Мадина Әбілқасымова

"Ол үкіметте отырған ойыншық емес" Перуашев министрді отставкаға жіберу туралы айтты

17872
(Жаңартылды 20:23 11.02.2019)
Депутат әрбір министр саясаткер ретінде өз сөзіне жауап беруі керектігін атап өтті

АСТАНА, 11 ақпан – Sputnik. Мәжіліс депутаты Азат Перуашев Астанада бес баланың өмірін қиған жойқын өрт пен оған кінәлілер туралы пікірін білдірді, деп хабарлайды Sputnik Қазақстан тілшісі.

Депутат кінәлі адамды іздеу дұрыс екенін, мұндай дүниені бей-жай қалдыруға болмайтынын айтты.

"Астанадағы трагедиямен қатар Қызылордада үш бала, екі күннен кейін Павлодарда бүтіндей бір отбасы қаза болды, содан кейін Шымкенттегі қайғылы оқиға. Көптеген миллиардтаған бюджеті бар қызметтер болса да, өкінішке қарай, өрт қауіпсіздігі, адамдардың қауіпсіздігі мәселесі бізде екінші орынға сырғып кетіп жатыр", - деді Перуашев Sputnik Қазақстан тілшісіне.

Астанада бір отбасыны бес баласынан айырған өрт орнында түсірілген видео

Перуашев әрбір министр саясаткер ретінде өз сөзіне жауап беруі керектігін атап өтті.

"Әрбір шенеунік өз жұмысы үшін жауапкершіліктен бас тартпауы керек. Әбілқасымова (еңбек және халықты әлеуметтік қорғау министрі – Sputnik Қазақстан) 16 мың теңге көп деді. Меніңше, бұл үлкен қателік. Бірақ, бұл қателіктің жуырдағы трагедияға тікелей қатысы жоқ...Ол үй бұл сөзден кейін жанып кеткен жоқ, біз осыны түсінуіміз керек", - деді мәжілісмен.

Десе де, депутат Әбілқасымова министр ретінде әлеуметтік салаға жауапты екенін, сондықтан халықты мазалаған проблемаларды үкімет алдына қою қажеттігін қадап айтты.

"Ол үкіметте отырған ойыншық емес. Мен Әбілқасымова ханымды құрметтеймін, бірақ министр ретінде ол әлеуметтік салаға жауапты. Сондықтан халықтың талабы орынды деп санаймын. Министрді отставкаға кетіру керек пе? Жұртшылық министрден қандай да бір әрекеті үшін жауапкершілікті талап етуге құқылы. Әрбір министр өз саласына жауап беруі тиіс", - деді Перуашев.

Ол еңбек және халықты әлеуметтік қорғау вице-министрі Светлана Жақыпованың "ата-аналардың түнде жұмыс істеуі – олардың таңдауы" дегеніне қатысты да пікірін білдірді.

Бес баланың қазасы: үй иесі қанша жылға сотталуы мүмкін?

"Ата-ана шарасыздықтан барып отыр мұндай қадамға. Еңбек және халықты әлеуметтік қорғау министрлігі неге көп балалы ата-аналарды түнде жұмыс істеуге жібереді?", - деп ашуланды депутат.

Оның айтуынша, мәжілістің жалпы отырысында "Ақ жол" фракциясы көп балалы отбасыларға төленетін әлеуметтік жәрдемақы, баспана мәселесін тағы да көтереді.

Перуашев өрт қауіпсіздігі мәселесі аймақтық емес, барлық өңірде кездесетін жүйелі проблема екенін атап өтті.

"Өртке қатысты айтар болсақ, бұл төтеншге жағдайлар комитетінің тікелей жауапкершілігі. Отставка туралы сөз қозғасақ, ішкі істер министрлігінің төтенше жағдайлар комитетінің отставкасы туралы айтуымыз керек. Бұл олардың тікелей жұмысы", - деді депутат.

Естеріңізге сала кетейік, бір отбасындағы бес баланың өмірін жалмаған өрт Астанада Көктал-1 ауданында болды. Апалы-сіңлілі бес қыз түнде үйде жалғыз қалған, ата-анасы жұмыста болыпты. Өрт салдарынан 2006, 2009, 2014, 2016 және 2018 жылдары туған бес бала көз жұмды.

Өрттен қаза болған бес қызды жерлеуге мыңдаған адам келді - видео

17872
Кілт сөздер:
отставка, құрбандар, өрт, Мадина Әбілқасымова, Азат Перуашев
Тақырып:
Бес баланың қазасы (22)
Тақырып бойынша
"Туыстары түнде тексеріп кеткен": бес баланың өмірін қиған өрттің мән-жайы
Астанадағы 5 қыздың қазасынан ақша тапқысы келетін алаяқтар пайда болды
Астанада көп балалы аналар көшеге шығып, әкіммен кездесуді талап етті
Астанадағы қайғылы оқиға: кәсіпкер тұрмысы нашар отбасыға пәтер алып бермек
Көп балалы аналар Қызылорда әкімдігіне жиналды – видео
Астанада жатақханада өрт шығып, бір отбасының төрт баласы уланып қалды
Астанада бір отбасының 4 баласы уланып қалды: дәрігерлер олардың жағдайы туралы айтты
"Мәселенің бәрі содан басталып отыр" Сағынтаев әкімдерге тапсырма берді
Пандемия, коронавирус

Мамин коронавирус пандемиясының жаңа толқыны туралы айтты

40
(Жаңартылды 10:21 04.08.2020)
Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын атап өтті

НҰР-СҰЛТАН, 4 тамыз – Sputnik. Үкімет басшысы Асқар Мамин коронавирустың таралу деңгейі төмендеген аймақтарды атады, деп хабарлайды Sputnik Қазақстан тілшісі. 

Премьер-министрдің айтуынша, бір аптаның ішінде бірқатар облыста инфекцияның репродуктивті көрсеткіші, яғни, вирустың бір адамнан таралу деңгейі 1-ден төмен түсті. Олар: Атырау, Ақтөбе, Маңғыстау, Қызылорда, Шығыс Қазақстан, Жамбыл, Түркістан мен Павлодар облыстары, Нұр-Сұлтан, Шымкент пен Алматы қалалары.

"Ал инфекцияның репродуктивтік деңгейі 1-ден жоғары өңірлер: Қостанай мен Ақмола облыстары. Бұл өңірлерде жағдай күрделі және аймақ әкімдерді эпидемияға қарсы шараларды күшейтуге аса назар аударуы қажет", - деді Мамин үкіметтің онлайн отырысында. 

Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын да атап өтті. 

"Пандемияның жаңа толқыны күзде пайда болуы мүмкін және оған дайын болуымыз керек. Оның алдын алу үшін барлық белгіленген талаптардың сақталуын қамтамасыз етіп, жоспарланған іс-шаралар кешенін іске асыру қажет", - деп атап көрсетті Мамин.

Еске сала кетсек, кеше, 3 тамызда президент Қасым-Жомарт Тоқаев үкімет азаматтардың карантин режимін сақтау жөніндегі шараларды күшейтуге міндетті екенін айтты. Денсаулық сақтау министрлігі мен барлық медициналық мекемелердің басты міндеті – өлім-жітім деңгейін ең төменгі шекке дейін түсіру, деді президент.

Әрі қарай оқу: https://sputniknews.kz/society/20200803/14620398/Toqaev-ukimet.html

40
Кілт сөздер:
коронавирус, Асқар Мамин
Тақырып:
Коронавирус эпидемиясы
Тақырып бойынша
Денсаулық сақтау вице-министрі екі айға қамауға алынды
Қазақстанда коронавирустан қанша адам қайтыс болғаны айтылды
Денсаулық сақтау министрі бетперде тағуға қатысты соңғы өзгерісті жариялады
"Телефонмен көңіл айтыңыз": вице-министр қазақстандықтарға кеңес берді
Ақтауда болған жағдайдың видеосы тарады - жұрт нені талап етіп отыр
Медициналық бетперде

Денсаулық сақтау министрі бетперде тағуға қатысты соңғы өзгерісті жариялады

45
(Жаңартылды 10:08 04.08.2020)
Министр бетперде тағу арқылы адамдар арасында инфекцияның таралуын барынша төмендетуге болатынын айтады

НҰР-СҰЛТАН, 4 тамыз – Sputnik. Денсаулық сақтау министрі Алексей Цой бетпердені тағуға қатысты тағы бір маңызды мәселені жариялады, деп хабарлайды Sputnik Қазақстан тілшісі.

Үкіметтің бүгінгі онлайн отырысында денсаулық министрі бетпердені тағуға қатысты соңғы өзгерістерді еске салды. Атап айтқанда, қоғамдық көлікте, тамақтану орындарында және даладағы қоғамдық жерлерде бетперде кию керек. Бірақ бірқатар санаттағы адамдарға ондай талап тарамайды. Олар – бес жасқа дейінгі балалар және спортпен айналысатындар. Далада жаттығу жасайтындардың саны бес адамнан артық болмау керек және арақашықтық сақталуы шарт. Бұдан бөлек, таза аудағы қоғамдық тамақтану орындарында бетперде тақпауға болады.

"Сонымен қатар, медициналық көрсеткіштер бойынша бетперде тағуға болмайтын адамдар маска кимесе болады", – деді Цой.

Оның айтуынша, бетпердені тағудың арқасында инфекцияның таралуын барынша төмендетуге болады. Мәселен, бір адамның вирусты тарату көрсеткіші төрт есеге дейін азаяды.

"Бетпердемен жүрген адамның вирусты жұқтыру көрсеткіші 30 процентке төмендейді. Осылайша, одан инфекция жұқтырған адамдардың саны бір айдың ішінде бірден 300-ден 85-ке дейін түседі. Ал әлеуметтік қашықтықты сақтау сияқты шаралармен бірге оны бір адамға дейін азайтуға болады", – деп атап көрсетті Цой.

Оқи отырыңыз: "Кеш қалдыңыздар": дәрігер қазақстандықтардың ең басты қателігін атады

45
Кілт сөздер:
қоғамдық денсаулық, бетперде
Тақырып:
Коронавирус эпидемиясы
Тақырып бойынша
ДДҰ бетперде тағуға қатысты ұсынысын өзгертті
"Мен сондай шешім қабылдадым": Алматы әкімі бетперде тағуға қатысты пікір білдірді
Астаналық студенттерге ресейліктер 5 мың бетперде жіберді
Алматыда бетперде таққан автобус пайда болды - фото
"20 миллион теңге төледі": жүздеген адам бетперде тақпағаны үшін жауапқа тартылды