Үй макеті

Пәтерді қалай тиімді сатып алуға болады - мамандар кеңесі

1090
Ипотекалық ұйым өкілдері пәтерді тиімді сатып алу жолымен бөлісті

НҰР-СҰЛТАН, 1 сәуір — Sputnik. "Баспана" ипотекалық ұйымының мамандары    "7-20-25" мемлекеттік тұрғын үй бағдарламасы бойынша қанша пәтер берілетінін айтты.

"1 сәуірдегі мәліметке сүйенсек, "7-20-25" бағдарламасы бойынша нарықта 1 789 пәтер бар. Олардың басым бөлігі Алматы қаласында беріледі", - деп хабарлады ипотекалық ұйымның баспасөз қызметі.

Толық ақпарат "Баспана" ипотекалық ұйымының сайтында жарияланған.

7-20-25 бағдарламасының шарттары мен ережелері

Еске сала кетсек, "7-20-25" бағдарламасы бойынша ипотекалық баспана 2018 жылдың шілде айынан беріле бастады. 

2019 жылдың 30 наурызына дейін 11 021 өтінім түскен. Оның 6 450-і мақұлданды. Жалпы сомасы - 75,2 миллиард теңге (197,8 миллион доллар).

Пәтер сатып алудың тағы бір тиімді жолы

"Қазақстанның ипотекалық компаниясы" АҚ қарыздың ең жоғары сомасының ұлғайтылғанын хабарлады. "Орда" ипотекасы бойынша бұл сома 40–тан 65 миллион теңгеге (105 мыңнан 171 мың долларға) дейін артатын болады. Мұндай мүмкіндік Нұр-Сұлтан және Алматы қаласының тұрғындары үшін қарастырылып отыр.

Қазақстанның ипотекалық компаниясының "Орда" бағыты бойынша кез келген қазақстандық пәтер алуы мүмкін. Сатып алушының атында өзге пәтердің болуы тексерілмейді. Төлем қабілеттілігі толықтай расталса, ипотекалық қарыздың жылдық үстемақысы 12% болады. Төлем қабілеттілігі жартылай ғана расталса, 14%-ға көтеріледі.    

"Үлкен қалалардағы баспана құны мен сұраныстың жоғары болуын ескере отыра, Нұр-Сұлтан және Алматы қалаларындағы ипотеканың ең жоғары сомасын 65 миллионға дейін көбейтілді. Өзге өңірлер үшін 40 миллион теңге сақталады. Қарыздың ең төменгі сомасы – 1 миллион теңге. Қарыз алу мерзімі – 20 жыл", - деді ҚИК баспасөз қызметі.

Ипотека алған тұрғындар айына қанша төлейді

Қарызды 21 жасқа толған кез келген қазақстандық рәсімдей алады. Несиені төленіп болатын уақытта оның жасы зейнетке шығу жасынан аспауы керек.

Несиені ҚИК серіктес банктері береді. "Орда" ипотекасын "Цеснабанк", "Банк ЦентрКредит", "Kassa Nova" және  "Евразийский банк" арқылы алуға болады. Сондай-ақ, BI Group-тың ипотека орталықтарында да рәсімделеді.

Төлем қабілеттілігі толықтай расталса, "Орда" ипотекасының бастапқы жарнасы пәтер құнының 30% -на тең болады. Ал жартылай расталса, баспана құнының 50% -ін төлеу керек. Сондай-ақ бастапқы жарнаның орнына жылжымайтын мүлікті кепілге қоюға болады. Ол қарыз алушының жеке баспанасы немесе өзге адамның пәтері болуы мүмкін.

1090
Кілт сөздер:
7-20-25 бағдарламасы, ипотека, пәтер
Тақырып бойынша
Қазақстанда ең тиімді ипотека халықтың 15%-ына ғана қолжетімді – зерттеу
Қазақстанда банктерге ипотека бойынша сыйақы өндіруге тыйым салынады
Ипотека алу үшін қандай құжаттар керек
Қазақстанда 2%-тік ипотека алу үшін отбасының табысы қанша болуы керек?
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

1683
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

1683
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді
Архивтегі фото

Өткен тәулікте 69 адамнан коронавирус табылды

42
(Жаңартылды 09:41 26.09.2020)
Маңғыстау, Қызылорда облыстары мен Шымкент қаласында бірде-бір адамнан коронавирус инфекциясы анықталмады

НҰР-СҰЛТАН, 26 қыркүйек – Sputnik. Қазақстанда өткен тәулікте 69 адам коронавирус жұқтырғаны белгілі болды. Бұл туралы COVID-19 індетін таратпау жөніндегі ведомствоаралық коммиссия хабарлады.  

Өңірлер бойынша мәлімет:

  • Нұр-Сұлтан қаласы – 14,
  • Алматы қаласы – 3,
  • Ақмола облысы – 5,
  • Ақтөбе облысы – 1,
  • Алматы облысы – 2,
  • Атырау облысы – 5,
  • Шығыс Қазақстан облысы – 17,
  • Жамбыл облысы – 2,
  • Батыс Қазақстан облысы – 2,
  • Қарағанды облысы – 5,
  • Қостанай облысы – 3,
  • Павлодар облысы – 4,
  • Солтүстік Қазақстан облысы – 5,
  • Түркістан облысы – 1.

Жалпы ел бойынша ауырғандар саны – 107 659. Індеттен 1 699 қайтыс болды.

Оқи отырыңыз: Қатаң карантин қай кезде енгізіледі – денсаулық сақтау министрлігі түсініктеме берді 

42
Кілт сөздер:
коронавирус
Тақырып:
Коронавирус эпидемиясы
Тақырып бойынша
Коронавирустың екінші толқынына дайын болайық – Тоқаев
Депутат бұрынғы вице-министрдің отставкасы жайлы: бұған жауап беруі керек
Ғалымдар табиғи антибиотик ойлап тапты
Алматыда COVID-тен жазылғандар оңалту орталығына ағылып жатыр: мамандар себебін түсіндірді
Тағы бір облыста 8 бірдей мектепте коронавирус анықталды
Петропавл – Нұр-Сұлтан тас жолындағы жол апаты

Көкшетаулық танымал кәсіпкер Нұр-Сұлтанға барар жолда көз жұмды

0
Автокөлікте бес адам болған, үшеуі апаттан қаза болды. Олар Көкшетау қаласынан елордаға қарай келе жатқан

НҰР-СҰЛТАН, 26 қыркүйек – Sputnik. Петропавл – Нұр-Сұлтан тас жолында жол апаты салдарынан үш адам көз жұмды. Олардың арасында көкшетаулық танымал кәсіпкер Владимир Свидерский болды, деп хабарлады Kokshetau.asia.

Свидерский жанармай құю бекеттері желісіне иелік еткен.

ДТП на трассе Нур-Султан- Петропавловск
Петропавл – Нұр-Сұлтан тас жолындағы жол апаты
Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

"Бізді басып озбақ болды": Өрт сөндіру көлігі аударылып, жүргізуші көз жұмды

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", - делінген хабарламада.

Қазір апаттың себебі анықталып жатыр.

 

 

0
Кілт сөздер:
жол апаты, кәсіпкер
Тақырып бойынша
"Орда" әншілерінің ата-анасы қаза болды: полиция жол апатының мән-жайын айтты
Алматыда Lexus жүргізушісі жаяу жүргіншілерді қағып кетті
"Сағынышымыз сейілді": Сәкен Майғазиев жүрек елжірететін видео жариялады
Танымал қазақстандық әнші жол апатына түсті – фото
Қазақстан әйелдер құрамасының бас бапкері қайтыс болды