Нұрлан Нығматулин

"Бос сөзді қойыңдар" Нығматулин пікірін аяқасты өзгерткен вице-министрге шүйлікті

869
Мәдениет және спорт вице-министрі Ерлан Қожағапанов мәжіліс төрағасы Нығматулиннен сөз естіді

НҰР-СҰЛТАН, 24 сәуір – Sputnik. Мәжіліс төрағасы Нұрлан Нығматулин мәдениет және спорт министрлігіне "таза" спорт үшін күрес мәселесінде бос сөзді доғарып, нақты іске көшуді тапсырды, деп хабарлайды Sputnik Қазақстан тілшісі.

Нығматулин жүргізушілерге жағдай жасауды тапсырды

Бүгін мәжілістің жалпы отырысында Әкімшілік құқық бұзушылық туралы кодекске өзгерістер мен толықтырулар енгізу туралы заң жобасы қаралды.

Спорттағы допинг мәселесі

Cұрақ-жауап барысында депутат Зәуреш Аманжолова мәдениет және спорт министрлігінің өкілі мен заң жобасы бойынша баяндама жасаған әділет министрі Марат Бекетаевқа сұрақ қойды. Депутаттың айтуынша, бүгінде бүкіл әлем спорттағы допинг, жарыстың тыйым салынған түрлері, алдын ала келісілген матчтармен күресуде.

Мұхамедиұлы Полтораниннің допинг дауына қатысты түсініктеме берді

"Жақында парламент үкімет енгізген дене шынықтыру және спорт туралы заң жобасын қарады. Бұл құжат "таза" спорт пен "таза" жеңіске жол ашады. Онда спортшылардың, бапкерлер мен ұйымдастырушылардың жауапкершілігін күшейтетін түзетулер қарастырылған. Алайда біз бүгін қарап жатқан заң жобасында спортшылар және жарыс ұйымдастырушыларын ақшаға сатып алғаны үшін салынатын айыппұл сомасын 200-ден 100 АЕК-ке дейін төмендету қарастырылып отыр және осы заң бұзушылық үшін әкімшілік қамауға алуды алып тастау көзделген", - деді Аманжолова.

Бұған қоса, депутаттың айтуынша, заң жобасы заңсыз сыйақы берген адамның жазасын жеңілдетуді көздейді.

"Осыған байланысты, менде мынадай сұрақ: Кодекстің 174-бабының қазіргі редакциясын сақтау қажет деп ойламайсыздар ма?", - деді ол.

Әділет министрі Марат Бекетаев бұл түзетудің асығыстықпен жасалғанын айтты. Министр депутаттың аталған редакцияны сақтау керек деген ұсынысымен келісті.

Головкиннің қарсыласы допинг сынағын "алдағанын" мойындады

Бұл түзетуді мәдениет және спорт министрлігі енгізген екен.

Спорт вице-министрінің пікірі

Мәдениет және спорт вице-министрі Ерлан Қожағапанов кезінде спорт федерациясын басқарған адам ретінде спорттағы допинг проблемасымен жақсы таныс екенін атап өтті.

"Әрине, біз қолданыстағы Кодекстің нормасының сақталғанын қолдаймыз. Мен өз тарапымнан айтарым: біз министрлікте бұл мәселені талқылап, бұл түзетуді кім енгізгенін анықтап, жауапқа тартамыз. Осы орайда осындай олқылықты тапқан депутаттарға алғыс айтқым келеді. Біз жанкүйерлер алдында бетіміз қызарып, ұялмайтын боламыз. Бұл норманы, тіпті, қылмыстық жауапкершілікке дейін қатаңдатуға болады", - деді вице-министр.

Нығматулин вице-минстрге неге шүйлікті?

Пікірін аяқасты өзгерткен вице-министр Нығматулинге жақпай қалды. Мәжіліс төрағасы, тіпті, мәдениет және спорт министрлігінің жазаны күшейту туралы өзгерісті жұмыс тобына қашан енгізгенін де айтып берді.

"Миллион теңге алсаңыздар да, жұмыс істемейсіздер" - Нығматулин кімдерге шүйлікті?

"Мына хат, жұмыс тобына кеше ғана түскен. Онда сіздің министрлік жауапкершілікті қамауға алу түріндегі жазаға дейін күшейтуді көрсеткен. Осы залда мәдениет және спорт министрлігінің спорт туралы заң жобасын талқылағанымызға бір ай да болған жоқ. Мен сол кезде бос сөзден нақты іске көшу керектігін айтқан едім. Алайда, өкінішке қарай, еш өзгеріс жоқ. Бір ай бұрын қатаңдату керек десеңіздер, енді келіп, жазаны жеңілдетуді сұрап отырсыздар. "Таза" спорт үшін күрескендеріңіздің түрі осы ма? Бетіміз қызарып, ұялмайтын боламыз дейсіз. Дәл қазір осындай шала жұмыс үшін ұялуыңыз керек", - деді спикер.

Вице-министр Нығматулинің айтқандарымен сөзсіз келісті.

Назарбаевтың тапсырмасын орындамаған шенеунік Нығматулиннен сөз естіді

"Бос сөзді қойып, іске көшіңдер", - деп тапсырды Нығматулин.

869
Кілт сөздер:
Мәдениет және спорт министрлігі, допинг, Ерлан Қожағапанов, Нұрлан Нығматулин
ҰБТ кезінде аудиторияда отырған ата-аналар

Қазақстанда ата-аналар жиналысы өтеді премьер-министр тапсырма берді

6
Білім министрінің айтуынша, ата-аналар мен оқушылар үшін әдістемелік қолдау көрсетудің маңызы жоғары

НҰР-СҰЛТАН, 4 тамыз – Sputnik. Премьер-министр Асқар Мамин республикалық ата-аналар жиналысын өткізуді тапсырды, деп хабарлайды Sputnik Қазақстан тілшісі.

Үкіметтің бүгінгі онлайн отырысында жаңа оқу жылына дайындық мәселелері пысықталды. Осы орайда премьер-министр оқушылар мен мұғалімдердің дайындығына баса назар аудару қажеттігін атап, 25 тамызға дейін барлық дайындық жұмыстарын аяқтауға тапсырма берді. Иинтернет-платформаларда және теледидарда қажетті контент толық көлемде болуы шарт. Ал ата-аналар үшін республикалық жиналыс ұйымдастырылады.

"Оқыту әдістемесін толық пысықтап, 20 тамызға дейін алдағы оқу үрдісі туралы толық ақпарат бере отырып, онлайн режимде республикалық ата-аналар жиналысын ұйымдастыруды тапсырамын", – деді Мамин.

Білім және ғылыми министрі Асхат Аймағамбетовтың айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сынып сағаттары да ұйымдастырылады.

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналыстарын өткізуді жоспарлап отырмыз", – дейді Аймағамбетов.

Оқи отырыңыз: Ата-аналар кірмейді: мектептерде "кезекші сыныптар" қалай жұмыс істейтіні белгілі болды

Оның сөзіне қарағанда, бүгінде алдын ала болжам бойынша биыл интернет мен  теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

6
Кілт сөздер:
ата-аналар жиналысы, білім беру
Тақырып:
Төтенше жағдай және карантин
Тақырып бойынша
Алматылық ата-аналар Сағынтаевқа шағымданамын деп опық жеді
Бейсенбі күні республикалық ата-аналар жиналысы өтеді
Биыл әскери ант қабылдауға ата-аналар қатыса ала ма?
Ата-аналар қашықтан оқудың машақаты туралы айтып берді - видео
Қазақстандық ата-аналар 16 жасқа дейінгі балаларын үйден шықпай-ақ тіркей алады
Мектепке бара жатқан балалар

Аймағамбетов жаңа оқу жылында білім алудың ерекшеліктерін атады

14
(Жаңартылды 11:29 04.08.2020)
Министрдің айтуынша, кезекші сыныптарда 530 мың бала және штаттық түрде ауылдарда 157 мыңнан астам оқушы білім алады деп күтілуде

НҰР-СҰЛТАН, 4 тамыз – Sputnik. Білім және ғылым министрі Асхат Аймағамбетов жаңа оқу жылына дайындық мәселелері туралы баяндады, деп хабарлайды Sputnik Қазақстан тілшісі.

Үкіметтің онлайн отырысында министр эпидемиологиялық жағдайға байланысты жаңа оқу жылы қашықтан оқыту форматында басталатынын еске салды. Осы орайда ол екі ерекшелікті атап өтті.

Біріншіден, шалғайдағы елді мекендерде шағын жинақталған мектепте эпидемиялық ахуал жақсы болған жағдайда оқуды дәстүрлі түрде бастайды. Екіншіден, бастауыш сыныптары үшін ата-аналардың өтініші негізінде қатаң санитарлық талаптарды сақтай отырып, кезекші сыныптар ашылады. Бұл жағдайда балалар тек бір кабинетте және бір мұғаліммен ғана оқиды. Үзілістер әртүрлі уақытта болады. Ал сыныптағы балалардың саны 15 адамнан аспайды. Кезекші топтарға өтініштер электронды түрде қабылданады.

"Сонымен, алдын ала болжам бойынша интернет платформалар мен  теледидар пайдалана отырып, қашықтын оқыту форматында 2,6 миллион оқушы, кезекші сыныптарда 530 мың бала және штаттық түрде ауылдарда 157 мыңнан астам оқушы білім алады деп күтілуде", – деді Аймағамбетов.

Министрдің айтуынша, қосымша білім беру ұйымдарында ата-аналардың өтініші бойынша балалар қашықтан немесе жеке тәртіппен білім алады. Сонымен қатар, бес баладан аспайтын шағын үйірмелерге қатысуға мүмкіндік бар.

Оқи отырыңыз: Білім министрі Аймағамбетов сүйінші жаңалығын бөлісті

14
Кілт сөздер:
білім беру, білім
Тақырып:
Төтенше жағдай және карантин
Тақырып бойынша
Білім күні қалай өтеді – министр жауап берді 
Ата-аналарды мазалаған мәселе білім беру бағдарламасына енгізілуі мүмкін
Министр білім беру жүйесінің кемшілігін атады
Шексіз білім беру: мектеп оқушыларына арналған онлайн-оқыту
Мұғалім білім беру жүйесін сынға алды: Тоқаев мәселенің басын ашуды тапсырды