Бала мен ана

Көпбалалы отбасылар: мемлекеттен қандай жеңілдіктер мен жәрдемақы бар

23209
"Алтын алқа" және "Күміс алқа" ордендерімен марапатталған көпбалалы аналарға 16 160 теңге көлемінде арнайы мемлекеттік жәрдемақы берілуі тиіс

Бала бір жасқа толғанға дейін берілетін жәрдемақы

Отбасында төртінші бала дүниеге келген кезде бір реттік 159 075 теңге көлемінде жәрдемақы төленеді. Төртінші және одан кейін туған балаға бір жасқа толғанға дейін ай сайын 22 473 теңге жәрдемақы беріледі.

Отбасындағы бала саны төрттен асса және құжаттары 2018 жылдың 1 қаңтарына дейін рәсімделсе, 10 504 теңге төленуі тиіс.

Тағы оқыңыз: Астана әкімі көп балалы аналарға қандай уәде берді

"Алтын алқа" (жеті және одан да көп бала тәрбиелегені үшін беріледі) және "Күміс алқа" (алты бала туған аналарға беріледі) ордендері бар көп балалы аналар 16 160 теңге көлемінде арнайы мемлекеттік жәрдемақы алады.

Астанада көпбалалы аналарға қандай көмек көрсетіледі

  • автобуста тегін жүреді;
  • 8 наурызда бір рет 6 313 теңге ақшалай көмек беріледі;
  • балалары астаналық ЖОО-ларда тегін білім алады (жан басына шаққандағы орташа табыс үш ең аз күнкөріс деңгейінен аспаған жағдайда, 92 991 теңге).

Тұрмыс жағдайы төмен отбасыларға қарастырылған көмек 

• коммуналдық қызметтерді төлеу үшін көмек. Төлемнің орташа көлемі 4-5 мың теңге;

• атаулы әлеуметтік көмек (АӘК) — адам басына шаққандағы орташа табысы кедейлік шегінен төмен азаматқа немесе отбасыға көрсетіледі (2019 жылдың І тоқсанында Астана қаласында 15 499 теңге көлемінде бекітілді .

Тағы оқыңыз: Мүгедек бала бағып отырған отбасыға қандай көмек көрсетіледі

Соңғы 12 айда отбасының әрбір мүшесінің жиындық айлық табысы күнкөріс деңгейінен аспайтын отбасылар тұрмыстық жағдайы төмен болып саналады (2019 жылы 29 689 теңге).

Бала бір жасқа толғанға дейін берілетін жәрдемақы

  • міндетті әлеуметтік көмек жүйесінің мүшесі емес және балаға күтім жасайтын азаматтарға;
  • 2008 жылдың 1 қаңтарына дейін дүниеге келген балаға күтім жасайтын тұлғаларға. Сондай-ақ, олар міндетті әлеуметтік көмек жүйесінің мүшесі болуы тиіс.

Жәрдемақыны алу үшін қайда бару керек

Жәрдемақыны алу үшін тұрғылықты мекенжай бойынша "Азаматтарға арналған үкімет" мемлекеттік корпорациясына (ХҚКО-ға) бару керек және мұны www.egov.kz порталы арқылы жүзеге асырады.

Бала күтіміне берілетін жәрдемақының мөлшері қанша (2019 жыл):

  • бірінші балаға — 5,76 АЕК — 14 544 теңге;
  • екінші балаға — 6,81 АЕК — 17 195 теңге;
  • үшінші балаға — 7,85 АЕК — 19 821 теңге;
  • төртінші және одан көп балаға — 8,90 АЕК — 22 473 теңге.

Тағы оқыңыз: 2019 жылы балаға қандай жәрдемақы беріледі

Жәрдемақыны алу үшін қандай құжаттар қажет

"Азаматтарға арналған үкімет" мемлекеттік корпорациясына келесі құжаттарды ала бару керек:

  • бала туғаннан кейін жәрдемақы алу үшін жазылған өтініш;
  • жеке басты куәландыратын құжат, оралмандар үшін — оралман куәлігі;
  • баланың туу туралы куәлігі немесе туу туралы актінің жазбасы;
  • ұл баланы немесе қыз баланы қамқорлыққа алған болса растайтын құжат;
  • қызметті алушы ұсынған мәліметтер мен баланың туу туралы куәлігінде жазылған мәліметтер өзара сәйкес келмеген жағдайда некеге тұру (ажырасу) туралы куәлік;

Тағы оқыңыз: Мұғалімдер қандай жағдайда зейнетке 48 жасында шығады?

  • мекенжай анықтамасы;
  • құжатты тапсыру міндеті үшінші бір адамға жүктелген жағдайда сенімхат керек.

Жәрдемақы алу үшін онлайн өтінішті қалай қалдыруға болады

Жәрдемақыны тағайындау үшін төмендегілер қажет:

• электронды өтініш пен өтініш берушінің электронды-цифрлық қолтаңбасы;

• жәрдемақының тағайындалғаны туралы ақпарат алу үшін — электронды сұрау, электронды-цифрлық қолтаңба.

Дереккөз: Астана әкімдігінің сайты

23209
Кілт сөздер:
Күміс алқа, Алтын алқа, жәрдемақы, ана мен бала, көпбалалы отбасы
Тақырып:
Жәрдемақы қалай төленеді (59)
Тақырып бойынша
Депутат әр балаға ең төменгі жалақының 50% көлемінде жәрдемақы төлеуді ұсынды
Қазақстанда бала күтіміне берілетін жәрдемақы мерзімін ұлғайту ұсынылды
Бірінші қаңтардан жәрдемақы мен зейнетақы өседі: кімге және қанша төленеді?
Зейнетақы, жәрдемақы және жалақы өседі - Назарбаев тапсырма берді
"Жәрдемақы табыс емес". Министр Әбілқасымова әділеттік орнатуға уәде берді
Мүгедектерге берілетін жәрдемақы: қазақстандықтар нені білуі тиіс?
Биыл 1 шілдеден бастап 14 мың отбасы жаңа жәрдемақы алады
Дәрі-дәрмектер мен емдік шаралар

Коронавирус пен тұмау: денсаулық министрлігі күзде не болатынын болжады

2986
(Жаңартылды 18:06 10.08.2020)
Ресми өкілдің сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар

НҰР-СҰЛТАН, 10 тамыз – Sputnik. Қазақстанда жыл сайын вирустық инфекциялар мен тұмауға 1 миллионға жуық адам шалдығады. Күзде оған коронавирус та қосылуы мүмкін. Бұл туралы денсаулық сақтау министрлігінің ресми өкілі Бағдат Қожахмет мәлімдеді, деп хабарлайды Sputnik Қазақстан тілшісі.

"Биыл күзде коронавирус күшейеді деген болжам бар. Сол кезде жіті респираторлық вирустық инфекциялар мен тұмаудың маусымы басталады. Соның аясында коронавирустың жаңа толқыны болады деген болжам бар", - деді Қожахмет орталық коммуникациялар қызметінде өткен онлайн брифингте.

Оның айтуынша, соңғы 5-7 жылдың ішінде Қазақстанда қазан мен наурыз аралығында ЖРВИ мен тұмауға шалдыққандардың жалпы саны 600 мыңнан бастап 1 миллион адамға дейін барған.

"Демек, осы жолы да ЖРВИ мен тұмауға шалдығатындар аз болмайды. Оған коронавирустық инфекция да қосылуы мүмкін", - деп атап көрсетті Қожахмет.

Оның сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар.

Дәрі-дәрмек қорына қатысты мәселе қалай шешілуде

Министрліктің ресми өкілі дәрі-дәрмектің қорына да тоқталды. Оның сөзіне қарағанда, "СК-Фармация" ЖШС жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленеді.

Оқи отырыңыз: Денсаулық вице-министрі коронавирустың екінші толқыны туралы айтты

Ал  амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмыстары аяқталуға жақын. Ол препараттар 1 миллион пациентке жетеді. Тегін дәрілердің ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Бұның барлығы емхана арқылы таратылады.

2986
Кілт сөздер:
тұмау, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Коронавирус пен пневмония: мыңдаған адамның өлімі статистикаға неге енгізілмеді
Коронавирусқа қарсы ресейлік вакцина балаларға қашан салынатыны айтылды
Министрлік парацетамол орнына қолдануға болатын дәрілер тізімін жариялады
Цой: солтүстік жарты шарда тұмау ауруы белең алып барады
Дәріхана, архивтегі сурет

Министрлік тегін дәрі алу үшін не істеу керек екенін айтты

76
(Жаңартылды 17:43 10.08.2020)
Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды

НҰР-СҰЛТАН, 10 тамыз – Sputnik. Денсаулық сақтау министрлігі коронавирусқа қарсы тегін дәрілерді тарату мерзімін жариялады, деп хабарлайды Sputnik Қазақстан тілшісі. 

Министрліктің ресми өкілі Бағдат Қожахметтің айтуынша, амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмысы аяқталуға жақын. Ол препараттар 1 миллион пациентке жетеді. 

"Мұндай шаралар алғаш рет қабылданып отыр. Вирус жұқтырдым деп күдіктенсеңіз, тіркелген емханаңызға қаралуға болады. Егер вирус жұқтырғаныңыз анықталса, бұрынғыдай дәріхана жағалап жүрмей-ақ қойыңыз. Барлық емханада қажетті дәрі-дәрмек бар және тегін беріледі", - деді Қожахмет орталық коммуникациялар қызметінде өткен онлайн брифингте. 

Оның сөзіне қарағанда, аурудың алдын алуға арналған "Парацетамол", "Ибупрофен", сондай-ақ, тағы үш коагулянт аптаның соңына дейін барлық емханаға жеткізіледі. Кейін ол дәрілер науқастарға тегін таратылады. 

Айта кетейік, 15 шілдеде денсаулық сақтау министрлігі жанындағы бірлескен комиссия клиникалық хаттаманың 10-шы редакциясына тағы түзету енгізді. Дәрігерлер "Гидроксихлорохин" және "Лопинавир"  сияқты препараттарды алып тастауға шешім қабылдапты. Себебі шетелдік ғалымдар бұл дәрілерді коронавирусқа қарсы қолданған тиімсіз деген қорытындыға келген. 

Соңғы хаттамаға коронавирустан амбулаториялық деңгейде, яғни үйде емделу үшін дене қызуын басатын дәрілер мен инъекциялық емес антикоагулянттар да қосылды. Олардың ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Үйде емделетін науқастар үшін осы дәрі-дәрмектің бәрі тегін таратылады. Ал барлық шығын медицининалық сақтандыру қорының есебінен өтеледі.

Министрліктің ресми өкілі Бағдат Қожахметтің айтуынша, ауруханада емделетін науқастар үшін де ем-дом бар. Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды. 

"Қазіргі кезде осы жұмысқа жауапты бірыңғай дистрибьютор ("СК-Фармация" ЖШС - Sputnik) жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленуде. Атап айтқанда, стационарда 200 мың науқасты емдеуге жететін дәрі-дәрмектің 50 түрі жеткізіледі", - деп атап көрсетті Қожахмет.

76
Кілт сөздер:
денсаулық, дәрі
Тақырып:
Коронавирус эпидемиясы
Тақырып бойынша
COVID-19: денсаулық министрлігі жағымды жаңалықты бөлісті
Қауіпті синдром – балаларда анықталып жатқан дерт туралы ақпарат жарияланды
Қытайда соңы өлімге әкелетін жаңа вирус тарала бастады
Алматыда тағы бір модульді аурухана салынып жатыр
42 500 теңгені төлеу ережесіне өзгерістер енгізілді

Қақтығыс кезіндегі Минск қаласының видеосы жарияланды

0
Беларусь президенті сайлауынан кейін учаскелер жабылған соң дауыс беру нәтижесіне көңілі толмағандар санкцияланбаған наразылық акциясына шықты

Орталық сайлау комиссиясының соңғы мәліметіне сәйкес, Беларусь елінің қазіргі президенті 
Александр Лукашенконы сайлаушылардың 80 проценті қолдаған. Оның қарсыласы -  Светлана Тихановская 10 проценттен аз дауыс жинады. 

Санкцияланбаған наразылық акциясына қатысушылар үкіметке қарсы ұрандарды айтып, көшелерде жүрді. Алайда бұл ұзаққа созылмады. Күш құрылымдары тұрғындардың акциясын  тоқтатты. Олар жарық-дыбыстық граната мен көзден жас шығаратын газ қолданды.

Қақтығыс кезінде Минск қаласында болған жағдай бір видеода көрсетілді.

0