Дәрі

Қазақстанда оқушыларға дәрілік есірткі сатқан 101 дәріхана басшысы жауапқа тартылды

258
(Жаңартылды 18:45 31.01.2019)
Қазіргі таңда республикада есірткі қолданатын 128 жасөспірім тіркеуде тұр

АСТАНА, 31 қаңтар — Sputnik. Өткен жылы Қазақстанда жасөспірімдерге дәрілік есірткі заттарын сатқан 101 дәріхананың басшысы жауапқа тартылды, деп хабарлайды тілшісі.

ҚР ІІМ Есірткі қылмысына қарсы іс-қимыл департаменті басқармасының басшысы Берікхан Нұрғалиевтің айтуынша, қазіргі таңда республика бойынша есірткі қолданатын 128 жасөспірім тіркеуде тұр. Олардың ең кішісі — 14 жаста. Есірткі қолданатын оқушылардың дені Астана, Алматы секілді ірі қалаларда тіркелген.

"Бұрындары героин, көкнәр секілді есірткі түрлері көп сатылған. Себебі шекара жабық, есірткі Түркия, Сирия, Ирак жақпен айналып кетіп жатыр. Бірақ бүгінде синтетикалық есірткі деген үлкен проблема бар. Оның пайда болғанына үш жылдай уақыт болды. Былтыр елімізде есірткіні жарнамалаған 4,5 мың сайт анықталып, жабылды", — деді Нұрғалиев Астанадағы мектепте синтетикалық есірткілер мен дәрілік есірткі заттарымен күрес жөнінде өткен шарада.

Тағы оқыңыз:

Оның айтуынша, әлемде бір минутта есірткі жарнамалап, тарататын 3 мың сайт пайда болады. Ал олардың артында кім тұрғанын анықтау өте қиын.

"Есірткі сататын интернет дүкендер бір ғана Қазақстанда құрылмайды. Бұл бүкіл әлемге ортақ проблема бүгінде. Сондықтан ішкі істер органдары есірткіге қарсы күресті әлемдік қауымдастықпен бірлесіп жүргізеді", — дейді басқарма басшысы.

Тағы оқыңыз: 

Нұрғалиев қазіргі таңда кең тараған дәрілік есірткі заттарды сату мәселесіне тоқталды.

"Бүгінгі күні "трамадол нашақорлығы" деген өте өзекті мәселе бар. Сіздер білесіздер, трамадол дәріханаларда рецепт бойынша сатылады. Бірақ оны жасөспірімдер де алуы мүмкін. Сондықтан ішкі істер министрлігі трамадол сияқты дәрілік есірткі заттарын бақылауға алмақшы.

Айтуынша, былтыр Қазақстанда дәрілік есірткі заттарын жасөспірімдерге сатқан 101 дәріхана басшысы жауапқа тартылған.

"Мектепте есірткі сатып, ұсталған директорлар жоқ", — деді басқарма басшысы.

Нұрғалиев биылдан бастап есірткі туралы заң күшейтілгенін, тиісінше есірткі сататындардың жазасы қатаңдағанын атап өтті.

"Осы жылдан бастап синтетикалық есірткіні таратқандар қылмыстық жазаға тартылады. Тіпті өмір бойына бас бостандығынан айырылуы да мүмкін. Есірткіні қолданғандар үшін де әкімшілік және қылмыстық жаза қарастырылған", — деді ол.

Тағы оқыңыз:

Бұған қоса, ол есірткі сайттарының атауы көрсетілген графити жазбалар үшін 50 мың теңге айыппұл салынатынын айтты.

258
Кілт сөздер:
мектеп, есірткі, дәріхана, дәрі-дәрмек, жасөспірім, Қазақстан
Тақырып бойынша
Махаббат дерті: дәрігерлер сүйіктісі тастап кеткен әйелге өлтіретін дәрі екті
Головкиннің сөзі расталды: "Канело" дәрі ішіп жатқаны видеоға түсіп қалған
Сағынтаев министрден өңірлерге дәрі жеткізу неге кешеуілдеп жатқанын сұрады
Қазақстанда дәрі-дәрмек арзандайды
Он үш қабырғасы сынған: Есірткі "шеккен" 2 жасар бала әкесінің қолынан өлді
"Есірткі шегіп алғансың!". Танымал сарапшы Головкинге қандай баға берді?
Шымкенттік қария үйінің ауласында есірткі өсірген
Загрузка...