Что? Где? Когда?

Ресейлік бағдарламада қостанайлықтан қазақ тілінде кешірім сұрады - видео

1787
(Жаңартылды 20:44 16.04.2019)
Қостанай қаласының тұрғыны танымал ойынның көктемгі маусымына сауал жолдаған болатын

НҰР-СҰЛТАН, 16 сәуір — Sputnik. "Не? Қайда? Қашан?" ("Что? Где? Когда?") атты танымал ресейлік шоудың телекөрермен мүддесін қорғаушысы Дмитрий Брейтенбихер қостанайлық көрерменнен қазақ тілінде кешірім сұрады.

"Өткен ойынның соңында әбігер болып кеттік. Мен қазақстандық Сергей Смоленюктің 25 мың рубль (147,5 мың теңге) алатынын айтуды ұмытып кетіппін. Өйткені ойын қатысушысы сауалға тек жүргізушінің көмегімен жауап берді. Сондықтан, Сергей, кешіріңіз мені", - деді камера арқылы қостанайлықтан кешірім сұраған Брейтенбихер. Бұл сәтті ойынның бас кезінде көруге болады.

Қостанай қаласының тұрғыны Сергей Смоленюк "Не? Қайда? Қашан?" көктемгі ойын маусымына сауал жолдаған болатын. Оның сұрағы "Суперблиц" бөлімінде оқылды. "Суперблиц" ережесі бойынша интеллектуал үш сауалға бірдей дұрыс жауап беруі тиіс.

Қостанайлықтың сұрағы бірінші болды. Ол фин жазушысы Мартти Ларни екі адам кінәлі болса да, бір адам ғана төлейтін айыппұл деп нені атады деген сауал жолдаған.

Ойыншы Михаил Мун дұрыс жауап – босану кезіндегі бейнет деп жауап берген. Алайда бағдарлама жүргізушісі Борис Крюк: "Сіз бала тууды айыппұл деп санайсыз ба? " деген сауал қояды.

Тағы оқыңыз: Алматылық жігіттің сауалы интеллектуалдардың басын қатырды

Сол кезде интеллектуал өзінің жауабын өзгертіп: "Шаңырақ шайқалып, айырылысуға тек бір адам кінәлі болмайды, ендеше дұрыс жауап - алимент",- деді. Бұл дұрыс жауап болатын.

Алайда ұйымдастырушылар интеллектуал жауапты жүргізушінің көмегімен тапты деген шешімге келді. Сондықтан ақша қостанайлыққа жіберіледі. 

1787
Кілт сөздер:
Қостанай, Ресей, ойыншылар
Тақырып бойынша
"Білетініңізді көрдік!" Нығматулин сұраққа жауап бере алмаған министрге ашуланды
Қазақ қызы АҚШ пен Гонконг университеттерінің 11 грантын жеңіп алды
Ресейлік қазақ қарсыласын 100 секунд ішінде нокаутқа жіберді – видео
Тоқаев Мәскеуден кейін қайда барады - ресейлік саясаттанушы пікір білдірді
Ресейлік танымал актриса өзінің қазақ атасын тапты
Ресейлік шоуда алматылық жігіттің сұрағы интеллектуалдардың басын қатырып қойды - видео
Ержан Максим ресейлік байқауда ән айтып жатқан кезде стақан сынып кетті - видео
Загрузка...