Архивтегі сурет

Назарбаев, Тоқаев пен елорда әкімі қайда дауыс береді

160
18 сәуірден бастап азаматтарды сайлау учаскелеріне тіркеу науқаны басталады

НҰР-СҰЛТАН, 15 сәуір — Sputnik. Елорда әкімдігі Қазақстанның тұңғыш президенті Нұрсұлтан Назарбаев, Қазақстан президенті Қасым-Жомарт Тоқаев пен қала әкімі Бақыт Сұлтановтың сайлау учаскелері тізімінде бар-жоғын тексереді. Бұл туралы брифингте елорда әкімі аппараты жетекшісінің орынбасары Азамат Ахмеджанов мәлімдеді.

Елордада 18 сәуірден бастап азаматтарды сайлау учаскелеріне тіркеу науқаны басталады.

Азамат Ахмеджанов журналистердің Қазақстан президенті мен Нұр-Сұлтан әкімі қай сайлау учаскесінде дауыс береді деген сұрағына "қазір сайлау учаскелерінде бар-жоғын анықтау және мекен-жайларды тексеру мәселесі пысықталып жатыр" деп жауап берді.

"Бәрінің құқығы тең болады. Әрбір азамат, тіпті біздің президент те нақты мекенжай бойынша тіркелген. Тиісінше, бұл мекенжай сайлау учаскесіне тіркеледі. Біз базаны көтеріп, оның тіркелген жерін табуымыз керек, сонда ол қай сайлау учаскесіне қарайтынын білеміз", - деп хабарлады елорда әкімдігінің өкілі.

Бұған дейін елорда әкімшілігі еріктілер мен полиция қызметкерлері сайлаушылардың деректерін тексеру үшін аулаларды аралауды бастағанын хабарлаған еді. Сонымен қатар әрбір астаналық egov.kz электронды үкімет порталы арқылы  немесе "Азаматтарға арналған үкімет" мемлекеттік корпорациясында тіркеуін және мекенжайы туралы ақпаратты тексере алады.

Тоғызыншы сәуірде Қазақстан президенті Қасым-Жомарт Тоқаев 2019 жылдың 9 маусымында президент сайлауы өтетінін жариялады.  

160
Кілт сөздер:
Бақыт Сұлтанов, Назарбаев, Қасым-Жомарт Тоқаев, президент сайлауы
Тақырып бойынша
Заңгер: Тоқаевтың БҰҰ-дағы қызметі сайлауға түсуге кедергі болмайды
Дариға Назарбаева кезектен тыс президент сайлауы туралы пікір білдірді
"Құжаттарын қараймыз" ОСК Тасмағамбетовтің сайлауға түсуіне қатысты жауап берді
Министрлік президент сайлауына қанша ақша жұмсалатынын айтты
"Ешқандай жауап жоқ" Орталық сайлау комиссиясы бір партияны "жоғалтып алды"
Президент сайлауы: министрлік ОСК сұраған ақша мөлшерін азайтты
Загрузка...