Пәтер кілті

Астанада 3 көпбалалы отбасыға тосынсый жасалмақ: оларға баспана беріледі

634
Ақмола облысы мен Қарағандыдан келген отбасыларға пәтер кілті тапсырылады. Бақытты жандар бұл туралы әлі білмейді

АСТАНА, 1 наурыз – Sputnik. Астанада Алғыс айту күнін тойлау кезінде үш тұрмысы төмен отбасыға пәтер сыйға тартылады. Бұл туралы орталық коммуникациялар қызметіндегі брифингте "Қазақ радиолары" ЖШС директоры Құрманбек Жұмағали хабарлады.

Көпбалалы отбасыларға пәтердің кілті 1 наурыз, жұма күні елордадағы Бейбітшілік және Келісім сарайында өтетін "Мың алғыс" қайырымдылық концерті барысында тапсырылады.

Пәтердің кілтін Ақмола облысы мен Қарағандыдан келген көпбалалы отбасылар алатыны белгілі болды.

"Пәтерлерді сатып алуға ақшаны "Харекет" қоғамдық қайырымдылық қоры бөлді. Пәтер алатын отбасылар үшін бұл тосынсый болады, олар әлі білмейді", - деді "Қазақ радиолары" ЖШС директоры Құрманбек Жұмағали.  

Ұйымдастырушылардың айтуынша, қайырымдылық концерттен түсетін барлық қаражат қазақстандық Әділет Арыстанды емдеуге жұмсалады. Бала тоқ ішекті трансплантациялау отасына кезек күтіп жатыр.

"Залда ақша салуға арналған қорап болады. Сондай-ақ LED экранда баланың суретін, оның реквизиттерін көрсетеміз. Осылайша концерт қонақтары баланың еміне ақша жібере алады", - деді ол.

634
Кілт сөздер:
тосынсый, баспана, көпбалалы отбасы
Тақырып бойынша
Астанадағы қайғылы оқиға: кәсіпкер тұрмысы нашар отбасыға пәтер алып бермек
Депутат "времянкада" тұрып жатқан көпбалалы отбасыға үй алып берді
27 жастағы батыр ана Назарбаевпен кездескеннен кейін баспаналы болды
Депутат баспана алу үшін жастардың жасын көтеруді ұсынды
Президент көпбалалы және тұрмысы нашар отбасыларды баспанамен қалай қамтитынын айтты
Загрузка...