депутат Азат Перуашев

Перуашев жемқорларды елден шығаруға тыйым салуды ұсынды

250
(Жаңартылды 16:06 22.05.2019)
Депутаттар жемқорларға, тіпті жазасын өтесе де, ұрлаған ақшаны толығымен қайтарғанға дейін елден кетуге тыйым салуды ұсынды

НҰР-СҰЛТАН, 22 мамыр – Sputnik. Мәжіліс депутаты Азат Перуашев жемқорлық қылмысы үшін сотталғандарды мерзімінен бұрын босатуға тыйым салуды ұсынды, деп хабарлайды Sputnik Қазақстан тілшісі.

Перуашев депутаттық сауалын премьер-министр мен бас прокурорға жолдады. Депутат сыбайлас жемқорлық қазіргі Қазақстанның басты проблемасы екенін қадап айтты.

Тағы оқыңыз: Тоқаев жемқорлық туралы: мемлекеттік орган басшылары отставкаға кетуі керек

"Global Financial Integrity" халықаралық сарапшыларының мәліметінше, 167 миллиард доллардан астам қаржы Қазақстаннан заңсыз түрде оффшорға шығарылған. Басқаша айтсақ, жемқорлар тәуелсіздік жылдарында ел қазынасына мұнайды сатудан түскен қаражаттан екі есе көп ақшаны ұрлады", - деді ол.
Оның айтуынша, дәл осы себептен қарапайым халықтың тұрмысы жақсармай отыр. Өйткені ЖІӨ-нің көп бөлігі ұрлануда.

Перуашев жуырда Қазақстанға қайтарылған 180 миллион теңге жоғалтқан ақшамен салыстыруға келмейтін нәтиже екенін атап өтті.

"Сондықтан ұрланған ақшаны қайтару ғана емес, заңсыз капиталды шетелге шығаруға тосқауыл қою да маңызды міндетке айналып отыр. Себебі жемқорлар жымқырған ақшаны шетелге жасырып үлгеруге тырысады. Тіпті сотталып жатса да, бір-бір жарым жылдан кейін мерзімінен бұрын босап шығып, шетелге кетіп, сондағы капиталына өмір сүруді ойлап жатады", - деді мәжілімен.

Айтуынша, жемқорлардың мұндай арам пиғылын алғаш болып Батыс елдері әшкерелеген. Осыған байланысты, мәселен, АҚШ-тың бірқатар штатында жемқорлық үшін 10-15 жылға сотталғандарды мерзімінен бұрын босатуға тыйым салынады. Мұндай норма жуырда Беларусьта та қабылданыпты. Ресейдің мемлекеттік думасына да осындай заң жобасы енгізілген екен.

"Тек Қазақстанда ғана қыруар қаржы ұрланып, жымқырылса да, ұзақ мерзімге сотталғандар айғай-шусыз, тыныш қана босатылып жатады", - деді мәжілісмен.

Тағы оқыңыз: Полицейлер мен жемқорлыққа қарсы қызметкерлердің текетіресі немен аяқталды?

Осыған байланысты "Ақ жол" фракциясының депутаттары "ізгілендіруді" желеу етіп жемқорларды мерзімінен бұрын босатуға тыйым салу керек деп санайды.

Бұған қоса, депутаттар сотталған жемқорларға, тіпті жазасын өтесе де, ұрлаған ақшаны толығымен қайтарғанға дейін елден кетуге тыйым салуды ұсынды.

Сонымен қатар, жоғары лауазымды мемлекеттік қызметкерлер, оның ішінде үкімет мүшелері, ұлттық компания басшыларының шетелдегі шоттарына қатысты банк құпиясы принципін алып тастауды тағы бір мәрте ұсынды.

250
Кілт сөздер:
жемқорлық, Азат Перуашев
Тақырып бойынша
380 мың теңге пара алып отырған: Түркістан облысында басқарма басшысы ұсталды
Алматыда аурухананың бас дәрігері қамауға алынды
Депутат 76 миллион теңге пара алды деген күдікпен ұсталды - видео
"Премьерді де жауапқа тарттық" Тоқаев жемқорларды не күтіп тұрғанын айтты – видео
Дәлізде жүрген дәрігерлер

Тоқаевтың тапсырмасы орындалмай жатыр: мәжіліс министрді есеп беруге шақырды

11
Депутаттың айтуынша, Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен

НҰР-СҰЛТАН, 23 қыркүйек – Sputnik. Денсаулық сақтау министрі Алексей Цой мәжіліс депутаттарына президенттің коронавирус жұқтырған медицина қызметкерлеріне төлем төлеу туралы тапсырмасының орындалуы жөнінде есеп береді, деп хабарлайды Sputnik Қазақстан тілшісі.

Мәжілісмен Зәуреш Аманжолова үкімет басшысына жолдаған депутаттық сауалында коронавирус жұқтырған медицина қызметкерлеріне төлемнің уақытылы төленбеу мәселесін қозғады.

Депутат денсаулық сақтау министрлігінің деректерін келтірді. Оған сүйенсек, 22 қыркүйектегі жағдай бойынша Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен, бұл ауырғандардың жалпы санының 19%-ін ғана құрайды. Ал біржолғы әлеуметтік төлем тек 1 830 адамға немесе вирус жұқтырғандардың 14,3%-не төленген.

"Коронавирустан қайтыс болған дәрігерлердің отбасына өтемақы төлеу жұмысы мүлде нашар. Бүгінге дейін індеттен 197 медицина қызметкері көз жұмса, денсаулық сақтау министрлігінен төлемге тек 38 өтініш қана түскен. Ал өтемақыны алғандар саны небәрі – 25 немесе марқұм болғандардың жалпы санының 12,7%-і", – деді Аманжолова.

Оның айтуынша, министрлік қызметкерлерінің баяулығынан президенттің тапсырмасы дер кезінде орындалмай жатыр.

"Денсаулық сақтау және еңбек министрліктері өзара іс-қимыл алгоритімін уақытылы пысықтамаған. Салдарынан осындай проблемалар туындап отыр. Осы айтылғандарды ескеріп, сізден бұл мәселені жеке бақылауға алуды сұраймыз", – деді депутат.

Мәжіліс төрағасы Нұрлан Нығматулин жақын арада денсаулық сақтау министрі Алексей Цой осы мәселе бойынша мәжіліске шақырылатынын айтты.

"Келіп есеп берсін. Президенттің тікелей тапсырмасы жарты жыл бойы орындалмай жатыр. Бұған не себеп? Медицина қызметкерлері алғы шепте жүрді, қиын жағдайда жұмыс істеді. Біреулерінің денсаулығы сыр берді, енді бірі қайтыс болды. Ал тапсырма әлі орындалған жоқ. Таяуда Nur Otan фракциясы министрді шақырып, осы мәселені қарастырады", – деді спикер.

Оқи отырыңыз: 51 медицина қызметкері COVID-тан көз жұмды – 10 млн теңге қалай беріледі 

Еске сала кетсек, мемлекет басшысы 30 наурызда COVID-19 жұқтырған дәрігерлерге 2 миллион теңге, ал қайтыс болған жағдайда отбасына 10 миллион теңге өтемақы төлеуді тапсырды.

Президенттің тапсырмасын орындау үшін 9 сәуірде еңбек және халықты әлеуметтік қорғау министрлігі мен денсаулық сақтау министрлігінің Мемлекеттік әлеуметтік сақтандыру қорынан біржолғы төлем төлеу тәртібі туралы бірлескен бұйрығы шықты.

11
Кілт сөздер:
сақтандыру өтемақысы, өтемақы, коронавирус
Тақырып:
Коронавирус эпидемиясы
Тақырып бойынша
Дәрігерлерге тиесілі үстемеақы төлеу кезінде қателік жіберілді
Еңбек министрлігі төлемдерге қатысты ақпарат берді
Төтенше жағдайда қашықтан жұмыс істейтін қызметкерлердің жалақысы қалай төленеді
Індет жұқтырған 1 364 медицина қызметкеріне өтемақы төленді – министрлік
Солтүстік Қазақстанда ауру өршіп тұр: бір тәулікте 180 мың құс қырылып қалды
Күш қолдану, иллюстративті фото

Әйелін ұрып-соғатын ер адамдар отбасын бір айы бойы көрмеуі мүмкін

169
(Жаңартылды 12:44 23.09.2020)
Алексей Калайчиди қорғау ұйғарымын орындамағандар әкімшілік жауапкершілікке тартылатынын айтады

НҰР-СҰЛТАН, 23 қыркүйек – Sputnik. Мәжіліс депутаттары тұрмыстық зорлық-зомбылыққа баратын адамдарға жақындарымен кездесуге 30 күнге тыйым салуды ұсынып отыр. Бір айға берілетін қорғау ұйғарымын шығару туралы шешімді учаскелік полицей өз бетінше қабылдайды, деп хабарлайды Sputnik Қазақстан тілшісі.

Бүгін мәжілістің жалпы отырысында "Отбасылық-тұрмыстық зорлық-зомбылыққа қарсы іс-қимыл туралы" заң жобасы бірінші оқылымда қаралды.

Депутаттар отбасында зорлық-зомбылыққа ұшыраған жәбірленушілерді қорғауды күшейту үшін полицейлердің қорғау ұйғарымын шығаруға қатысты өкілеттігін кеңейтуді ұсынып отыр. Тұрмыстық зорлық-зомбылық жасағандарға жәбірленушімен және балалармен сөйлесуге, кездесуге және оларды аңдуға 30 күнге тыйым салынады.

Ішкі істер министрінің орынбасары Алексей Калайчиди бұл тетіктің қалай жүзеге асатынын түсіндірді. Айтуынша, енді отбасылық-тұрмыстық зорлық-зомбылық фактісі орын алған жағдайда, қорғау ұйғарымын шығару туралы шешімді жәбірленуші емес, учаскелік полицей қабылдайды.

Оқиға орнына келген учаскелік полицей құқықбұзушыдан бастап, отбасы мүшелерінен, көршілерден жауап алады. Содан соң білім, денсаулық сақтау органдарымен бірлесіп, жәбірленушілердің психикалық жағдайы зерделенеді.

"Бізде білім, денсаулық сақтау және ішкі істер министрлігі арасында қол қойылған бірлескен бұйрық бар. Ол жерде тұрмыстық зорлық-зомбылықтың түрлі бағыттары бойынша критерийлер айқындалған. Учаскелік полицей соған сүйеніп қорғау ұйғарымын шығару туралы шешім қабылдайды", – деп түсіндірді Калайчиди.

Ол қорғау ұйғарымы 30 тәулікке берілетінін атап өтті. Ұйғарым бойынша құқықбұзушыға бір ай бойы ішімдік ішуге, тұрмыстық зорлық-зомбылық жасауға, жәбірленушілерге жақындауға және оларды аңдуға тыйым салынады.

Калайчиди қорғау ұйғарымын орындамағаны үшін Әкімшілік құқықбұзушылық кодексінің 461-бабы бойынша жауапкершілік қарастырылғанын айтты. Оған сәйкес, ішкі істер органы шығарған қорғау ұйғарымын бұзғандарға ескерту жасалады немесе 5 тәулікке дейін әкімшілік қамаққа алынады.

Оқи отырыңыз: "Масқара": министр Тұрғымбаев түрмеде зорлық-зомбылық жасалғанын растады

Ішкі істер министрлігі келтірген статистикаға сүйенсек, осы жылдың 8 айы ішінде тұрмыстық зорлық-зомбылық фактісі бойынша 130 мың арыз түскен. Нәтижесінде 2,5 мың қылмыстық іс қозғалды, оның 30 мыңы – әкімшілік өндіріс. Ал қалғандары бойынша жәбірленушілер арыз-шағымын кері қайтарып алған.

169
Кілт сөздер:
заң, зорлық-зомбылық, Ішкі істер министрлігі
Тақырып бойынша
Әйелді есінен танғанша ұрған: Нұр-Сұлтан полициясы видеоға түсініктеме берді
Көліктен алып шығып, ұрған: фабрика бастығы дегеніне көнбеген жұмысшы әйелді өлтірді
Науқасты ұрған дәрігер, тақырбас қалыңдық және биші мұғалім: желіні "жарған" видеолар
Батыс Қазақстанда оқушыны ұрған мектеп директорына айыппұл салынды
Қазақстанда ата-ананың баласына қол көтеруін зорлық-зомбылық көрсетумен теңестіру ұсынылды