Өзбекстан қазағы Илгиз Хамитов

"Төмендету бар сияқты": атамекеніне алғаш рет келген Өзбекстан қазағының әңгімесі

3471
Илгиз Хамитовтың айтуынша, Өзбекстандағы қазақтардың тұрмысы жақсы, түрлі шаруашылықпен айналысады

НҰР-СҰЛТАН, 27 сәуір – Sputnik. Елордада тарихи отанына оралған, әрі шетелде тұратын қазақтар арасында шағын футболдан халықаралық турнир өтуде. Осы орайда Sputnik Қазақстан тілшісі тарихи отанына алғаш рет келген Өзбекстан қазағы Илгиз Хамитовпен сұқбаттасты.

26 жастағы Илгиз Хамитов Өзбекстанда туып өскен. Ол Нұр-Сұлтан қаласында өтіп жатқан ала доп бәсекесіне өз командасымен келіпті. Мақсаты – халықаралық турнирде жеңіске жету.

Тағы оқыңыз: Өзбекстандағы шенді қазақ Құдайбергенов туралы не білеміз?

Әңгіме барысында ол өзбек елінде білім алғанын, бүгінде Науаи облысындағы кәсіпорындардың бірінде тер төгіп жүргенін айтты.

"Науаи облысындағы Заварбат деген елді мекенде тұрамын. Облыс Ташкент қаласынан 500 шақырым жерде орналасқан. Мен "Рупият" зауытында слесарь болып жұмыс істеймін, - дейді ол.

Сонымен қатар қазақ жігіті жат елде сүйікті кәсібімен шұғылданып жүргенін атап өтті.

"Әрине, өз мамандығымды жақсы көремін, ұялмаймын. Қазақстанда бұл мамандыққа басқаша көзқарас бар екенін естігемін, төмендету бар сияқты", - деп Илгиз Хамитов ағынан жарылды.

Тағы оқыңыз: Әке-шешем атажұрты туралы жылап отырып айтады - Түркиядағы қазақ

Сұқбат барысында ол Науаи облысындағы қазақтар түрлі кәсіппен шұғылданатынын, тұрмыстары жақсы екенін айтты.

"Науаи облысында қанша қазақ түтіні бар екенін білмеймін. Бірақ онда қазақтар көп. Олардың тұрмыстары жақсы, әртүрлі кәсіппен шұғылданады: бизнес, мал, егін шаруашылығы деген сияқты. Құдайға шүкір, мұнда барлығы жақсы", - деді Өзбекстандағы қазақ жігіті.

Әңгіме барысында Илгиз Хамитов Қазақстанға алғаш рет келгенін, жақсы әсер алғанын атап өтті.

"Қазақ еліне бірінші рет келіп тұрмын. Нұр-Сұлтан қаласын араладым. Мұнда көркі көз тартар әсем ғимараттар көп екен. Барлығы ұнады. Осында оқығым келеді. Ниет бар", - деп түйіндеді сөзін ол.

Тағы оқыңыз: Қытайдағы үйін сатуға кеткен қандасымыздың басы бәлеге қалды

Айта кетейік, Нұр-Сұлтан қаласындағы Жас-Батыр спорт кешенінде шағын футболдан халықаралық турнир өтіп жатыр. Оған Моңғолия, Қытай, Өзбекстан, Түркия, Ауғанстан, Иран, Ресей, Қырғызстан елдерімен қатар Нұр-Сұлтан, Алматы, Шымкент қалаларынан және өзге облыстардан 24 команда қатысып жатыр. Жарыс ертең аяқталады. Спорттық шараның жүлде қоры – 3 миллион теңге.

3471
Кілт сөздер:
шетелдегі қазақтар, Өзбекстан
Ирина Смирнова

Мәжіліс депутаты ерікті атанды: Смирнова жаңа қызметі туралы айтты

19
(Жаңартылды 14:32 04.07.2020)
Ерікті депутаттың атсалысуымен өткен келіссөзден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді

НҰР-СҰЛТАН, 4 шілде – Sputnik. Алматыда әскери далалық госпиталь құрылып, "Халық Аренада" жұмыс істеуге медицина қызметкерлерін қабылдауда. Бұл туралы парламент мәжілісінің депутаты Ирина Смирнова айтты, деп хабарлайды Sputnik Қазақстан.

Депутат ел парламенті демалысқа шыққан соң, Алматы қалалық денсаулық сақтау басқармасына ерікті ретінде тіркелген.

Алматыда жаңа ауруханалар құрылуда

Коронавируспен күреске Алматыдағы "Қазақстан", "Көктем" шипажайы мен теміржол ауруханасы да жұмылдырылды.

"Қазіргі кезде "Халық Аренада" 1 000 төсек-орын дайындалып жатыр. Бірақ медициналық қызметкерлер жоқ. Ал қалалық денсаулық сақтау басқармасына көмек сұраған 700 медициналық қызметкердің резюмесі түскен. Солардың ішінен жаңа медициналық мекеме ұжымы құрылады", - деді Смирнова.

Оның айтуынша, азаматтар науқастарды емдеп, оларға көмектескісі келеді.

Сонымен қатар жабдықтар сатып алынып, жаңа аурухана керек-жарақпен қамтамасыз етілуде.

"Жақын жерде әскери дала ауруханасы да болады. Денсаулық сақтау басқармасы жедел жәрдем машиналарын сатып алуда", - дейді Смирнова.

Дәріханадағы кезек пен дәрі-дәрмек тапшылығы туралы

Дәрілердің жетіспеушілігі туралы мәселе пысықталуда. Қоймаларда дәрі-дәрмектер бар екендігі белгілі болды, бірақ олар дәріханаларға уақытылы жіберілмейді.

"Мәселені сыбайлас жемқорлыққа қарсы іс-қимыл агенттігі зерттеп жатыр. Меніңше, егер осындай жағдайды пайдаланып байып қалғысы келгендер болса, азаматтардың өмірін аямайтын ондай кәсіпкерлерді айдап салу керек. Ондайлар сөзсіз жазалануы керек", - деді депутат.

Ерікті депутат Смирнова немен айналысады

Ирина Смирнова өзінің еріктілік қызметі туралы да айтты.

"Мен өзімнің достарым және құрбыларыммен бірге жұмысқа барғысы келетін еріктілердің тізіміне жауап беремін. Олардың бәріне қоңырау шалып, сөйлесіп, шақыру керек. Қай учаскеге баратынын түсіндіру қажет", - деп түсіндірді ол.

Оқи отырыңыз: "Тест нәтижесін көрсету керек": алматылық ерікті сұхбат берді

Демеушілер іздестіру жұмыстары да жалғасуда.

"Мәселен, кешегі келіссөздерден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді. Бұл денсаулық сақтауды қолдау үшін жасайтын жұмыстарының аз ғана бөлігі", - деп атап өтті Смирнова.

19
Кілт сөздер:
Ирина Смирнова, коронавирус
Тақырып:
Коронавирус эпидемиясы
Тақырып бойынша
Министрліктің індетке қарсы әрекетін сынға алған депутат ұсыныс білдірді
Смирнова: миллиондаған қазақстандық банктердің кесірінен зардап шекті
Ерікті әйел кәріз құдығына құлап кетіп, жоғалған баланы тауып алды
Қазақтың шахматшы қызы ЮНИСЕФ-тің ерікті елшісі болады
Министрлік ерікті студенттерге сағатына 1000 теңге төлеуді жоспарлап отыр
Ұшақ салонында отырған қыз

Комитет Түркиядағы қазақстандық туристердің елге қалай жеткізілетінін түсіндірді

37
(Жаңартылды 13:29 04.07.2020)
Қазақстанда жаңа шектеу шараларының енгізілуіне байланысты Түркия отандастарымыздың елге кіруіне шектеу қойды

НҰР-СҰЛТАН, 4 шілде – Sputnik. Түркия шипажайларында демалыста жүрген Қазақстан азаматтары тез арада елге жеткізіледі, деп мәлімдеді азаматтық авиация комитетінің төрағасы Талғат Ластаев.

Карантин шаралары қатаңдатылғаннан кейін, ведомствоаралық комиссияның алдын-ала мақұлданған шешіміне сәйкес халықаралық рейстер орындалады.

Бүгінгі таңда халықаралық рейстер – Түркия мен Оңтүстік Корея бағытында жүзеге асырылады. Алайда, қазақстандықтардың Түркияға кіруі уақытша шектелді.

"Біз бүгіннен бастап Түркияда тұруға және жұмыс істеуге рұқсаты бар азаматтардан басқа, Қазақстан азаматтарының кіруіне шектеу қойылғандығы туралы ресми хабарлама алдық. Ал қалған азаматтарға кіру мүмкіндігі шектеулі", - деді Ластаев.

Қазақстан әуе компаниялары арқылы жүзеге асырылатын бұл рейстер Түркияға барған жолаушыларды елге жеткізеді.

"Әуекомпания тарапынан барлық міндеттемелер орындалатындықтан, осы күндері Түркияда жүрген жолаушылар түгел тасымалданады", - деп сендірді Ластаев.

Ол рейстердің Түркиядан бір бағытта және ең аз жүктемемен орындалуы авиакомпаниялар үшін ауыртпалық болатынын атап өтті.

"Билет сатып алған жолаушылардың шығындары талапқа сай толығымен қайтарылады немесе тоқтатылған рейстердің өтемақысы ретінде басқа да нұсқалар ұсынылатын болады", - деп толықтырды Ластаев.

Оқи отырыңыз: Карантиннің қиындығы: шекараның екі жағында қалып қойғандардың әңгімесі

Айта кетейік, қазіргі уақытта барлық рейстер бас санитар дәрігердің бұйрығына сәйкес қатаң түрде санитарлық қауіпсіздік шараларын сақтай отырып орындалуда.

37
Кілт сөздер:
Түркия, туристер
Тақырып:
Төтенше жағдай және карантин
Тақырып бойынша
Бұғы мүйізімен емдеу: Қатонқарағайдағы марал шаруашылығы қолдауға зәру
Мысырда туристер мінген әуе шары құлады
"Бізге сын": Тоқаев жаңа тапсырмалар берді
Қазақстандық туристер шетелде ұятқа қалды
Шетелдік туристер Мәскеу туралы не ойлайтынын айтты