Ұйқы

Ғалымдар аз ұйқының адам өміріне орасан зор қаупін дәлелдеді

1181
(Жаңартылды 17:00 15.01.2019)
Жүрек-қантамыр дертіне шалдықпау үшін адам тәулігіне сегіз сағат демалып, ұйқысын қандыруы тиіс

АСТАНА, 15 қаңтар — Sputnik. Алты сағаттан аз ұйықтайтындардың жүрек-қантамыр ауруына шалдығу қаупі зор. Испания мен АҚШ ғалымдары осы тұжырымды дәлелдеді, деп хабарлайды EurekAlert!.

Зерттеуге 3 974 испан қатысқан, олар тәжірибе барысында ұйықтау және ояу жүру уақытын есептеп отыратын актиграф атты құрылғыны тағып жүреді. Еріктілерді түнгі демалысқа бөлетін уақытына қарай төрт топқа жіктеген. Бұдан бөлек, зерттеуге қатысушылардың дертін анықтау үшін эхокардиография және компьютерлік томографиядан өткізген екен.

Тәжірибе нәтижесінде алты сағаттан аз ұйықтағандарда атеросклероз дертіне шалдығу қаупі 7-8 сағат ұйықтайтындарға қарағанда 27 пайызға жоғары екені анықталды. Оның үстіне, мазасыз ұйқы және түн ішінде жиі ояну қантамыр ауруларына шалдығу ықтималдығын 34 пайызға өсіреді екен. Бірақ, керісінше, тым көп ұйықтау, яғни түнгі ұйқы сегіз сағаттан асып кетсе де, атеросклероз ауруына шалдығу қаупі бар.

Бір қызығы, аз ұйықтайтындар кофе немесе ішімдікті жиі пайдаланатын болып шықты.

Атеросклероз — қантамырлардың ішінде холестериннің түйін тәрізді жинақталып қалуы. Холестерин сіңген кезде әуелі сары дақ түрінде болып, бара-бара түйінге айналады. Түйіндер өзара қосылып кетеді. Салдарынан тамырдың ішінде жаралар пайда болып, кальций тұздары шөгіп, тамыр қатаяды, қан өтуі баяулайды.

1181
Кілт сөздер:
жүрек-қан тамырлары жүйесі аурулары, ұйқы қанбау, ұйқы, ғалымдар
Тақырып бойынша
Ғалымдар қандай қалыпта ұйықтау өлімге әкеліп соқтыратынын анықтады
Ғалымдар қалай дұрыс ұйықтау керек екенін айтты
Ғалымдар ұйқы кезінде мида не болып жататынын анықтады
Ғалымдар көп ұйықтаудың неге қауіпті екенін айтты
Загрузка...