Асқар Мамин

"Ұрпақ алдындағы парызымыз" Асқар Мамин елорданың жаңа атауы туралы пікір білдірді

2607
Кеше президент Тоқаев Астана қаласының атауын Нұр-Сұлтан деп өзгерту туралы жарлыққа қол қойды

НҰР-СҰЛТАН, 24 наурыз – Sputnik. Қазақстанның үкімет басшысы Асқар Мамин Алматы облысындағы жұмыс сапары аясында Астана атауының өзгеруіне қатысты пікір білдірді, деп хабарлайды премьер-министрдің ресми сайты.

Мамин елордамыздың тұңғыш президент Нұрсұлтан Назарбаевтың құрметіне аталуы айтулы тарихи оқиға екенін атап өтті.

"Қазір тәуелсіз Қазақстанның тарихи жылнамасының жаңа беттері көз алдымызда жазылып жатыр. Сондықтан мемлекетіміздің және оның жаңа елордасының негізін қалаушы, Ұлы даланың төрінде дамыған мемлекет құрған Елбасымыз Нұрсұлтан Әбішұлы Назарбаевтың ұлы тұлғасын осылай тарихи түрде дәріптеу – бұл біздің келешек өскелең ұрпақ алдындағы парызымыз", — деді Асқар Мамин.

Премьер-министр айтқандай, Нұр-Сұлтан – тұңғыш президент Назарбаевтың жаңа экономикалық моделінің негізгі қозғаушы күшіне айналған қала.

"Жаңа астанамыздың қалыптасуының алғашқы жылдарында Елбасымыздың "Астананың гүлденуі – Қазақстанның гүлденуі" бағдарламасы елорданың ғана емес, еліміздің барлық өңірінің дамуына қуатты серпін берді. Әлемдік аренада Қазақстанның ықпалы мен рөлі жыл өткен сайын артып келеді. Бұл –Елбасымыздың ерен еңбегі. Астананың тұңғыш президент есімімен аталуы – әділетті әрі дер кезінде қабылданған шешім. Жаңа атқа ие болған астананың алдында бұдан да биік, ұлы мақсаттар тұр. Сонымен қатар, бұл – жаңа мүмкіндік әрі үлкен жауапкершілік", — деді үкімет басшысы.

Асқар Мамин ойын түйіндей отырып, "біз, бәріміз де, астаналықтар болып қаламыз, өйткені Нұр-Сұлтан – Қазақстанның астанасы!" деп сөзін аяқтады.

Еске сала кетсек, 23 наурызда мемлекет басшысы Қасым-Жомарт Тоқаев Қазақстан Республикасының астанасы – Астана қаласына Нұр-Сұлтан деген жаңа атау беру туралы жарлыққа қол қойды.

2607
Кілт сөздер:
Асқар Мамин, Астана
Науқасты тексеріп жатқан дәрігер

Пневмониясы барларға қалай дұрыс жату керек пульмонолог кеңесі

92
Медицина ғылымдарының докторы дене жаттығулары мен тыныс алу гимнастикасы ауру асқынған жағдайда қауіпті екенін айтады

НҰР-СҰЛТАН, 10 шілде – Sputnik. "Астана медицина университеті" ҰАК отбасылық медицина кафедрасының меңгерушісі, медицина ғылымдарының докторы Наталья Латыпова пневмонияға шалдыққан науқастарға көбірек етпетінен жатуға кеңес берді, деп хабарлайды Sputnik Қазақстан тілшісі.

"Етпетінен жиі жату керек. Респираторлық синдром пайда болғанда, егер ол рентгенограммамен немесе компьютерлік томографиямен расталса, біз күніне бірнеше сағат, ал ауыр жағдайларда 12-16 сағат жатуға кеңес береміз",– деді Латыпова онлайн брифингте.

Айтуынша, бұл өкпеге пайдалы.

Сонымен қатар, пульмонолог пневмониясы бар пациенттерге массаж жасау туралы айтты.

Оқи отырыңыз: Пневмония эпидемиясы: коронавирус қайда кетті?

Латыпова массаждың пайдасы дәлелденбегенін, сондықтан дәрігерлер оны пневмониядан емдеудің тиімді әдісі ретінде ұсынбайтынын атап өтті.

Сондай-ақ, ол дене жаттығулары мен тыныс алу гимнастикасы ауру асқынған жағдайда қауіпті екенін жеткізді.

92
Кілт сөздер:
емделу, коронавирус
Тақырып:
Коронавирус эпидемиясы
Тақырып бойынша
Коронавирусты үйде қалай емдеу керек
COVID-19: Ресей дәрігерлері науқастарды емдеу тәжірибесін бөлісіп жатыр
Пневмония коронавирустан басым түсті – қайтыс болғандардың саны екі есе көп
Сағынтаев Алматыдағы пневмония эпидемиясына қатысты мәлімдеме жасады
Коронавирусты емдеу тәртібі өзгерді – ауруханалар қалай босатылады
Дәріхана

Қазақстанда гуманитарлық көмек сатыла ма: денсаулық сақтау министрлігі жауап берді

44
(Жаңартылды 18:41 10.07.2020)
Министрліктің мәліметінше, өндіруші компания отандық фармацевтикалық нарықты қажетті мөлшерде дәрі-дәрмекпен  қамтамасыз етіп үлгермей жатыр

НҰР-СҰЛТАН, 10 шілде – Sputnik. Денсаулық сақтау министрлігі Қазақстанға гуманитарлық көмек аясында жеткізілген "Тамифлю" препараты дәріханаларда сатылатыны туралы әлеуметтік желілерде тараған ақпаратқа қатысты ресми түсініктеме берді.

Желі пайдаланушылары өздерінің жазбаларында "Тамифлюдің" қаптамасы Қазақстан Республикасының талаптарына сәйкес келмейтіндіктен, бұл дәрілер елге жеткізілген гуманитарлық көмектен сатылымға шығарылатынын мәлімдеген.

Ал министрліктің тауарлар мен қызметтердің сапасы мен қауіпсіздігін бақылау комитетінің хабарламасында ақпараттың шындыққа жанаспайтыны айтылған.

"Осыған орай, денсаулық сақтау министрлігі аталған препарат Қазақстанға қолданыстағы заңнамаға сәйкес сараптамалық қаптамада бір реттік жеткізілім бойынша әкелінгенін және ол гуманитарлық көмек ретінде келген дәрі-дәрмектер санатына жатпайтынын мәлімдейді", - делінген хабарламада.

Сондай-ақ, министрлік пандемия кезінде "Тамифлюге" сұраныс едәуір артқанын атап өтті. Сондықтан да өндіруші компания отандық фармацевтикалық нарықты қажетті мөлшерде қамтамасыз етіп үлгермей жатыр.

"Дәрілік қажеттілікті өтеу үшін АҚШ-тың Patheon Manufacturing Services Llc алаңында өндірілген препарат жеткізілді. "Тамифлю" дәрісінің сапасы, тиімділігі және қауіпсіздігі бойынша Қазақстанда тіркелгендерден айырмашылығы жоқ", – деп хабарлады ведомствоаралық комиссия өкілдері.

Айта кетейік, бұл дәрі рецепт бойынша қатаң түрде жіберіледі.

Оқи отырыңыз: Қазақстанға келген гуманитарлық көмек екі айға жуық қоймада жатқан

Сондай-ақ, денсаулық сақтау министрлігі пандемияға байланысты Қазақстанда тіркелмеген вирусқа қарсы препараттарды бірыңғай әкелу тәртібі жеңілдетілгенін де жария етті.

Қазіргі уақытта елдегі дәріханаларда "Тамифлю" препараты "633180" сериясымен сатылып жатыр.

44
Кілт сөздер:
дәрігерлер, дәрі-дәрмек
Тақырып:
Коронавирус эпидемиясы
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Қытай миллиардері Қазақстанға 4,5 тонна гуманитарлық көмек жіберді
"Достықтың айғағы": Қазақстанға Қытайдан гуманитарлық көмек жеткізілді
Мақтаарал кәсіпкері гуманитарлық көмек жеткізгендерге 600 тонна қырыққабат таратады
Қазақстанға келген гуманитарлық көмек екі айға жуық қоймада жатқан
Қасым-Жомарт Тоқаев

Тоқаев үкіметтің бастамасы туралы: жағдайды қиындатып жіберуі мүмкін

368
Қазіргі кезде үкіметте бюджеттің кіріс бөлігін арттыру мәселелесі талқыланып жатыр. Президент бұл бюджетке түсетін қаржыны көбейтудің ең қарапайым тәсілі екенін айтты

НҰР-СҰЛТАН, 10 шілде – Sputnik. Мемлекет басшысы Қасым-Жомарт Тоқаев  жекелеген салықтардың мөлшерлемесін арттыруға қатысты пікір білдірді, деп хабарлайды Sputnik Қазақстан тілшісі. 

Президенттің айтуынша, қазіргі кезде үкіметте бюджеттің кіріс бөлігін арттыру мәселелесі талқыланып жатыр. Соның ішінде жекелеген салық түрлерінің, оның ішінде корпоративтік табыс салығы мен қосымша құн салығының мөлшерлемесін арттыру мәселелері қарастырылуда. 

"Бюджетке түсетін қаржыны көбейтудің ең қарапайым тәсілі осы болғандықтан, үкіметті түсінуге болады. Бірақ экономиканы жандандыру керек деп, салықты ойланбай, біржақты арттыру онсыз да күрделі әлеуметтік-экономикалық жағдайды қиындатып жіберуі мүмкін. Сондықтан аталған мәселені барынша ақылға салып шешу қажет", - деді Тоқаев үкіметтің бүгінгі кеңейтілген отырысында. 

Мемлекет басшысы бюджет тұрақтылығын қамтамасыз ету үшін тиімсіз шығындарды қысқарту қажеттігін жеткізді. Бүгінде экономика үшін тиімділігі аз салықтық жеңілдіктердің есебінен қосымша резервтерді қарастыру ұсынылып отыр.

368
Тақырып бойынша
Тоқаев биліктің қалай өзгеретінін айтты
"Ұпай жинайсыз деді": Тоқаев үкіметті неге отставкаға жібермегенін ашық айтты
Президент қандай шешім жедел қабылдануы тиіс екенін ескертті
Дәрігер дене қызуы көтеріле бастағанда не істеу керектігін айтты
Локдаун режимі: демалыс күндері тағы қандай облыста карантин күшейтіледі?