде қолына баласын ұстаған тыр жалаңаш әйел көшеде шу шығарды

0
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

0
Кілт сөздер:
видео