Қыз су  ішіп отыр

Ертеңнен бастауға болады: қаза оразасы бар адамдар не істеуі керек?

23715
(Жаңартылды 12:24 11.06.2019)
Рамазан айында кей күндерін қаза етіп алған жандар қаза оразасын 6 маусым, яғни ертеңнен бастап өтей алады

НҰР-СҰЛТАН, 5 маусым – Sputnik. Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза оразасына қатысты жиі қойылатын сауалдарға жауап берді, деп хабарлайды Sputnik Қазақстан тілшісі.

Қаза оразаның уақыты және дұғасы

Медет Құрмашұлының айтуынша, өткен оразадан қарызы қалған адамдар қазасын Ораза айттан кейін, яғни 6 маусымнан бастап өтей берсе болады. Қаза оразаны бөліп те, арасын үзбей ұстауға да болады.

"Қаза оразаны өтеген кезде, Қазақстан мұсылмандары діни басқармасының сайтында тұрған намаз кестесін негізге алған жөн. Таң намазының уақытына дейін ас-суыңызды ішіп, "Рамазан айынан қалған қаза оразаны ұстауға ниет еттім" дейсіз. Ал кеште Шам намазының уақыты кірген сәтте қазақша дұға қылып, аузыңызды аша берсеңіз болады", - деп түсіндірді ҚМДБ маманы.

Қаза оразаны қай уақытқа дейін өтеген дұрыс?

"Қаза оразаны келесі Рамазан айына дейін ұстап біткен жақсы. Ұзақ созып, жүріп алмай, тездетіп құтылған абзал", - дейді Медет Құрмашұлы.

Тағы оқыңыз: Қасиетті Рамазан айында туған балаға қандай есім қоюға болады?

Ол өткен оразадан қалған қарызды өтеу міндетті болып саналатынын қадап айтты.

"Қаза ораза адамның мойнында қарыз болып тұрады, сондықтан өтеген абзал. Ал өтемесе күнә болады", - деді ҚМДБ өкілі.

Қаза оразасы бар адам қайтыс болып кетсе, не болады?

Медет Құрмашұлының айтуынша, егер адам Рамазан айының оразасынан қалған қарызын өтеп үлгермей бақилық болса, онда марқұмның туысқандары қаза күндеріне фидия төлейді.

"Егер адам белгілі бір себептермен оразасын өтей алмай қалса, ұстамаған әр күнінде бір кедейді таңертең және кешке тамақтандыруы шарт. Яғни, жағдайы жоқ, мұқтаж жандарға таңертең және кешке тамақ ішетіндей ақша береді. Біз оның мөлшерін есептеп шығардық, бұл шамамен 1500 теңге", - деді ол.

Егер марқұм өсиет етіп кетсе, онда туыстары фидияны артында қалған дүниесінен береді. Ал өсиет етпесе, қаза оразаға фидия төлеп-төлемеу – туған-туысқандарының ықтияры, бірақ бергені дұрыс саналады.

Қаза ораза мен нәпіл оразаны қатар ұстауға болмайды

Мұсылман жыл санауы бойынша Рамазан айынан кейін Шәууәл айы басталады.

"Осы айда алты күн ораза ұстау – Пайғамбарымыздың (с.ғ.с.) сүннеті. Пайғамбарымыз (с.ғ.с.) "кімде кім Рамазан айының оразасын ұстап, сосын алты күн Шәууәл айында ауыз бекітсе, ол бір жыл ораза ұстағанның сауабындай сауап алады" деп айтқан. Осыған қарап отырып, Шәууәл айында алты күн ораза ұстау нәпіл болып саналады. Нәпіл ораза ешкімге міндет емес, оны ұстау адамның өз еркінде. Ұстамаса, күнә болмайды", - түсіндірді діни басқарма маманы.

Айтуынша, нәпіл оразаны Шәууәл айының кез келген күнінде ұстауға болады. Бірақ, қаза ораза мен нәпіл оразаны қатар ұстауға тыйым салынған.

"Екі оразаға бірдей қатарынан ниет етілмейді", - деді Медет Құрмашұлы.

23715
Кілт сөздер:
Қазақстан мұсылмандары діни басқармасы, қарыз, ораза айт, Ораза, Рамазан
Тақырып:
Рамазан айы - 2019 (40)
Тақырып бойынша
Рамазан айының он артықшылығы туралы не білесіз?
Рамазан айында ораза ұстауға шамаңыз жетпесе, не істеу керек?
Рамазан - 2019: Ораза кестесі
Рамазан айының соңғы он күнінде не істеу керек?
2019 жылы Рамазан айы мен Құрбан айт қашан басталатыны белгілі болды
Бас мүфти Рамазан айына байланысты халыққа үндеу жасады
Бес жүз теңгеге ауызашар: Діни басқарма ізгі бастаманы қолға алды
Дезинфекция жүргізу

Нұр-Сұлтанда ауқымды дезинфекция жұмыстары жүргізіледі

25
(Жаңартылды 22:05 14.07.2020)
Бас санитар дәрігердің қаулысына орай, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары жұмыс орындарында дезинфекция жүргізуі тиіс

НҰР-СҰЛТАН, 14 шілде – Sputnik. 15 шілде күні Нұр-Сұлтан қаласында халық көп жиналатын орындарда (саябақ, сквер, гүлзар, жағалау және т.б.) ауқымды дезинфекция жүргізіледі, деп хабарлайды қала әкімдігінің баспасөз қызметі.

"Дезинфекция таңғы сағат 6-7-де басталады. Өңдеу кезінде қала тұрғындары адамдар көп жиналатын орындарға бармағаны жөн. Қаланы өңдеуге коммуналдық сала қызметтерімен бірге төтенше жағдайлар жөніндегі департаменттің және мамандандырылған компания қызметкерлері қатысады", - делінген хабарламада.

Дезинфекция жұмыстары жаяу және арнайы машиналардың көмегімен жүргізіледі.

Қалалық бас санитар дәрігердің қаулысына сәйкес, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары да жұмыс орындарында дезинфекция жүргізуі тиіс.

Осы кезге дейін қалада барлығы 20 миллион шаршы метрден астам аумақта дезинфекция жасалды. Дезинфекциялау тұрақты түрде жүргізіледі.

Оқи отырыңыз: Тоқаев дезинфекция жасап жүрген жігітті таныды - видео

Айта кетейік, 5 шілдеден 2 тамызға дейін елімізде шектеу шаралары енгізілді. Қала тұрғындары санитария нормаларды қатаң сақтап, маска тағып, антисептик қолданып, әлеуметтік қашықтық сақтауы қажет.

25
Кілт сөздер:
Нұр-Сұлтан, тазалық
Тақырып:
Төтенше жағдай және карантин
Тақырып бойынша
Жұртты дүрліктірген видеодағы тікұшақтардың не істеп жүргені белгілі болды  
Арыста дезинфекция жұмыстары басталды
Алматыда қоғамдық көлік уақытша тоқтатылды
Елордада дезинфекция шаралары қалай жасалды – видео
Нұр-Сұлтанда демалыс күндері ауқымды дезинфекция жұмыстары жүргізіледі
Су жағасындағы іздестіру жұмысы

Жүгіруге шығып, жоғалып кетті: Ақмола облысында 14 жасар қыз іздестірілуде

48
(Жаңартылды 22:05 14.07.2020)
Жоғалған қызды отбасы мүшелері өздері күні бойы іздеп, нәтижесіз болған соң полицияға жүгінген

НҰР-СҰЛТАН, 14 шілде – Sputnik. Ақмола облысының Шортанды ауданында 2004 жылы туған қызды іздеуге екі жүзге жуық адам жұмылдырылды, деп хабарлайды Sputnik Қазақстан.

14 жастағы қыздың жоғалып кеткенін құтқарушыларға полицейлер хабарлады.

"2004 жылы туған жасөспірім үйден 12 шілде күні таңғы алтыда белгісіз бағытқа шығып кеткен. Әзірге оның қайда екендігі беймәлім",– делінген Ақмола облысы төтенше жағдайлар жөніндегі департаменттің баспасөз хабарламасында.

Жоғалған қызды отбасы мүшелері өздері күні бойы іздеп, нәтижесіз болған соң полицияға жүгінген.

"Жоғалған қыздың анасы оның Шортанды ауылындағы стадионға таңғы алтыда жүгіруге кеткенін айтты. Қырық минуттан кейін ұялы телефоны сөніп қалған",– дейді Шортанды ауданындағы төтенше жағдайлар жөніндегі бөлімше бастығының міндетін уақытша атқарушы Еламан Әзімбаев.

Оқи отырыңыз: Атырауда үйдің ауласындағы әжетханаға кеткен қыз із-түзсіз жоғалды

Құтқарушылар мен полицейлер, еріктілер мен аудан тұрғындарынан құралған 200-ге жуық адам қызды іздестіруде. Қосымша иісшіл иттер мен сүңгуірлер де жұмылдырылды. Ал олар Көкшетау қаласынан шақырылған.

48
Кілт сөздер:
жасөспірім, із-түзсіз жоғалу
Тақырып бойынша
СҚО-да құрбысының үйінен шығып кеткен студент қыз із-түзсіз жоғалды
Арыстағы жарылыс: қала тұрғынының шкафтағы 2 миллиондай ақшасы жоғалды
Балалардың зәресін алған Мәншүк Мәметованың мүсіні жоғалды
"Инфекция таратуы мүмкін": Алматыда қаңғыбастар ізім-ғайым жоғалды  
Жамбыл облысында қар көшкінінен кейін әскери қызметкерлерді іздестіру аяқталды