Зергер Берік Әлібай

Назарбаевқа - қылыш, Қарақатқа - әшекей: танымал зергер бұйымдарының құны туралы айтты

955
(Жаңартылды 10:11 17.04.2019)
Берік Әлібайдың айтуынша, зергер өте шыдамды, жүйкесі мықты, қолы епті адам болуы керек

НҰР-СҰЛТАН, 16 сәуір – Sputnik. Дәурен Ерболат. Танымал зергер Берік Әлібай ұлттық нақыштағы әшекей бұйымдар және асыл тастармен көркемделген қылышты қалай жасайтынын, қазақ эстрадасының жұлдыздары қандай әшекей бұйымдарды ұнататынын айтып, табысқа жетудің құпиясымен бөлісті, деп хабарлайды Sputnik Қазақстан тілшісі. 

Берік Әлібайдың зергерлік бұйымдары
© Sputnik / Абзал Калиев.
Берік Әлібай жасаған білезіктер

Алғашқы туынды 

Берік Әлібай – Жамбыл облысы Меркі өңірінен шыққан зергер әулетінің өкілі. Оның атасы – Әлімбай ұста-зергер болыпты. Ол 1981 жылы арман қуып, Алматыға келеді. Бір жылдан соң, қазіргі Орал Таңсықбаев атындағы Aлматы сәндік және қолданбалы өнер колледжіне ұста мамандығына оқуға түседі. Соған қарамастан Берік Әлібай ұстазы Мейірхан Әбдірахмановтың кеңесімен зергерлік ісіне мамандана бастайды.

"Нешінші курс екені есімде жоқ. Бір күні ұстазым Әбдірахманов аз ғана темір кесіп берді де: "Пышақ соғып кел. Оны істей алмасаң, ұста болмайсың", - деді.  Темірдің ұзындығы – 7-8 см. Біраз қиналып, әдемі кездік жасадым. Оның сабы қойдың асық жілігінен болды. Мұғалімдер жасаған еңбегіме жоғары баға берді", - дейді зергер студенттік шағын еске алып.

Мамандыққа деген адалдық

Ол 1989 жылы оқуын бітіріп, қаладағы дизайнерлер одағынан жұмысқа шақырту алады. Берік Әлібайдың айтуынша, кеңес кезеңінде Алматыда қалу өте қиын болған екен. Тәуелсіздік жылдары зергер біраз қиындықты көріпті. Бірақ мамандығына деген адалдық осы кәсіпте қалуына септігін тигізген. 

Берік Әлібайдың бұйымдары
© Sputnik / Абзал Калиев. Abzal KALIYEV
Берік Әлібай жасаған сәукеле

"Тоқырау заманында елімізде жұмыс жоқ. Колхоз тарап кетті. Халық абдырап қалды. Қиын қыстау кезеңде күнімді зергерлікпен көрдім. Бала-шағаны да асыру керек қой. Мәскеу, Ленинград қалаларынан адамдар әшекей бұйымдар жасауға тапсырыс берді. Соны жасадым. Байып кетуді ойлаған жоқпын", - дейді зергер.

Берік Әлібайдың айтуынша, зергер өте шыдамды, жүйкесі берік, қолы епті, еңбекқор, әрі ол ісін жақсы көретін адам болуы керек.

Президентке сыйлық

Қазақ зергері үшін тәуелсіздік қастерлі ұғым. Ол тәуелсіз Қазақстанда тұрып жатқанын мақтан тұтады. 1991 жылы зергер мемлекет басшысы Нұрсұлтан Назарбаевқа арнайы белдік жасапты. 

Зергер Берік Әлібай өзі жасаған белдікті ұстап тұр
© Sputnik / Абзал Калиев. Abzal KALIYEV
Зергер Берік Әлібай өзі жасаған белдікті ұстап тұр

"1991 жылы 10 желтоқсанда Алматы қаласындағы Республика сарайында Нұрсұлтан Назарбаевтың алғашқы инаугурациясы өтті. Біз мемлекет басшысына арнайы белдік жасадық. Жанымда 4-5 зергер досым болды. Күн демей, түн демей белдікті үш күнде жасап шығардық. Ақша алған жоқпыз, бірақ тарихта қалдық", - дейді Берік Әлібай.

Бағалы сыйлықтар

Сондай-ақ, зергердің жасаған қылышы басқа елдің президенттеріне де сыйлыққа беріліпті.

"Артымда қайқы қылыш тұр. Мұның бағасы – 10 миллион теңге. Қылышты жасауға бір келі 300 грамм күміс кетті, әрі алтынмен жалатылды. Бір жыл тер төктім. Мен қылышты көп жасамаймын. Өмірімде 4-5 қылыш жасадым. Оның өзі Елбасы Нұрсұлтан Назарбаевқа, Малайзия короліне, Армения президентіне, Түркияның бұрынғы мемлекет басшысы Сүлеймен Демирелге сыйға берілді. Олар осы елдердің музейлерінде тұр", - дейді Карл Фабержье "Құрмет" орденінің иегері. 

Берік Әлібай жасаған қылыштардың бірі
© Sputnik / Абзал Калиев.
Берік Әлібай жасаған қылыштардың бірі

Әңгіме барысында ол қылыштарды тапсырыспен жасамайтынын атап өтті. Берік Әлібайдың жасаған бұйымдарын адамдар арнайы келіп сатып алады екен. Бірақ зергер қандай адамдар келетіні туралы тіс жармады. Тек Түркияның бұрынғы президенті Сүлеймен Демирелге жасалған сыйлық туралы айтып берді.

"1999 жылы қылышымды адамдар қымбат бағаға сатып алды. Нақты есімде жоқ. Қателеспесем, 2-3 мың доллар. Бұл – сол кездегі Астанадағы бір бөлмелі пәтердің бағасы. 2000 жылы астанамызға Сүлеймен Демирел келген болатын", - дейді Берік Әлібай.

Ұлттық бұйымдарға сұраныс жоғары

Зергер қазақтың ұмыт болған әдет-ғұрыптары мен салт-дәстүрлері халық жадында қайта жандана бастағанына қуанады. Оның пікірінше, әрбір азамат өз елінің тарихын білуі керек. 

Зергерлік бұйым, жүзік
© Sputnik / Абзал Калиев.
Зергер топтамасындағы жүзіктер

"Құдағи, құстұмсық, отау деген жүзіктер бар. Оларды жасап, дәстүрімізді жаңғыртып жатырмыз. Халық оларды көріп таңғалады, әрі қызығушылықпен қарайды. Қазақтар той-томалақ көп өткізеді. Құдайға шүкір тапсырыс бар. Әшекей бұйымдардың бағасы жұмыстың күрделілігіне байланысты. Құны 200 мың теңгеден 5 миллион теңгеге дейін барады", - ол.

Қазақ әншілері қандай әшекей бұйымдарды сатып алады

Сондай-ақ зергер қазақ эстрада жұлдыздарын да жиі тапсырыс түсетінін жеткізді.

"Құдайға шүкір, әншілерден тапсырыс көп түседі. Ашығын айтқанда, жасап үлгере алмай жатамыз. Дәстүрлі әншілер Айгүл Елшібаева, Эльмира Жаңабергенова, Айгүл Қосановадан және тағы басқа эстрада жұлдыздарынан тапсырыс түседі. Жақында Қарақат Әбілдина әшекей бұйымдардың бір жиынтығын сатып алып, еліміздегі танымал әншіге сыйға тартты. Бағасына келісеміз. Көңіл-күйім болған кезде бағасын түсіруім мүмкін", - дейді Берік Әлібай.

Табысқа жетудің құпиясы 

Берік Әлібай жасаған зергерлік бұйым
© Sputnik / Абзал Калиев.
Жұлдыздар жиі тапсырыс беретін зергерлік бұйым

Зергер Қазақстанның ұлттық музейіндегі реставрация бөлімінде таңғы 9-дан кешкі 6-ға дейін жұмыс істейді. Кейін өзінің сүйікті кәсібімен шұғылданады. Осы орайда ол табысқа жетудің құпиясын айтты.

"Бұл кәсіппен шұғылданып, байып кетпейсің. Бірнеше бизнесті алып жүрген соң, жағдайым жаман деп айта алмаймын. Қаражат жинап, басқа кәсіпке салдым. Дүкен аштым, сирек кездесетін заттарды сатып алдым. Адам тек зергерлікпен байи алмайды. Әрине, одан өзге кәсібің болуы керек. Мұны шәкірттеріме де айтамын", - дейді ол.

Әке жолы

Берік Әлібайдің 4 баласы бар. Кенже ұлы әке жолын қуған екен

"25 жастағы кіші ұлым - зергер. Ол да әшекей бұйымдар жасайды. Мұнда тұрған барлық заттың тарихын біледі. Үйдегі кейбір бұйымдарды сатып жатсам, кенже балам сатқысы келмейді. Соған риза болып қаламын. Ұрпағым мен жасаған заттардың қадірін білмесе, мұны жинамас та едім. Олар барлығын түсінеді", - деді Берік Әлібай.

Сөз соңында зергер өзінің жасаған туындыларына баласындай қарайтынын, сондықтар оларды санамайтынын айтып кетті.

955
Кілт сөздер:
өнер жұлдыздары, қазақ әншілері, әшекей, ұлттық
Тақырып бойынша
Елден жасырған ұл, коттедж жыры, ұшақтағы шу: Дауға қалған шоу-бизнес жұлдыздары
Құлақтан кіріп, бойды алар... Қазақ музыкасы Мәскеу халқын тәнті етті
"Қып-қызыл жала!". Қыдырәлі мен Қарақат өздеріне тағылған айыпты жоққа шығарды
Ырза Тұрсынзада: халықтың тарихи тамыры мен дәстүрі шетелдік брендтерден мықты
Айнұр Тұрсынбаеваның аста-төк тойы: гауһар тасты әшекейден бастап көлікке дейін - видео
Ақша, теңге

Тоқаевтың тапсырмасы: министр дәрігерлердің жалақысы қаншаға өсетінін айтты 

110
(Жаңартылды 20:26 29.05.2020)
Министр медицина қызметкерлерінің айлығын арттыру жұмысы былтыр басталғанын атап өтті. Ол кезде ақхалаттылардың жалақысы 30%-ке көбейген

НҰР-СҰЛТАН, 29 мамыр – Sputnik. Әлем елдерінің стандарттарына жақындау үшін дәрігердің орташа жалақысы 550 мың теңге болуы тиіс. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі. 

Ол медицина қызметкерлерінің айлығын арттыру жұмысы былтыр басталғанын атап өтті. Ол кезде ақхалаттылардың жалақысы 30%-ке көбейген. 

Бұдан бөлек, қаңтардан бастап республикалық бюджеттен және медициналық сақтандыру қорынан еңбекақы төлеу қорын 30 процентке арттыру үшін қосымша қаржы бөлінді. 

"Біз есеп-қисап жүргіздік. Бізге әр жыл сайын еңбекақы төлеу қорын 30%-ке арттыру қажет болады. Сол кезде қалаған деңгейге жетеміз, әлем елдерінің стандарттарына жақындау үшін дәрігердің орташа жалақысы 550 мың теңге болуы тиіс. Әйтпесе, біз кадрларымызды жоғалта береміз", - деді Біртанов "Хабар 24" телеарнасында өткен тікелей эфирде. 

Айтуынша, бекітілген 2025 жылға дейінгі денсаулық сақтауды дамытудың мемлекеттік бағдарламасында медицина қызметкерлерінің еңбекақысын кезең-кезеңмен өсіру жоспарланған. 2025 жылға қарай дәрігерлердің жалақысын экономикадағы орташа жалақыдан 2,5 есе артық ету көзделген. 

"Алайда президент қазіргі жағдайды ескеріп бұл көрсеткішке 2023 жылы жетуді тапсырды. Осыған байланысты біз тиісті есептеулер жүргіздік", - деді ол. 

Айта кетсек, мемлекет басшысы Қасым-Жомарт Тоқаев ұлттық қоғамдық сенім кеңесінің үшінші отырысында дәрігерлердің жалақысын биылдан бастап кезең-кезеңмен өсіруді тапсырды.

 

110
Тақырып бойынша
Қытайдан келген дәрігерлер елордалық әріптестерінің жұмысын бағалады
Президент дәрігерлер үшін қылмыстық жазаны өзгертуді ұсынды
Абаев қандай дәрігерлер айына 1 миллион теңге алатынын айтты
Күн сайын 200-300 қазақстандық вирус жұқтырады: министр түсініктеме берді
Вирус жұқтырған кейбір адамдар неге ауруханаға жатқызылмайды - министр жауабы
Медицина қызметкері

Күн сайын 200-300 қазақстандық вирус жұқтырады: министр түсініктеме берді

58
(Жаңартылды 19:45 29.05.2020)
Министр жалпы Қазақстанда эпидемиологиялық ахуал тұрақты екенін айтты. Соңғы айда вирус жұқтыру өсімі орташа есеппен 5 проценттен аспаған

НҰР-СҰЛТАН, 29 мамыр – Sputnik. Қазақстанның денсаулық сақтау министрі Елжан Біртанов күн сайын вирус жұқтырған 200-300 адамның тіркелуіне қатысты түсініктеме берді, деп хабарлайды Sputnik Қазақстан тілшісі. 

"Бұл инфекциялық аурудың таралуы, сол себепті, әрине, цифр өседі. Егер таралу қарқыны мен қайтыс болғандар санын қарасақ, бұл жерде әр елде көрсеткіштер әртүрлі. Бізде бірқатар өңірде өсім қарқыны артып отыр, бұл ұйымдасқан ұжымдарда вирус таралып жатқанын білдіреді", - деді Біртанов "Хабар 24" телеарнасындағы тікелей эфирде. 

Министр жалпы Қазақстанда эпидемиологиялық ахуал тұрақты екенін айтты. Соңғы айда вирус жұқтыру өсімі орташа есеппен 5 проценттен аспаған. 

"Бүгінгі таңда елімізде коронавирус инфекциясын жұқтырғандар саны 10 мыңнан сәл асады. Алайда өсім қарқыны 3-5 процент шамасында құбылады", - деді ведомство басшысы. 

Айта кетсек, coronavirus2020.kz сайтында індетке шалдыққандардың саны – 9 932. Соның ішінде 5 011 адам дертінен жазылып шыққан, 37 науқас қайтыс болды.

58
Кілт сөздер:
түсініктеме, министр, Қазақстан, коронавирус
Тақырып:
Коронавирус эпидемиясы
Тақырып бойынша
"Бұл вирус бізбен ұзақ уақыт болады": ДДҰ басшысы мәлімдеме жасады 
Қазақстанда вирус жұқтырғандарды емдеуге "Гидроксихлорохин" қолданылмайды
Вирус жұқтырған кейбір адамдар неге ауруханаға жатқызылмайды - министр жауабы
Жұмысқа шыққандар арасында вирус жұқтырғандар көбеюде – министрлік
"Көзге көрінбейтін дұшпан": Вирус жұқтырған шенеунік желіде жазба жариялады
Арнайы жасақтағы қыздар

"Тревога" десе, үй киімімен барасың": арнайы жасақтағы қыздар ашық сұхбат берді

119
(Жаңартылды 23:01 29.05.2020)
Взводтың құрылу мақсаты – халықаралық канондарға сай, әйел қылмыскерлерді ұстау. Қазір взвод құрамында 22-35 жас аралығындағы 23 қыз жұмыс істейді

АЛМАТЫ, 29 мамыр – Sputnik, Айгерім Таубай. Алматыдағы жылдам қимылдайтын арнайы жасақта әйелдер взводы 2019 жылдың маусымында құрылды. Құрамында 23 қыз жұмыс істейтін взвод қоғамдық тыныштықты сақтау үшін бел жазбай қызмет етіп жүр. Арасында тұрмыс құрғандар мен екі-үш баланың анасы да бар.

Жедел қимылдайтын арнайы жасақтың инспекторы Айкерім Нұрболаттың айтуынша, взвод жылына екі рет сынақтан өтеді. Сынақ барысында 100 метрге, 800 метрге жүгіру секілді физикалық дайындығы мен оқ ату шеберлігі тексеріледі. Тұрақты түрде психологпен сабақ өтіп тұрады.

Айкерім Нұрболат
© Sputnik / Тимур Батыршин Batyrshin Timur
Жедел қимылдайтын арнайы жасақтың инспекторы - Айкерім Нұрболат

Бұл взводтың құрылу мақсаты – халықаралық канондарға сай әйел қылмыскерлерді ұстау. Қылмыс жасаған әйел ұсталған жағдайда изоляторға жеткізуге де қыздар қатысады. Одан бөлек қыздар жасағы қазір блок бекетте қоғамдық тыныштықты сақтауға жұмылдырылған. Концерт, футбол ойындары секілді адам көп шоғырланған жерлерге бұйрықпен жіберіледі.

"Аптасына екі рет командирмен бірлесіп сабақ өтеміз, заңға өзгеріс енгізілсе, соны талқылаймыз. Апта сайын тауға шығамыз, тауға шыққан кезде қандай тәсілді қолдану керек екені айтылады. Карантин кезінде тауға шығып жүрген жоқпыз, ал оған дейін тоғайға барып жүгіреміз не болмаса тауға шығамыз", - дейді Айкерім Нұрболат.

Қыздардың қабілеті жедел жасақта қызмет етуге жеткілікті

Жасақ құрамына қабылдау үшін қыздардың бойы 170 см-ден жоғары болып, заң туралы білімі, спортта жеткен жетістіктері, спорт шеберіне үміткер болуы қажет. Осы талаптарға сай болғандардың бірі – жасақ құрамына бірінші болып қосылған Әсем Байболатова.

29 жастағы Әсем Жамбыл облысы Байзақ ауданында дүниеге келген. 2009 жылы Алматы қаласындағы ішкі істер министрлігінің академиясына оқуға түскен. Оқуды бітірген соң Бостандық ауданы ішкі істер бөлімшесіне тергеу қызметінде екі жарым жыл жұмыс істеген. 2019 жылдың маусымына дейін сол аудандағы әкімшілік практика қызметін атқарды.

"Жылдам қимылдайтын арнайы жасақта қыздар взводының ашылғанын естіп, құжат жинауға кірістім. Ең алдымен қызметкердің спортқа деген қызығушылығына баса назар аударады. 2008 жылы Қазақстан чемпионатында қол күресінен жеңімпаз болып, спорт шеберін орындадым. Қызметтің ашылғанын ести сала, осында келдім. Спорттағы жетістіктерімді көрсеттім. Сол арқылы қабылдап алды", - дейді Байболатова.

Әсем Байболатова
© Sputnik / Тимур Батыршин Batyrshin Timur
Әсем Байболатова ер адаммен салыстырғанда қыздар барлығына аса жауапкершілікпен, мұқият қарайтынын айтады

Бойжеткен осы қызметке келгеннен кейін практикалық атуды тереңірек меңгеріп, жарыстарда жүлде алып жүр. Бұған дейін де қарумен жұмыс істегенін айтқан Әсем арнайы жасақ құрамында өзінің тағы бір қырын аша түскен. 2019 жылы қазанда практикалық атудан Қазақстан чемпионатында жеңімпаз атанған.

"Осы қызметке қатты қызықтым. Арнайы күште жұмыс істейтін қыздарға қызыға қарайтынмын. Бізде осы взводтың ашылғанын кадр бөлімінен естіп, бірден келдім. Өзім қылмыскерлерді ұстау, қажет жерінде күш қолдану секілді қимылдарды көргім келді. Қыздардың қабілеті жедел жасақта қызмет етуге жеткілікті, тіпті ер адаммен салыстырғанда қыздар барлығына аса жауапкершілікпен, мұқият қарайды. Сонымен қатар қыздар шыдамдырақ келеді. Қыздардың бұл салада қызмет еткенінді тұрған ештеңе жоқ, істі тиянақты орындайды", - дейді ол.

Олимпиада ойындарынан жасақ жаттықтырушысына дейін

Қасенова Саида – бокстан Қазақстанның жеті дүркін чемпионы, Азия чемпионы, Азия ойындарының күміс және қола жүлдегері, әлем кубогінің қола жүлдегері, ең алғаш Олимпиада ойындарына лицензия алған қазақ қызы. 2012 жылы Олимпиада ойындарында 5-орын алған спортшы 2020 жылдан бастап жедел жасақ құрамында жаттықтырушы болып қызмет етеді. Бокстан кейін аралас жекпе-жектен Қазақстанның чемпионы атанған Саида қыздардың физикалық дайындығын жаттықтырады.

"Әр қыздың өз мінезі бар. Тіпті арнайы жасақта жұмысқа анау-мынау қыз келе бермейді. Алдына мақсат қойып соған жете алатын мінезді, сабырлы қыздар жұмыс істейді. Сондықтан әрқайсысымен жұмыс істеу арқасында кімнің қай спортқа деген қабілеті, құштарлығы бар екенін анықтап, жеке-жеке жұмыс істейміз. Бірі бокста мықты, бірінің жүгіру, күресуге икемі бар. Болашақта біраз жарыстан жылдам жасақ қыздарын көріп қаласыздар", - дейді Қасенова.

Саида Қасенова
© Sputnik / Тимур Батыршин Batyrshin Timur
Қасенова Саида – бокстан Қазақстанның жеті дүркін чемпионы, Азия чемпионы, Азия ойындарының күміс және қола жүлдегері, әлем кубогінің қола жүлдегері, ең алғаш Олимпиада ойындарына лицензия алған қазақ қызы.

Олимпиада ойындарынан кейін құрамада біраз уақыт болған Саида кейін Қазақстанның жасөспірім қыздар құрамасының бас жаттықтырушысының көмекшісі қызметін атқарған. Сол жақта бір жыл қызмет етіп жүріп, аралас жекпе-жектен жарысқа барған. Жарыста аяғынан жарақат алған спортшы біраз уақыт денсаулығына көңіл бөлген.

"Ота жасатқан соң, жеті айдан кейін жаттығу бастап, жарысқа шықтым. Аралас жекпе-жектен әлем біріншілігіне барып қайттым. Содан кейін осы бағытқа бет бұрдым. Қыздар құрамасы ашылған соң, 2020 жылдың басында жасаққа келдім. Үлкен спорт бар жерде оңай дүние жоқ, жарақат алмайтын спортшы жоқ. Карантин болған соң қазір жарыстар жоқ, алда жарыстарға дайындықты бастаймын", - дейді Қасенова.

Жаттықтырушы болғанымен адам жетпей жатқан кезде жасақ құрамында бірге шығатын Саида блок бекеттегі жұмысы жайлы айтты.

"Бір қарағанда адам өміріне қауіпті емес жұмыс секілді көрінуі мүмкін, алайда ол жерде де түрлі адам бар. Біз (арнайы жасақ - Sputnik) сол жердегі қызметкерлердің қауіпсіздігіне жауап береміз. Бекетте тұрып адамдарға түсіндіру жұмысын жүргізіп, халықпен етене жұмыс істеуге тура келді. Ішінде мас болып, қызметкерлерге күш қолданған адамдар да болады. Сондай сәтте жедел түрде араласамыз", - дейді Саида Қасенова.

Ол халықпен жақын жұмыс істеген соң қару ұстауға қажеттілік болмағанын айтты. 

"Жаңа жылдан бері қару алып, қауіпті операцияларға әлі барған жоқпын. Қыздардың қарусыз жұмыс істеуіне көмектесемін. Қыздардың ішінде біреу жүгіруден, бірі соққы беруден әлсіздеу болса, қазір барлығы кез келген жағдайға дайын", - дейді ол.

"Халқым үшін туған қызбын"

Алты жасынан бастап спорт пен өнерді бір арнаға тоғыстырып жүрген Қарашаш Есдәулетова Алматы облысы Ұзынағаш ауылында дүниеге келген. Әкесі мен анасы – самбошы, спорт шебері. Бала күнінен сұлулық байқауларында топ жарған Қарашаш, фотомодель болып, арасында киноэпизодтарға шақырту алған. Ал 2020 жылдың басынан бері жедел жасақ құрамына қабылданып, осы салада жұмыс істеп жүр.

Қарашаш Есдәулетова
© Sputnik / Тимур Батыршин Batyrshin Timur
Актерлік шеберлік мамандығын тәмамдаған бойжеткен ән салып, театрда да ойнаған

Есдәулетова Қарашаш – жүзуден, еркін күрестен спорт шеберіне кандидат, дзюдо мен самбодан спорт шебері, самбодан Алматы қаласының бірнеше дүркін чемпионы, жеті дүркін Қазақстан чемпионы, Азия чемпионы. 

"Ішкі істер органдарында оның ішінде жедел жасақта жұмыс істеуді бала күнімнен армандадым. Себебі менің ағаларым осы жерде жұмыс істеді. Америкалық фильмдерді көріп, бізде де осындай арнайы жасақ, әскери бөлім болғанын қаладым. Ашылғанын естіген кезде жүгіріп келдім, жер тістесем де осы жұмысқа орналасамын дедім. Мен үшін бұл жер лагерь секілді, жаным рахат табады", - деді Есдәулетова.

Актерлік шеберлік мамандығын тәмамдаған бойжеткен ән салып, театрда да ойнаған. Ал қазір қоғамдық тәртіпті бақылайтын жедел жасақтың бір мүшесі. Өзінің 13 жасынан бастап кәсіби спортпен айналысуына отбасы әсер еткенін айтты.

Әңгіме барысында бойжеткен арманын туралы сөз қозғады. Айтуынша, спорттың бірнеше түрінен дайындалып, спортта топ жаруды мақсат еткен.

"Шетелге барып, жарысқа қатысып, жылдам жасақ қыздарының шеберлігін көрсеткім келеді. "Қазақстанның жедел жасақ қыздары" деген атын шығарып, атақ алып келгім келеді", - дейді ол.

  • Мен үшін бұл жер лагерь секілді, жаным рахат табады
    "Мен үшін бұл жер лагерь секілді, жаным рахат табады"
    © Sputnik / Тимур Батыршин Batyrshin Timur
  • Спортпен айналыс та, еліңді, жеріңді қорға, қызмет ет
    "Спортпен айналыс та, еліңді, жеріңді қорға, қызмет ет"
    © Sputnik / Тимур Батыршин Batyrshin Timur
  • Тревога десе, үй киімімен барасың
    "Тревога" десе, үй киімімен барасың"
    © Sputnik / Тимур Батыршин Batyrshin Timur
1 / 3
© Sputnik / Тимур Батыршин Batyrshin Timur
"Мен үшін бұл жер лагерь секілді, жаным рахат табады"

Айтуынша, жұмыс кезінде көзге түсетін сырға тағып, тырнақты қанық түске бояуға болмайды. Соған қарамастан, форма мен әскери аяқкиімді де жақсы көремін, дейді ол.

"Барлық жағдай жасалған. Спортпен айналыс та, еліңді, жеріңді қорға, қызмет ет. Үнемі халқым үшін туған қызбын деп ойлайтынмын. Спортта да сондай қағиданы ұстандым. Блок бекетте болсын, ұстау секілді операцияларға барғанда да халқым үшін жасап жатырмын деген ойда боламын", - дейді Қарашаш.

Айтуынша, жұмысқа түнгі үште де, жұмыстан тыс мезгілде, кез келген уақытта шақыруы мүмкін.

"Кез келген уақытта шақыртып алады. Тіпті көшеде кетіп бара жатқанда, "тревога" десе, үй киіміңмен кетесің. Үйге барып шығайын деген әңгіме мүлдем айтылмайды. Бұл біздің екінші үйіміз. Біраз уақыт бұрын дүкенге бара жатқанымда, хабарласты. Содан бірден такси тоқтатып, базаға келдім. Отбасым бұған үйреніп кеткен", - дейді ол.

Арнайы жасақ, жаттығу
© Sputnik / Тимур Батыршин Batyrshin Timur
Жұмысқа түнгі үште де, жұмыстан тыс мезгілде, кез келген уақытта шақыруы мүмкін
119
Кілт сөздер:
спорт, қыздар
Тақырып бойынша
Халықаралық армия ойындары-2019: алғаш рет қыздар "Танк биатлонына" қатысты
"Тест нәтижесін көрсету керек": алматылық ерікті сұхбат берді
Әділбек Ниязымбетов қазір немен айналысып жүргенін айтты
Әлемдегі ең сұлу қыздар қай елде тұрады - фото
Қазақстандық спортшы мұрны сынса да, жекпе-жекті жеңіспен аяқтады – видео