Эльмира Суханбердиева

Білім вице-министрі Эльмира Суханбердиева қамауға алынды

7143
Вице-министрге қатысты сотқа дейінгі тергеу жүріп жатыр

НҰР-СҰЛТАН, 6 маусым – Sputnik. Қазақстанның білім және ғылым вице-министрі Эльмира Суханбердиева екі айға қамауға алынды, деп хабарлайды Sputnik Қазақстан тілшісі.

"Нұр-Сұлтан қаласының мамандырылған ауданаралық тергеу соты күдікті Эльмира Суханбердиеваға қатысты екі айға қамауға алу шарасын қолдануға шешім шығарды. Оны қамауда ұстау мерзімі 2019 жылдың 2 тамызына дейін белгіленді", - делінген соттың ресми хабарламасында.

Айта кетсек, кеше, 5 маусым күні сыбайлас жемқорлыққа қарсы іс-қимыл ұлттық бюросы білім және ғылым вице-министріне қатысты сотқа дейінгі тергеу басталғанын мәлімдеген болатын. Алайда оның есімін жариялаған жоқ.

Тағы оқыңыз: Тестілеу орталығындағы шу: білім министрі отставкаға кете ме?

"Вице-министрге қатысты сотқа дейінгі тергеу жүріп жатқанын растаймыз", - деді мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметі.

Эльмира Суханбердиева туралы не білеміз

Эльмира Суханбердиева әл-Фараби атындағы Қазақ ұлттық университетін тәмамдаған, психология ғылымдарының кандидаты. Еңбек жолын 1989 жылы Ақтау мектебінде тарих пәнінің мұғалімі болып бастады.

2000 жылы Алматы облысы Іле ауданы әкімі аппаратының ұйымдастырушылық-кадр жұмысының бас маманы болды. Алматыда "Ай-Нұр" жекеменшік лингвистикалық гимназиясының атқарушы директоры, кейін Алматы облысы Іле ауданы № 7 орта мектебінің директоры болып жұмыс істеді.

2007-2009 жылдар аралығында Алматыдағы "Қазақстан" республикалық телерадиокорпорациясында басқарушы лауазымдарды атқарды.

Тағы оқыңыз: Білім вице-министріне қатысты сотқа дейінгі тергеу басталды

2013-2016 жылдары Астананың (қазіргі Нұр-Сұлтан) білім басқармасын басқарды. 2016 жылдың сәуірінде білім және ғылым министрінің орынбасары болып тағайындалды.

Сондай-ақ, Эльмира Суханбердиева – бесінші шақырылымдағы елордалық мәслихаттың депутаты, білім саласының құрметті қызметкері атағы да бар.

Менеджмент және басқаруға қатысты бірқатар мақаланың авторы: "Білімдегі жаңалықтар", "Білім", "12-жылдық білім", "Білім ұйымы жетекшісінің анықтамалығы", "Қазақстан мектебіндегі тарих", "Қазақ ұстазы", "Астана" және тағы басқалары.

7143
Кілт сөздер:
вице-министр, білім, Эльмира Суханбердиева
Тақырып бойынша
Вице-министр мұғалімдер күні қарсаңында көше тазалаған ұстаздар туралы түсініктеме берді
ҰБТ қажет пе, жоқ па? Білім министрі көптің көкейіндегі сұраққа нүкте қойды
Министр Дәленов отставкаға кетуге дайын екенін мәлімдеді
Депутат 76 миллион теңге пара алды деген күдікпен ұсталды - видео
Ұлттық тестілеу орталығының басшысы ұсталды – ҰБТ-ға әсер ете ме?
Загрузка...