Архивное фото школьников во время снегопада

Бірнеше өңірде мектеп оқушыларына сабақ болмайды

134
(Жаңартылды 10:22 09.02.2019)
Білім басқармалары мектептерде сабақ болмайтыны туралы ақпарат таратып жатыр

АСТАНА, 8 ақпан – Sputnik. Астанада екінші ауысымда оқитын 0-4 сынып оқушыларына сабақ болмайды, деп хабарлайды қалалық білім басқармасы.

"Қазгидромет" мәліметінше, елордада түнде сынап бағанасы 35-37 градусқа дейін төмен түседі.

Шығыс Қазақстан облысының Алтай ауданында 40 градус аязға байланысты бірінші және екінші ауысымдағы 1-11 сынып оқушылары, сондай-ақ, колледждердің бірінші және екінші курс студенттері сабаққа барған жоқ.

Өскеменде сынап бағанасы 36 градус аязды көрсетіп тұр, сол себепті бірінші және екінші ауысымда оқитын 1-11 сынып оқушылары, сонымен қатар, колледждердің бірінші және екінші курс студенттеріне сабақ болмайды. Риддер мен Семейде де осыған ұқсас жағдай.

Тағы оқыңыз: Көктайғақта қалай дұрыс құлау керек? Астаналық дәрігерден кеңес

Бүгін Қарағандыда бірінші және екінші ауысымда оқитын 0-11 сынып оқушылары да қақаған аязға байланысты демалады. Павлодарда екінші ауысымдағы 1-9 сынып оқушылары үшін мектеп "жабық".

Тағы оқыңыз: Қыста суға түсетін адамдардың ағзасында қандай өзгеріс болады?

Қазақстанды осымен үшінші тәулік қатты аяз қысып тұр. Батыста, солтүстік-батыста, күндіз солтүстікте қар жауады. Кейбір жерлерде тұман түсіп, көктайғақ болады, бұрқасындатып, жел күшейеді.

134
Кілт сөздер:
ауа райы, қатты аяз, сабақ, оқушылар, мектеп
Загрузка...