Нұрсұлтан Назарбаев әйелімен бірге

"Актриса болуды армандадым": Бірінші ханым Сара Алпысқызы туралы не білеміз?

15588
(Жаңартылды 13:45 13.02.2019)
Биыл Сара Алпысқызы Назарбаева 78 жасқа толып отыр

АСТАНА, 12 ақпан – Sputnik. Бүгін Қазақстан Республикасының тұңғыш президенті Нұрсұлтан Назарбаевтың зайыбы, білім беру саласының құрметті қызметкері әрі қоғам қайраткері Сара Алпысқызы Назарбаевның туған күні. Үлгілі жар, аяулы ана, "Бөбек" қорының негізін салушы Сара Алпысқызы 78 жасқа толып отыр. Ол 1941 жылы 12 ақпанда Қарағанды облысы, Бұқар жырау ауданы, Қызылжар ауылында дүниеге келген. 

Сара Назарбаева Арғын тайпасының Қуандық руының Мұрат бөлімінен шыққан. Инженер-экономист мамандығы бойынша білім алған. 1994 жылдан "505 — Қазақстанның балалар ауылы" қорының, 1999 жылдан "Демография" қайырымдылық қоры қамқоршылар кеңесінің төрайымы қызметін атқарды.

Бірінші ханым небәрі бес жасында анасынан айырылып, сәбидің махаббатсыз, жақын адамының қамқорынсыз жетілуінің қаншалықты қиын екенін біліп өседі. "Бөбек" қорының дүниеге келуіне де осы нәрсе себепші болған.

Бірінші ханым Нұрсұлтан Әбішұлымен қалай танысты?

"Бала күнімде құрдастарымнан ешбір ерекшелігім болмады. Қарапайым кеңестік мектепте білім алдым. Оқу орнын тәмамдаған соң комбинатта жұмыс істей бастадым. Нұрсұлтан Әбішұлымен осы комбинатта таныстым", — дейді бірінші ханым.

Тағы оқыңыз: Президент Нұрсұлтан Назарбаевтың өмірбаяны

Сара Назарбаева бұл кезде электр станциясында кезекші маман, ал президент көрікші қызметін атқарған. Бір күні өндіріс орнында апат болып, барлық жұмысшының көңіл-күйі түседі. Кезекші маман домнашылардың әрекетін бақылау үшін цехқа барады. Нұрсұлтан Әбішұлын алғаш рет осы жерде көріп, арада сезім пайда болады. 1962 жылы отбасын құрып, бір жылдан кейін Дариға есімді қыз дүниеге келеді. Бұдан кейін 1967 жылы Динара және 1980 жылы Әлия есімді қыздар туады. 

Сара Алпысқызы қандай халықаралық жүлделермен марапатталды?

Ол 1992 жылы ана мен баланы қорғауға, жетім балаларды қақморлыққа алып, олардың толыққанды білім алуына жәрдемдесетін "Бөбек" қорының негізін салды. Осылайша жағдайы төмен отбасылардан шыққан немесе жетім балаларға жәрдемдесудің жаңа жүйесін қалыптастырды. Елде тұңғыш "SOS Киндердорф" балалар ауылының өмірге келуіне мұрындық болды. Мұнымен қатар, елде бірінші болып жетім балаларды қорғайтын заң шығару туралы бастама көтерді.

Қазақстан Республикасында қайырымдылық шаралар ұйымдастырып, сапалы қызметкерлер жұмыс істейтін емханалар ашқаны үшін Сара Алпысқызы халықаралық қауымдастықтардың назарына ілігіп, олардан медаль мен жүлде алды. 1999 жылы "SOS Киндердорф" халқыаралық қорының алтын медалімен, 2002 жылы ЮНИСЕФ арнайы сыйлығымен, "Өзін-өзі тану философиясы мен оқу мәдениетіне қосқан зор үлесі үшін" Шыңғыс Айтматов атындағы алтын медальмен және бірінші дәрежелі "Достық" орденімен марапатталды.

"Құрбыларым маған қарағанда ақылды әрі маңызды болып көрінді"

Бұдан өзге бүкіләлемдік денсаулық сақтау ұйымының Ихсан Дограмачи атындағы халықаралық жүлдесімен, "Құрманжан Датқа" және Unity халықаралық жүлдесімен марапатталды. Мұнымен қатар, Софи Лореннің қолынан Ресей қызыл крест қоғамы тағайындаған және өскелең ұрпақты қолдауға бағытталған көпжылдық қызметі үшін берілетін "Алтын жүрек" халықаралық жүлдесін алды.

"Бала күнімде шамадан тыс жасқаншақ болдым. Өзім білетін құрбыларымның барлығы маған қарағанда ақылды әрі маңызды болып көрінетін. Актриса болуды армандап, "Қайдағы, бұл таңдаулылардың ғана ісі ғой" деп пайымдадым. Бақытыма орай жас келген сайын "Балақайдың" арқасында бойымдағы бұйығылықтан біртіндеп арыла бастадым.

Иоанн Павел әкей Нұрсұлтан Назарбаевтың шақыртуымен Астанаға келген кезде түсірілген сурет
© Sputnik / Анатолий Устиненко
Иоанн Павел әкей Нұрсұлтан Назарбаевтың шақыртуымен Астанаға келген кезде түсірілген сурет

"Актриса болмағаным рас. Бірақ өмірімді бұрмалап көрсететін бір қарапайым ақиқатты түсіндім. Нақтырақ айтатын болсам, адамдарды бір-бірінен ажыратуға болатын басты айырмашылық жан дүниесі мен рухтың үйлесімі арқылы өмір сүру қабілетін айқындайтын олардың санасының даму деңгейі екен", — деп жазды Сара Алпысқызы "Өмір әдебі" атты кітабында.

15588
Кілт сөздер:
Дариға Назарбаева, президент, өмірбаян, Сара Назарбаева, Назарбаев
Тақырып:
Өмірбаяндар (94)
Тақырып бойынша
"Түрімді ұмытып қалды" Назарбаевтың рөлін сомдаған актер көрген қиындықтары туралы айтты
"Мен де ауыл жігітімін". Назарбаевтың ауыл тұрғындарымен кездесуі – 1993 жылғы видео
Ерекше сыйлықтар. Дариға мен Әлия Назарбаевалар әкесіне қандай сый жасады?
Әлия Назарбаева туралы не білеміз?
Дариға Назарбаеваның қызының тойы: жас жұбайлар туралы не білеміз?
Назарбаев кенже қызының бетінен сүйіп, мемлекеттік сыйлықпен марапаттады
Загрузка...