Үй

Қазақстанда 2%-тік ипотека алу үшін отбасының табысы қанша болуы керек?

3455
(Жаңартылды 19:56 18.03.2019)
Тұрмысы төмен отбасыларға арналған ипотекалық қарыз мөлшері 6 миллионнан 15 миллион теңгеге дейін құрайды

АСТАНА, 18 наурыз – Sputnik. Тұрмысы төмен отбасыларға арналған 2 проценттік ипотеканы алу үшін отбасының табысы 56-104 мың теңге аралығында болуы керек. Бұл туралы бүгін индустрия және инфрақұрылымдық даму министрлігі құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов мәлімдеді, деп хабарлайды Sputnik Қазақстан тілшісі.

Жайымбетов көпбалалы тұрмысы төмен отбасыларға 2 проценттік жеңілдетілген ипотека берілетінін атап өтті. Бұл мақсатқа әр жыл сайын 50 миллиард теңгеден қарастырылып отыр.

"Мәселен, егер 6 миллион теңге кредит алатын болса, онда отбасының табысы 56 850 теңге болуы керек. Бастапқы сегіз жылда 31 600 теңгеден төлесе, қалған 11 жыл бойы 18 мың теңгеден төлейді. Ал Астана, Алматы қалаларында тұратын азаматтар кем дегенде 15 миллион теңге алады деп ойлап отырмыз. Ол үшін отбасының табысы 104 мың теңге болуы тиіс. Сол кезде бастапқы сегіз жылда 79 мың теңгеден, одан кейінгі он бір жылда 57 мың теңге төлейтін болады", - деді Жайымбетов сенатта өткен үкімет сағатында.

Ол тұрмысы төмен отбасыларға бастапқы жарнаны төлеуге әкімдіктер көмектесетінін атап өтті.

"Бастапқы жарнаны кім төлейді деген сұрақтар жиі қойылады. Өздеріңіз білесіздер, көпбалалы отбасылар табысы аз болғаннан кейін, бір миллион, не болмаса 800, 600 мың теңге таба алмайды. Сондықтан біз заңға тұрғын үй сертификатын беру туралы өзгеріс енгізіп жатырмыз. Сертификатты әкімдіктер беретін болады", - деді комитет төрағасы.

Бұған қоса, оның айтуынша, бұл мәселені шешу үшін ірі кәсіпкерлерді тарту жоспарланып отыр.

3455
Кілт сөздер:
қолжетімді баспана, тұрмысы төмен отбасы, ипотека, Қазақстан
Ұшақ, аспан

Қазақстан мен Ресей арасындағы әуе қатынасы жанданады

25
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

25
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

145
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

145
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды