Архивтегі фото

Танымал қазақстандық ғалым мемлекеттік опасыздық жасағаны үшін тұтқындалды

3981
(Жаңартылды 08:42 17.05.2019)
19 ақпанда Қытайды зерттеуші ғалым Сыроежкинге қатысты тұтқындау бұлтартпау шарасы таңдалды

НҰР-СҰЛТАН, 17 мамыр — Sputnik. Белгілі қазақстандық Қытайды зерттеуші ғалым Константин Сыроежкин ұсталды.

Президент жанындағы Қазақстан стратегиялық зерттеулер институтының (ҚСЗИ) бас ғылыми қызметкері Сыроежкин мемлекеттік опасыздық туралы қылмыстық іс бойынша тұтқындалды.

Мамыр айының басында БАҚ-та қазақстандық арнайы қызметтер Сыроежкинді, алдын ала болжам бойынша, тыңшылық жасады деген айыппен ұстағаны туралы ақпарат жарияланды.

Қытайға қымбат металл өткізген қылмыстық топтың төрт мүшесі тұтқындалды   

Кейінірек Қазақстанның ғылыми-сараптамалық қоғамдастығының өкілдері ашық хат жазып, бұл ақпарға алаңдаушылық білдірді. Олар биліктен құқық қорғау органдарына Сыроежкинге қатысты жағдайды түсіндіруге тапсырма беруді және егер бұл ақпарат расталса, тергеу барысын жеке бақылауға алуды сұрады.

"2019 жылдың 15 қаңтарында Қазақстан Республикасының ҰҚК 1956 жылы туған азамат Сыроежкин Константин Львовичке қатысты Қылмыстық кодекстің 175-бабының 1-бөлігі "Мемлекеттік опасыздық" бойынша қылмыстық іс қозғады", - деп жазылған Қазақстан Ұлттық қауіпсіздік комитетінің РИА Новостидің сауалына берген жауабында.

Ведомство қазіргі таңда тергеу жұмыстары жүріп жатқанын мәлімдеді.

Қазақстан президенті жанындағы Қазақстан стратегиялық зерттеулер институтының сайтында 62 жастағы Сыроежкин 2006 жылдың басынан бері ҚСЗИ бас ғылыми қызметкері екені хабарланған.

Сыроежкин – көптеген кітаптың, сондай-ақ орыс, ағылшын және қытай тілдеріндегі мыңнан аса мақаланың авторы.

3981
Кілт сөздер:
ҰҚК, ғалым, Қытай
Тақырып бойынша
Жомарт Ертаев Астанаға жеткізілді
Қазақстанда сотталған дөкейлер жазасын қайда өтеп жатыр?
ҰҚК ауруханадан қашып кеткен Тоқмәдидің ұсталғанын хабарлады
Бас прокуратура Әблязов банкирді өлтіруді ұйымдастырды деп есептейді
Қазақстандық бизнесмен Ертаев Ресей азаматтығын сұрады
Архивтегі фото

Коронавирустан бір аптада 28 адам қайтыс болды

7
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

7
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды
Air Astana ұшағы

Қазақстандықтар 26 қыркүйектен бастап Мәскеуге ұша алады

14
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

14
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды