Президент Казахстана Нурсултан Назарбаев на заседании Высшего Евразийского экономического совета

"Көбісі қайтыс болды" Назарбаев маңызды мәлімдеме жасады видео

11153
(Жаңартылды 19:02 10.01.2019)
Қазақстанның 47 азаматы, оның ішінде отыз бала Сириядан эвакуацияланды

АСТАНА, 9 қаңтар — Sputnik. Мемлекет басшысы Нұрсұлтан Назарбаев Қазақстан азаматтарын Сириядан эвакуациялау бойынша гуманитарлық операциялардың аяқталуына байланысты мәлімдеме жасады, деп хабарлады Ақорданың баспасөз қызметі.  

"6 қаңтарда біздің құқық қорғау органдары мен сыртқы істер мнистрлігі жүргізген гуманитарлық операциялар нәтижесін берді. Қазақстанның 47 азаматы, оның ішінде отыз бала Сириядан эвакуацияланды. Олардың барлығы террористердің бақылауында болған, барлығын кезінде кризис болып жатқан Сирияға алдап алып кеткен. Көбісі соғыс кезінде қайтыс болды", — деді Назарбаев. 

Президент елге қайта оралған әйелдер мен балаларға жан-жақты қолдау көрсетілгенін атап өтті. 

"Олар бір ай ішінде бейімделіп, қажетті медициналық көмек алады. Тағдыр тауқыметін тартқан әйелдер мен балалардың қуанышында шек жоқ, көз жасын көрдік. Қолданылған шаралар болашақта мұндай жағдайлардың алдын алуға жағдай жасайды", — деп толықтырды мемлекет басшысы.

Нұрсұлтан Назарбаев айтып өткендей, Қазақстан осылайша өз азаматтарын қайда жүрсе де қолдайтынын көрсетті.

"Еліміздің қауіпсіздігін, береке-бірлігін қамтамасыз ету – мемлекеттің маңызды міндеті. Сондықтан қақтығыс аймағында жүрген азаматтарымызды, әсіресе, балаларды қайтару жұмыстарын жалғастыра береміз", — деп түйіндеді ол.      


11153
Кілт сөздер:
террорист, Назарбаев, Сирия, Қазақстан
Тақырып бойынша
Сирия бойынша келіссөздердің келесі раунды Сочиде өтеді
Сирия әуе базасына шабуыл жасалды
ҰҚК: Сирия мен Ирактан елге оралған содырлардың 57-сі сотталды
Назарбаев пен Путин Сирия келіссөздерінің қорытындысын талқылады
Министрлік Сирияда өлім жазасына кесілді деген 3 қазақстандыққа қатысты жағдайды айтты
Загрузка...