Торегали Тореали

Төреғали еліміздің Бас мүфтиіне ұлының атын азан шақыртып қойдыртты - видео

2178
(Жаңартылды 20:26 30.04.2019)
Әнші Төреғали Төреәлі наурыз айының басында ұлды болған еді

АЛМАТЫ, 30 сәуір – Sputnik. Әнші Төреғали Төрәлі үш қыздан кейін көрген ұлына еліміздің Бас мүфтиі Серікбай Ораз қажыны арнайы алдыртып, мұсылманша азан шақыртып есімін қойды.

Мұсылманша ат қою рәсімінің видеосын әнші инстаграмдағы парақшасында жариялады.

Видеода Бас муфти әншінің әкесінің қолындағы баланың құлағына "Сенің атын ТөреНұр!" деп үш рет айқайлады.

Посмотреть эту публикацию в Instagram

Публикация от Төреғали Төреәлi (@toregalitoreali)

"Бас мүфти Хазірет Серікбай қажы Сатыбалдыұлына Алла разы болсын! Сізді қазақ елі құрметтейді", - деп жазды әнші видеоның астына.

Сондай-ақ ол бұл видеоға ұлына арнаған әнін де қосақтапты.

"Үміт еткен көзімнің нұры-бағым,

Бұл әніме Ыбырайдың жырын алам.

Ат ұстар тілеп едім құбыладан,

Нұры боп түсіп қалдың-ау шұғыладан,

Айналайын, ұлым, менің ТөреНұрым.

Өзіңменен мақтанса екен, шіркін мына ұлы Далам", - деп жырлайды Төреғали Төреәлі.

Тағы оқыңыз: Төреғали өзінің тірі екенін дәлелдеуге мәжбүр болды

Айта кетсек, әнші наурыз айының басында ұлды болды. Есімін ТөреНұр деп қойғандарын да айтқан. Оның Томирис, Тоғжан және Фатима есімді үш қызы бар. Ал әйелінің есімі – Толқын. Ол Алматы облысы, Райымбек ауданының тумасы.

2178
Кілт сөздер:
Бас мүфти Серікбай қажы Ораз, Төреғали Төреәлі
Тақырып бойынша
Төреғали Төреәлінің төртінші перзенті дүниеге келді
"Музарт" тобының әндері қатты ұнайды" Алты бірдей аспапта ойнайтын зағип жігіттің әңгімесі
Төреғали Төреәлі шу туралы: жұрттың тірлігі маған келгенде жаңалық болып кетеді
Төреғали туған күніне қандай тосынсый әзірлеп қойғанын айтты
Әуежайда шу шығарған Төреғали Төреәлі жазаланды
"Сөзім жоқ!": Төреғали сахнаға шыққан балаларды теуіп жіберді - видео
Архивтегі фото

Коронавирусқа қарсы қазақстандық вакцинаны кімдер салдырды?

101
COVID-19 індетіне қарсы қазақстандық вакцинаны ерікті түрде өздеріне салдырған ғалымдар жұмысын жалғастырып жатыр

НҰР-СҰЛТАН, 8 тамыз – Sputnik. COVID-19-ға қарсы қазақстандық вакцинаны әзірлеуші жеті ғалым вируспен жұмыс істеген кезде қауіпсіздікті қамтамасыз ету үшін вакцинаны ерікті түрде өздеріне салдырды, деп хабарлады білім және ғылым министрлігінің баспасөз қызметі.  

Вакцина БҒМ ғылым комитетінің Биологиялық қауіпсіздік мәселелері ғылыми-зерттеу институтында әзірленді.

"Ғалымдардың жағдайы жақсы, олар өз жұмысын жалғастырып жатыр", – деп мәлімдеді институт директоры Күнсұлу Зәкәрия.

Вакцинаны клиникаға дейінгі сынақтан өткізу нәтижелері дәрілік заттарды сараптау жөніндегі Ұлттық орталыққа сараптамалық жұмыстар жүргізу үшін жіберілді.

Қазақстандық вакцина адамдарға қашан сыналады

Сараптамалық жұмыстар шамамен тамыздың ортасында аяқталады. Денсаулық сақтау министрлігінің рұқсатын алғаннан кейін қыркүйек айында Алматы қаласындағы клиника базасында коронавирусқа антидене анықталмаған 18 жастан 50 жасқа дейінгі 44 еріктінің қатысуымен клиникалық сынақтардың бірінші кезеңі басталады деп жоспарланып отыр.

Вакцина салғаннан кейін олар 42 күн бойы бақылауда болады. Қазан айының ортасында клиникалық сынақтардың екінші кезеңін бастау жоспарланып отыр, ол 2020 жылдың желтоқсанында аяқталуы тиіс.

Коронавирустың екінші толқыны: елдің жағдайы не болады?

Кандидаттық вакциналардың клиникалық сынақтары оң нәтиже берген жағдайда Жамбыл облысы Отар кентіндегі Биологиялық қауіпсіздік проблемалары ғылыми-зерттеу институты жанынан салынып жатқан биофармацевтикалық зауыт базасында қазақстандық вакциналар өндірілетін болады.

Зауыт халықаралық стандартқа сай иммунобиологиялық дәрілік препараттарды, оның ішінде қазіргі уақытта қазақстандық ғалымдар клиникаға дейінгі сынақтарымен айналысып жатқан COVID-19-ға қарсы вакциналарды шығарады.

Еске сала кетейік, қазақстандық ғылыми-зерттеу институтының коронавирус инфекциясына қарсы екі кандидаттық вакцинасы Дүниежүзілік денсаулық сақтау ұйымының тізіміне енгізіліп, клиникаға дейінгі сынақтардан сәтті өтіп жатыр. COVID-19-ға қарсы екінші вакцина ДДСҰ сайтында 31 шілдеде кандидат ретінде тіркелген.

101
Кілт сөздер:
коронавирус, екпе
Тақырып:
Коронавирус эпидемиясы
Тақырып бойынша
Коронавирусқа қарсы жаппай егу қашан басталуы мүмкін – ғалым пікірі
Бекшин тұмауға шалдыққан науқас коронавирус жұқтырса не болатынын айтты
Мамин: Қазақстан коронавирусқа қарсы вакцинаны алғашқылардың бірі болып алудан үмітті  
Қазақстанда алғашқы адамға коронавирусқа қарсы вакцина салынды
Архивтегі фото

Қазақстанда Өзбекстаннан қара өрік алып келуге тыйым салынды

1538
(Жаңартылды 10:45 08.08.2020)
Бір аптаның ішінде өсімдіктер карантині саласындағы заңнама 18 рет бұзылған, қара өріктен үш рет Шығыс көбелегі, бір рет Комсток құрттары табылды

НҰР-СҰЛТАН, 8 тамыз – Sputnik. Қазақстан ауыл шаруашылығы министрлігі АӨК мемлекеттік инспекция комитеті Өзбекстан аумағынан қара өрік әкелуге тыйым салу түрінде уақытша карантиндік фитосанитарлық шаралар енгізді, деп хабарлады АШМ баспасөз қызметі.  

Мұндай шешімге Өзбекстаннан келген қара өрік жемісінен карантиндік объектілердің жиі анықталуы себеп болды.

Сливы, иллюстративное фото
© Sputnik / Томас Тхайцук
Қара өрік

2020 жылдың 24 шілдесінен 1 тамызына дейін өсімдіктер карантині саласындағы заңнама 18 рет бұзылған, оның ішінде 3 жағдайда жемістерде Шығыс көбелегі (Grapholitha tolesta Busck), бір жағдайда Комсток құрттары (Pseudoccus comstocki (Kuwana) табылды.

Оқи отырыңыз: Қазақстанда карантин кезінде шекарадан кімдер өте алатыны белгілі болды 

Шектеу шаралары Қазақстан аумағында қолайлы фитосанитариялық жағдайды қамтамасыз ету мақсатында енгізілді.

Шығыс жемісі қауіпті карантиндік зиянкес саналады. Шабдалы, өрік, алма, нектарин, қара өрік, айва, алмұрт, шие, лавр,  бадамның өсінділері мен жемістеріне 90% дейін зиян келтіруі мүмкін.

Кеміргіш құрт бұтақты кептіріп, жапырақтарды, өсімдік жемістерін сарғайтып жібереді. Жемістің сапасы нашарлай түседі.  

1538
Кілт сөздер:
Өзбекстан, жеміс-жидек
Тақырып бойынша
Коронавирус тамақ арқылы қалай жұғуы мүмкін - маман жауабы
Өмірді ұзартып, қартаюды баяулатады – ғалымдар ерекше жемісті атады
Дәрігерлер мандаринді қай уақытта жеуге болмайтынын айтты
Нұр-Сұлтанда тонналаған түрік анары өртелді
Қандай тағамдар өте қауіпті екені анықталды