Дәріхана

Қазақстанға арналған инсулин Өзбекстанда сатылып жатыр: Министрлік ҰҚК-ге жүгінді

176
(Жаңартылды 12:44 23.01.2019)
Аталған факті расталса, бұған жол бергендер қылмыстық жауапқа тартылуы мүмкін

АСТАНА, 22 қаңтар – Sputnik. Денсаулық сақтау министрлігі қазақстандықтарға арналған инсулиннің Өзбекстан дәріханаларында сатылу фактісі бойынша Ұлттық қауіпсіздік комитетіне ресми сауал жолдады, деп хабарлайды Sputnik Қазақстан тілшісі.

Біртанов инсулин бойынша мұндай факті алғаш тіркеліп отырғанын, оны жіті тексеру қажеттігін айтты.

"Біз ұлттық қауіпсіздік комитетіне ресми сауал жолдадық. Егер расталса, бұған жол бергендер қылмыстық жауапқа тартылады деген үміттемін", — деді министр үкімет кулуарында. 

Оның айтуынша, қазір дәрі-дәрмек тізім бойынша сатылады, сондай-ақ халық арасында сауалнама жүріп жатыр. Өткен жылдың қараша-желтоқсан айларында министрлікке өздеріне тиесілі дәрі-дәрмектен қағылған азаматтардан шағым түскен. 

"Бұл мәліметтерді де біз Бас прокуратураға жолдадық, олар қазір жүріп жатқан тексеріс материалдарына қосылды деген үміттемін. Қазір бірқатар өңірде қылмыстық іс те қозғалды. Яғни, біздің міндетіміз – құқық қорғау органарымен бірлесіп, дәрімен қамтамасыз ету саласында толығымен тәртіп орнату", —деді Біртанов. 

Еске сала кетсек, Ташкент журналистері дәріханалардан қазақ тілінде таңбаланған инсулин сатылып жатқанын хабарлаған еді.

176
Кілт сөздер:
инсулин, Денсаулық сақтау министрлігі, ҰҚК, Елжан Біртанов, Өзбекстан, Қазақстан
Тақырып бойынша
Қазақстанда тегін дәрі-дәрмекті кім және қалай алады?
Сағынтаев министрден өңірлерге дәрі жеткізу неге кешеуілдеп жатқанын сұрады
Жасанды дәрі-дәрмекпен күрес: ҚР-да әр дәрі қаптамасында бірегей код болмақ
Депутат рецептілік дәрі-дәрмектердің жөн-жосықсыз берілуін сынға алды
Загрузка...