Түрме

Алматыда "Әлиев" ұйымдасқан қылмыстық тобы сотталды

1361
(Жаңартылды 14:05 23.05.2019)
Топ мүшелері адам ұрлау, тонау, қару-жарақ пен жарылғыш заттарды заңсыз сатып алу фактілері үшін жазаға тартылды

НҰР-СҰЛТАН, 23 мамыр – Sputnik. Алматы қаласының соты "Әлиев" ұйымдасқан қылмыстық тобының мүшелеріне қатысты үкім шығарды, деп хабарлайды Sputnik Қазақстан тілшісі Ұлттық қауіпсіздік комитетінің баспасөз қызметіне сілтеме жасап.

Ресми мәліметке сәйкес, 15 мамырда Алматының қылмыстық істер бойынша мамандандырылған ауданаралық соты "Әлиев" тобының жетекшісі Қадыр Әлиевті және оның сыбайластары - Аңсар Дартаев, Дмитрий Терешин мен Ерсен Жұмабаевты 7 жыл және 1 айға бас бостандығынан айыруға шешім қабылдады.

Тағы оқыңыз: Алматы облысында қылмыстық топ құрықталды

"Сотталғандардың төртеуі адам ұрлау, тонау, қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру, билік өкілінің немесе жауапты мемлекеттік қызмет атқаратын лауазымды адамның атағын иемдену фактілері бойынша қылмыс жасағаны үшін кінәлі деп танылды", - делінген ресми хабарламада.

Айта кетсек, өткен жылы 10 қазанда Алматыда ұлттық қауіпсіздік комитеті ішкі істер министрлігімен бірлесіп, Алматы облысының тұрғыны Қадыр Әлиевтің жетекшілігімен жүрген қарулы ұйымдасқан қылмыстық топты құрықтаған болатын.

Топтың негізін бұрынғы құқық қорғау органдарының қызметкерлері құраған. Олар 2018 жылы 13 қыркүйекте Жамбыл облысындағы Отар станциясында кәсіпкер Агалюллинге қарулы шабуыл жасап, 107 мың доллар, 4 миллион рубль және 23 мың евро иемденіп кеткен.

Тағы оқыңыз: Түркістан облысында жұрттың ұйқысын қашырған қылмыстық топ құрықталды

Тінту кезінде ұсталғандардан 8 қару, 140 бірлік оқ-дәрі, радиостанциялар, автомобильдердің жалған тіркеу нөмірлері, матадан жасалған бетперделер, кісендер және басқа да қарақшылық шабуыл жасауға қажетті құрал тәркіленген болатын. Жедел-тергеу шаралары барысында ұрланған қаражат жәбірленушіге қайтарылды.

1361
Кілт сөздер:
сотталғандар, қылмыстық топ
Тақырып бойынша
Алматыдағы атыс: инкассаторларға жасалған қарулы шабуылдың мән-жайы
Сәтбаев қаласында бес баланың анасын қатыгездікпен өлтіріп кетті
Алматы облысында қылмыстық топ құрықталды
Көліктен қашып шыққан: Түркістан облысында таксисті өлтіріп кетті
Шымкенттіктерді үрейде ұстаған қылмыстық топ арнайы операция кезінде ұсталды
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

25
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

25
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

1011
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

1011
Кілт сөздер:
Қазақстан, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті