Азамат Сатыбалды

"Жанымды жегідей жейді" Азамат Сатыбалды ешкімге айтпаған сырымен бөлісті

14342
(Жаңартылды 17:38 25.04.2019)
Танымал актер Азамат Сатыбалды жанын жегідей жеген оймен бөлісті

АЛМАТЫ, 25 сәуір – Sputnik. Танымал актер, Ғабит Мүсірепов атындағы қазақ мемлекеттік академиялық балалар мен жасөспірімдер театрының директоры Азамат Сатыбалды осыған дейін ешкімге айтпаған өміріндегі үлкен өкінішін "Ережесіз әңгіме" бағдарламасына берген сұқбатында айтты.

Актердің айтуынша, кезінде туған ағасы одан 100 мың теңге сұраған. Бірақ ол ағасының өтінішін орындай алмапты. Осы жағдайдан кейін 5 күннен соң Азаматтың ағасы көлік апатынан қайтыс болады.

"Қазір "Туғаным" деген сценарий жазып болып қалдым. Ол бойынша алдағы шілде айында кино түсірмек жоспарым бар. Бұл өмірден алынған оқиға. Онда да менің өзімнің... Жасыратыны жоқ, кезінде туған ағам менен 100 мың теңге сұрады. Бере салуыма болатын еді. Бірақ жақындарымның ақылына құлақ асып, ақшаны бермеп едім. Бірақ ағам 5 күннен соң көлік апатынан көз жұмды. Әлі күнге дейін қатты өкінемін. Бауырымды неге құрметтемедім деген ой әлі күнге дейін мені іштей жегідей жейді", - дейді ол.

Қазіргі адамдарда сенім жоқ...

Осылайша актер өз басындағы трагедияны экранға алып шығу арқылы адамдар бұдан сабақ алып, өмірдің әр сәтін бағалауды үйренсе деп тілек білдіреді. Ал өзінің алғашқы туындысы "Бір сен үшін" мелодрамасын сәтті шыққан фильм деп санайды. Өйткені бұл киноға қатысты көрермендер әлі күнге Азаматқа хат жолдап, алғысын білдіріп жатады екен.

"Ютубтан көреді ғой оны. Көп хат келеді. Өткенде ғана бір хат келді. "Осы фильмді көргеннен кейін әке-шешемнен кешірім сұрадым, күйеуіммен қосылдым, қазір баламыз дүниеге келді" деп рақметін айтып жіберіпті бір келіншек. Өзім де, әу баста, басты мақсатым касса жинау емес, көрерменге ой салу деп едім. Міне, сол мақсатыма жетіп жатырмын, оған қуаныштымын", - дейді ол.

Ал бұл фильмнің сценариін жазуға не түрткі болғанын актер былай деп баяндайды:

"Қазақстан ажырасудан әлемде 17-орын алады екен. Осы статистиканы ұшақта ұшып бара жатқанда оқыдым. Содан ойландым, неге деп. Сөйтсек, бізде қазіргі таңда сенім жоқ екен. Бізде бәрі қазір болуы керек. Ал ертең деген жоқ. Оған сенім жоқ. Қазір үйленсек, қазір үй болуы керек. Қазір көлік мінуің тиіс дегендей. Мысалы, біздің театрдың актері Бекжан Тұрыс 16 жыл жатақханада тұрған. Қазір ешкім 16 жыл күтпейді, ажырасып кетеді. Шыдамайды. Осы проблема қатты толғандырып, "Бір сен үшін" деген мелодраманы жаздым".

Әйел тәрбиесі

Азамат Сатыбалды өмірінде қоқыс шығарып, банкке барып пәтерақы төлеп көрмеген қазақ екенін айтады.

Тағы оқыңыз: Танымал әншілер неге ажырасқандары туралы айтты

"Оны айтасыз, менің дүкенге кірмегеніме 18 жыл боп қалды. Азық-түлік, киім-кешек түгілі нанның бағасы қазір қанша екенін білмеймін. Өйткені жұмысым да қауырт бір жағынан, бірақ, әу бастан, әке-шешем, бауырларым, әйелім үй шаруашылығына мені жолатпауды жөн көрген. Менің уақытымды бағалағаны үшін оларға алғысым шексіз", - дейді ол.

Актердің әйелі де театрда жұмыс істейді. Әрине, көшбасшылық қабілеті де бар. Бірақ ол алдыға ұмсынып, рөлдерге таласпайды екен.

"Назгүл өнерде маған жолын берген адам. Мен де әйелімнің ерімен жағаласып, қатар жүргенін қаламадым. Бірақ ол бұл шешімді саналы түрде өзі қабылдады. Ол көп уақытын жұмысынан гөрі, отбасыға, бала тәрбиесіне арнауды жөн деп тапқан", - дейді актер бұл ретте.

Бала тәрбиесі

Актер өзінің ер жетіп қалған ұлы Сұлтанды шоу-бизнестегі іс-шараларда үнемі бірге ертіп жүреді. Соған қарап әкесі баласын да актерлікке дайындап жүрген жоқ па деген сөздер де шыққан ел арасында. Актер мұны сұқбатында жоққа шығарды. Ол баласын қасынан бір елі тастамауының басты себебі тәрбие екенін баса айтты.

Тағы оқыңыз: Мақпал Жүнісованың шетелге кеткелі жүргені рас па?

"Исламда Пайғамбарымыздың насихатының 90 проценті амалы болған, 10-ақ проценті сөз болған дейді. Балаға қалай тәрбие береміз, егер балаңыз сізді көрмесе. Сондықтан мен өмір сүру арқылы балама жол көрсетемін. Сол үшін қайда барсам да баламды қасымнан бір елі тастамаймын.
Ертең үлкен өмірге араласқан кезде, сүрініп кетсе, қайта тұрып жүгіріп кететіндей мінезі, дүниетанымы, көзқарасы, азаматтық ұстанымы болуы керек. Тәрбиені осы бағытта береміз оған", - дейді ол.

Актер бала тәрбиесіне аса мән беретіндігі сонша оның алдында қалай сөйлеу керектігіне дейін өзіне есеп беретінін айтады.

"Қалай темекі шегіп тұрып, балаңа оны шекпе деп айтасың? Қалай аузыңа арақ алып тұрып, ішпе деп айтасың? Ондайда ол сөз сенімсіз шығады. Сондықтан өзім мұндай дүниелерден аулақпын, балам үнемі қасымда, жігіттермен сөйлессем де қасымда. Көрсін деймін, құлағына құя берсін деймін. Үлкен өмірдің қандай екенін. Бала әкесіне қарап өседі. Мен де әкеме қарап өстім. Әкемнің ішкенін, шеккенін, анаммен ұрысқанын көрген емеспін", - дейді актер.

Тағы оқыңыз: Динара Сәтжан тоқал туралы әңгімеге нүкте қойды

14342
Тақырып бойынша
Бағдат Сәмидинова "халтурщик" әншілер деп кімдерді айтты?
"Дардай атыңызға сын": Асхат Садырбай Ләйлә Сұлтанқызының бағдарламасын жабуды талап етті
Әсел Сәдуақасова төсектес болуды сұраған беделді адам туралы айтты
Қазақстандық жұлдызды жұптардың махаббат хикаясы - фото
"Жұрт олардан жалықты" Асхат Садырбай экраннан түспейтін әншілер туралы айтты
Мақпал Жүнісова жұрттың кредитін жауып жүргенін айтты
Зертхана қызметкері, архивтегі фото

Мәскеу дәрігерлері коронавируспен күресу үшін Қазақстанға келе жатыр

147
Топ құрамында Мәскеудің жетекші ауруханаларының 22 медициналық қызметкері бар, олар коронавирус жұқтырған науқастарды емдеп, бай тәжірибе жинақтаған

НҰР-СҰЛТАН, 6 шілде – Sputnik. Тәжірибелі мәскеулік дәрігерлер тобы Қазақстанға ұшып шықты. Дәрігерлер қазақстандық әріптестеріне көмектесуге дайын.

"22 дәрігерден құралған бригада COVID-19 науқастарын емдеуде жергілікті мамандарға көмек көрсету үшін Қазақстанға аттанды. Мультидисциплинарлы медициналық топты Мәскеу денсаулық сақтау департаменті бастығының орынбасары, нейрохирург Алексей Токарев және Мәскеу денсаулық сақтау департаментінің хирургия жөніндегі ұйымдастыру-әдістемелік бөлімінің басшысы Руслан Маер басқарады", - делінген Мәскеу денсаулық сақтау департаментінің хабарламасында.

Бұл Мәскеу денсаулық сақтау департаменті дәрігерлерінің коронавируспен күресуге көмектесу мақсатындағы алғашқы мемлекетаралық медициналық сапары.

Оқи отырыңыз: Қазақстанда коронавирусқа қарсы вакцина бірінші кезекте кімдерге егіледі 

Топ құрамына пульмонолог, кардиолог, эпидемиолог, КТ рентгенологы, жұқпалы аурулар жөніндегі мамандар, анестезиолог-реаниматологтар, КТ рентгенолог дәрігер және коронавируспен ауырған науқастарды емдеуде бай тәжірибесі бар басқа да мамандар кірген. Бұл мәскеулік жетекші ауруханалардың дәрігерлері.

"Мәскеулік мамандар жергілікті ауруханалардың дәрігерлеріне консультативті-диагностикалық көмек көрсетеді. Бригада COVID ауруханаларына барады, клиникаларды қайта бейіндеуге көмектеседі, пациенттерге қарайды және әртүрлі мамандықтағы дәрігерлер үшін оқу семинарларын өткізеді", - деп атап өтті баспасөз қызметі.

Еске сала кетейік, таяуда Қазақстан премьер-министрі Асқар Мамин Ресей үкімет басшысы Михаил Мишустинмен телефон арқылы сөйлесті, оның барысында Ресей Қазақстанға жұқпалы аурулар ауруханалары мен вирусологиялық зертханалар мамандарын жіберуге дайын екендігі белгілі болды.  

147
Кілт сөздер:
дәрігерлер, коронавирус
Тақырып:
Коронавирус эпидемиясы
Тақырып бойынша
Грузиядан Қазақстанға гуманитарлық көмек келді
5 шілдеден карантин басталады: ішкі істер министрі ескерту жасады
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды
Пневмония эпидемиясы: коронавирус қайда кетті?
Жедел жәрдем көлігі

Пневмония эпидемиясы: коронавирус қайда кетті?

759
(Жаңартылды 22:55 06.07.2020)
Биыл маусымда пневмонияға шалдыққан 32 724 науқас тіркелді. Өткен жылы тура осы айда небәрі 7 964 пациент болған

НҰР-СҰЛТАН, 6  шілде – Sputnik. Әлемде коронавирус пандемиясы басталған кезде инфекция күн көзіне шыдамайды, ультракүлгін сәулелер оны күйдіріп тастайды, сондықтан жаз шыққанда вирус азаяды деген нақты болжам болған. Алайда маусымда науқастардың саны күрт өсті. Пневмония өршіп кетті. Бұл коронавирус инфекциясының негізгі симптомы болып саналса да, тестен COVID-19 шығып жатқан жоқ. Бүгінде пневмониядан қайтыс болғандардың саны коронавирус құрбандарынан екі есеге асып түсті. Sputnik Қазақстан тілшісі қазіргі пневмония мен коронавирус арасында байланыс бар-жоғын анықтап, вирустың генетикалық мутациясы мен оны емдеу шараларының қалайша өзгергенін зерделеп көрді.

Иә, маусым айында ауруханаға пневмониямен түсетін науқастардың саны күрт көбейді. Нұр-Сұлтанда күн сайын стационарға 600-ге жуық пациент жеткізілді. Науқастарға арналған төсек-орынның 90 проценті толып қалды. Шымкент, Ақтөбе мен Атырау да тура сондай жағдайға тап болды. Ал Алматы қаласының әкімі пневмония эпидемиясын жариялауға мәжбүр болды. Себебі бір айдың ішінде пневмониямен ауыратындардың саны бес есеге артты. Бүгінде спорт кешендері қосымша стационар ретінде қолданыла бастады. Себебі ауруханада орын жоқ.

Оқи отырыңыз: Пневмония коронавирустан басым түсті – қайтыс болғандардың саны екі есе көп 

Дегенмен, пневмониямен түсіп жатқан науқастардың барлығынан COVID-19 шығып жатқан жоқ. Оны жаңадан тағайындалған денсаулық сақтау министрі Алексей Цой да растады. 2 шілде күні өткен баспасөз мәслихатында ол бір тәуліктің ішінде коронавирустан 10, ал пневмониядан 20 адам науқастың көз жұмғанын мәлімдеді. Демек, бүгінде пневмония құрбандарының саны екі есеге көп болып тұр. Олардан коронавирус анықталмаған. Осы орайда тағы бір статистиканы айта кеткен жөн. Министрдің айтуынша, биыл маусым айында пневмонияға шалдыққан 32 724 науқас тіркелді. Өткен жылы тура осы айда небәрі 7 964 пациент болған. Сонда биыл пневмонияға шалдыққандардың саны төрт есеге (!) өсіп отыр.

Әрине, бұл жерде заңды бір сұрақ туындайды. Науқастардан коронавирус табылмаса, пневмонияны қандай вирус қоздырып отыр? Неге тест кезінде COVID-19 шықпайды? Дәл осы пандемия кезінде пневмония жайдан-жай өршіп тұрған жоқ қой? Демек, байланыс бар. Оған қоса, пневмония коронавирус инфекциясының негізгі әрі қауіпті симптомы болып саналады.  

Бас мемлекеттік санитар дәрігері Айжан Есмағамбетова да пневмониямен түсетін науқастардан ПТР-тест алғанда бәрінен бірдей коронавирус шықпайтынын айтқан. Маман оның себебін де түсіндірді.  

"Соңғы кезде пневмониямен түсетін науқастардың тесті теріс нәтиже көрсетіп жатыр. Ондай болады. Себебі коронавирус инфекциясы жоғарғы тыныс алу жолдарынан төменгі тыныс алу жолдарына түседі. Осы кезде ПТР-тест оң нәтиже көрсетпеуі мүмкін", - дейді Есмағамбетова.

Сонда бас санитардың сөзіне қарағанда, коронавирус өкпеге өтіп кеткенде жұтқыншақтан шықпауы да мүмкін. Ал ПТР-тест теріс нәтиже көрсетсе де, адамның ағзасында COVID-19 болады. Содан болар, бүгінде емдеу тәртібіне "коронавирус инфекциясының ықтималдылығы" деген анықтама енгізілген. Бұл дегеніміз, пневмониямен түскен адамның тесті теріс нәтиже көрсетсе де, "коронавирус инфекциясының ықтималдылығы" диагнозы жазылады. Осының арқасында науқас дер кезінде емделеді екен.

Соңғы кезде коронавирус мутациясына қатысты әңгімелер де тарай бастады. Мәселен, денсаулық сақтау министрінің зертханалық қызмет жөніндегі кеңесшісі Жанар Сүлейменова коронавирус инфекциясы генетикалық жағынан өзгеріске ұшырады деп санайды. Соның нәтижесінде бүгінде республика бойынша симтомсыз науқастар жиі анықтала бастады. Індет жеңіл түрде өтетін болған. Алайда қазіргі пневмония эпидемиясын коронавирус қоздырса, инфекция генетикалық жағынан қауіпті мутацияға ұшыраған секілді.

Дүниежүзілік денсаулық сақтау ұйымы да коронавирус мутациясына қатысты өз ұстанымын білдірді. Бас ғылыми қызметкер Сумия Сваминатанның айтуынша, зертханалық зерттеулер кезінде вирустың мутациясы анықталған. Ондайда инфекция жылдам көбейеді және тез таралады екен.

"Жақында зертханада "D614G" деп аталатын ерекше мутация анықталды. Ондайда вирус жылдам көбейеді, оның таралуы да күшейеді", - дейді Сваминатан. Бірақ мутацияға ұшыраған вирустың қаншалықты қауіпті екені белгісіз.

Ал біздегі коронавирустың мутациясы қандай? Ол жағы да белгісіз. Алайда Дүниежүзілік денсаулық сақтау ұйымы Қазақстанды COVID-19 жылдам таралып жатқан мемлекеттердің қатарына қосты.

Айтпақшы, өткен аптада елімізде коронавирус инфекциясын емдеудің клиникалық хаттамасына тағы өзгеріс енгізілді. Енді, жағдайы орташа ауыр науқастарды амбулаториялық деңгейде, яғни, үйде вирусқа қарсы препараттармен емдеп көрмек. Ал ауруханада жатқан науқастардың үш күн ішінде дене қызуы көтерілмесе, компьютерлік томография немесе рентген кезінде өкпеде оң динамика байқалса, ауруханадан ерте шығаруға шешім қабылданды. Пациенттің денсаулығын ары қарай емхана дәрігері бақылайды. Осылайша, ауруханадағы орын тапшылығы шешіледі.

759
Кілт сөздер:
коронавирус, эпидемия
Тақырып:
Коронавирус эпидемиясы
Тақырып бойынша
Маусым айында 628 науқас пневмониядан көз жұмды – бас санитар дәрігер
Министрлік Біртановтың денсаулығына қатысты ақпарат жариялады
ДДҰ әлемде коронавирус жедел тарап жатқанын мәлімдеді
Коронавирусты емдеу тәртібі өзгерді – ауруханалар қалай босатылады
Сағынтаев Алматыдағы пневмония эпидемиясына қатысты мәлімдеме жасады