Гүл

Ұлы түркітанушы ғалым Әбдуәли Қайдар қайтыс болды

462
(Жаңартылды 17:04 27.02.2019)
Қазақ тілін латын қарпіне көшіру бастамасын алғаш көтергендердің бірін жерлеу рәсімі жұма күні өтеді

АСТАНА, 27 ақпан — Sputnik. 95 жасқа қараған шағында көрнекті қазақстандық ғалым, лингвист-түркітанушы Әбдуәли Қайдар дүниеден озды.

Бүгін таңертең академик қайтыс болғаны туралы ақпаратты Sputnik Қазақстан тілшісіне Білім және ғылым министрлігінің Ахмет Байтұрсынұлы атындағы тіл білімі институтының директоры, профессор Ерден Қажыбек растады. 

Әбдуәли Қайдар 1924 жылы 13 желтоқсанда дүниеге келген. Ол Қазақ ССР Ғылым академиясының академигі, филология ғылымдарының докторы, профессор болды.

Әбдуәли Қайдар 400-ден астам ғылыми еңбек жазған, олардың 40-ы - монография, оқулық, сөздік, жинақ.

Ол сондай-ақ – Қазақстанның еңбек сіңірген қайраткері. Оның ғылыми жетекшілігімен 65 жоғары білікті ғалым даярланды, арасында 10-ы ғылым докторы бар. Он бес жыл бұрын "ҚазАқпарат" халықаралық ақпарат агенттігінде академик Әбдуәли Кайдар әзірлеген латын әліпбиіндегі жаңалықтар алғаш рет жарияланды.

Ғалым Қайдар ұсынған латын қарпіндегі әліпбиді әлемнің 30 елінің филологтары қолдады.

Ерден Қазыбек ұстаз Қайдар жан-жақты, өте талантты, қарапайым және шынайы адам болғанын еске түсірді. Айтуынша, сурет салуды, ағаштан бір нәрсе жасауды жақсы көрген.

Академик Әбдуәли Қайдарды жерлеу рәсімі 1 наурыз, жұма күні өтеді. Таңертеңгі сағат 09.00-де үйінен (Ғылым академиясының жанында) жаназасы шығарылады, Ғылым академиясының ғимаратында да қаралы митинг болады.

462
Тақырып бойынша
Назарбаев дүниеден өткен бұрынғы министрдің отбасына көңіл айтты
Қазақтың қабырғасы қайысқан күн: 2018 жылы дүниеден озған тау тұлғалар
Белгілі журналист қайтыс болды
Шерхан Мұртаза дүниеден озды
Ұшақ, аспан

Қазақстан мен Ресей арасындағы әуе қатынасы жанданады

8
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

8
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

77
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

77
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды