Тәуелсіздіктің ұрпақтары жастар жылының салтанатты ашылу рәсімі

Назарбаев: Аллаға шүкір, біз әлемнің ең дамыған 50 елінің қатарына қосылдық

1468
(Жаңартылды 12:09 24.01.2019)
Қазақстан президенті Астанадағы "Нұр Әлем" павильонында өтіп жатқан салтанатты шарада Жастар жылын ашты

АСТАНА, 23 қаңтар – Sputnik. Қазақстандықтардың жаңа буыны – Қазақстанның ең үлкен жетістігі. Бұл туралы бүгін мемлекет басшысы Нұрсұлтан Назарбаев мәлімдеді, деп хабарлайды тілшісі. 

"Мен көріп отырған қазақстандықтардың жаңа буыны – Қазақстанның ең үлкен жетістігі, мемлекет басшысы ретінде менің еңбегімнің ең үлкен нәтижесі. Бүгін сіздермен кездесіп отырғаныма қуаныштымын. Қазақстан жастары жылының басталуымен құттықтаймын", —деді Назарбаев "Нұр Әлем" павильонында өтіп жатқан салтанатты шарада. 

Президент қазір көз алдымызда жаңа жаһандық өркениет туып жатқанын атап өтті. 

"Біз оқушы болған кезде, ауылда теледидар деген болмайтын. Радио енді-енді пайда болып жатқан кез, теледидар атымен жоқ. Яғни, адамзат пен әлем үшін 100 жыл деген ештеңе де емес. Бұл бір сәт қана. Қараңыздар, әлем қалай өзгеріп жатыр. Қазір әр он жыл сайын бәрі өзгереді. Сондықтан біздің ел қазіргі уақыт ұсынып отырған сын-қатерлерге дайын болуы керек", — деді Елбасы. 

Назарбаев жастар елдің бәсекеге қабілеттілігінің басты факторы екенін айтты. 

"Аллаға шүкір, біз әлемнің ең дамыған 50 елінің қатарына кірдік. Бірақ бұл жеткіліксіз. Бүгін мемлекеттер арасында ғана емес, адам мен адам арасында бәсеке жүріп жатыр. Сондықтан ғылым мен білімді көтеретін креативті жастары бар ел ғана жеңеді. Мен бүгін соған куә болып отырмын", — деді мемлекет басшысы.

1468
Кілт сөздер:
жастар жылы, дамыған 50 ел, экономика, Қазақстан
Тақырып бойынша
Нұрсұлтан Назарбаев: Жалпы, экономикамыз тұрақты дамып келеді
Сағынтаев ұлттық экономика вице-министріне сөгіс жариялады
Сағынтаев: жаһандық сындардан соң экономика өсімін қалпына келтіре бастадық
Загрузка...