Мужчина во время медицинского осмотра, архивное фото

"Айтуға ұят" Нығматулин жүргізушілерге жағдай жасауды тапсырды

2741
(Жаңартылды 14:51 17.04.2019)
Нығматулин медициналық тексерісті өткізу ережелерін қайта қарау керек деп санайды

НҰР-СҰЛТАН, 17 сәуір – Sputnik. Мәжіліс төрағасы Нұрлан Нығматулин жүргізуші куәлігін алу үшін медициналық тексеріс өткізу ережелерін қайта қарастыру қажет деп санайды. Бұл туралы спикер төменгі палатаның жалпы отырысында айтты, деп хабарлайды Sputnik Қазақстан тілшісі.

Мемлекеттік қызметтер көрсету мәселелері бойынша заң жобасын талқылау барысында Нығматулин жүргізуші куәлігін алу кезінде медициналық тексерістен өту тәртібін көтерді. Спикер денсаулық сақтау вице-министрі Олжас Әбішевтен медициналық комиссиядан өту үшін қанша дәрігерге қаралып, қанша зертханалық анализ тапсыру керек деп сұрады.

Әбішев барлық процес шамамен екі сағатты уақытты алатынын атап өтті. Айтуынша, азаматтар сегіз маманның алдынан өтіп, жеті анализ тапсыруы тиіс.

"Жеті және сегіз. Жүргізуші емес, ғарышкерлер дайындап жатқан сияқтысыңдар құдды. Қазір заман басқа. Кейбір көрсеткіштер бойынша тестілеуден өткізу жеткілікті, көру, есту қабілеті деген сияқты. Оңтайландырып, ұсыныстар енгізіңіздер", - деді спикер.

Бұған қоса, Нығматулин мамандандырылған халыққа қызмет көрсету орталықтарында медициналық тексерістің ұйымдастырылу деңгейін сынға алды.

"Адамдар анализ тапсыру үшін ұзын-сонар кезекке тұратынын білесіздер. Адамдар шағымданып жатыр", - деді төменгі палата төрағасы.

Нығматулин медициналық тексерісті өткізу ережелерін қайта қарау керек деп санайды.

"Олар 6-10 жыл бұрын бекітілген. Адамдарға ыңғайлы болатындай жағдай жасау керек. Айтуға ұят, адамдарды бір кезектен екіншісіне айдайды. Анализдердің бәрі адам төзгісіз жағдайда жиналады. Ол жерге егде жастағы адамдар да барады. Жаңа ереже әзірлеңіздер", - деп ашуланды мәжіліс спикері.

2741
Кілт сөздер:
Нұрлан Нығматулин, жүргізуші куәлігі
Тақырып бойынша
"Лезде өзгеріп саласыздар" Нығматулин министрлерді "Формула-1" шабандоздарына теңеді
"Білетініңізді көрдік!" Нығматулин сұраққа жауап бере алмаған министрге ашуланды
"Сізге бүгін не болған?" Нығматулин ұлттық банк төрағасын ұятқа қалдырды
Нығматулин "түсініксіз" зерттеулерге миллиардтаған теңге сұраған білім министрін сынады
"Естіп тұрсыз ба?" Назарбаевтың тапсырмасын орындамаған шенеунік сөз естіді
"Маған баға берудің қажеті жоқ" Нығматулин жаңа вице-министрге шүйлікті
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

64
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

64
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер
Митинг, архивтегі фото

Нұр-Сұлтанда көпбалалы және мүгедек баласы бар аналар пәтер талап етті

72
Коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды

НҰР-СҰЛТАН, 2 маусым – Sputnik.Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Блогер және Қазақстандағы MMA қозғалысының негізін қалаушы Анатолий Ким жағалаудан трансляция жүргізді.

Посмотреть эту публикацию в Instagram

Публикация от ANATOLIY KIM (@kazmma)

"Бізге пәтер беруді талап етеміз. 27 мамырда балам қайтыс болды, сал ауруымен ауырды, ұзақ жылдар бойы пәтер кезегінде тұрдық. Балам қайтыс болған кезде мені кезектен шығарып жіберді. Басқа балам жоқ", - деді наразылық білдірушілердің бірі Роза.

Сондай-ақ, адамдар күн көру қиындап кеткеніне шағымданып, жәрдемақыны көбейтуді талап етті.

"Бізге ешкім келмеді" деген әйелдердің сөзін әкімдік өкілдері теріске шығарып, келіссөз жүргізгендерін айтты.

Сондай-ақ митинг болған жерге тәртіп сақшылары келді. Олар ешкімді ұстап әкеткен жоқ.

Оқи отырыңыз: Бұдан былай бейбіт митинг өткізу үшін рұқсат алудың қажеті жоқ – Тоқаев 

Айта кету керек, митингіге байланысты елордалық Арбат шұғыл жұмысын тоқтатты, қолөнершілер жәрмеңкесіне қатысушылар мен музыканттар үйлеріне кетті.

Қазақстан президенті 25 мамырда бейбіт митингілер өткізу туралы заңға қол қойды. Жиналыстан 5 күн бұрын жергілікті атқарушы органдарға хабарлануы керек.

Бейбіт митингілер өткізу туралы заң 6 маусымда күшіне енеді.

72
Кілт сөздер:
баспана, мүгедек, көпбалалы отбасы
Тақырып бойынша
Тоқаев митинг туралы заңға қол қойды
Митингке шыққысы келетін қазақстандықтар нені білуі тиіс
Тұрғымбаев: Митингіге шығатындар бейбітшілік басты құндылық екенін түсінбейді
Министрдің орынбасары полиция белсенділерді үйден ұстап әкетпейтінін айтты
"Жауыз қылып бітірдік": депутат митингте "адамдарды сүйреп әкететіндер" туралы айтты