Ақша, теңге

Сенат депутаты: қазір әрбір қазақстандық 330 мың теңгеден қарыз

967
Сенатта 2018 жылғы республикалық бюджеттің атқарылуы туралы есеп қаралды

НҰР-СҰЛТАН, 6 маусым – Sputnik. Сенат депутаты Әлімжан Құртаев қазақстандықтардың банктерге берешегінің жылдан-жылға өсіп бара жатқанына алаңдады, деп хабарлайды Sputnik Қазақстан тілшісі.

Бүгін сенатта 2018 жылғы республикалық бюджеттің атқарылуы туралы есеп қаралды. Отырыста сөз алған депутат Әлімжан Құртаев үкімет пен ұлттық банктің назарын халықты несиелендіру мәселесіне аударды. Сенатор екі жылдық стагнациядан кейін елде несиелендірудің жандануы байқалатынын атап өтті. Айтуынша, бұл халықты несиелендірудің артуына байланысты болып отыр.

Тағы оқыңыз: 4 категориядағы адамдардың ипотекалық қарызы кешірілмек

"Бүгінгі күні жалпы несиедегі бөлшек несиенің мөлшері  - 41%. Осы орайда жалпы бөлшек несиеден тұтынушылар несиесі 2018 жылдың соңына қарай 53%-ке жетті. Қазіргі уақытта әрбір қазақстандық, жаңа туған сәбилерді қоса есептегенде, 330 мың теңгеден қарыз. Халықтың банктерге қарызы олардың жалақысынан гөрі 4 есе өсіп барады", - деп алаңдаушылық білдірді Құртаев.

Депутат ел экономикасын дамыту үшін банктер орта және шағын бизнеске көбірек кредит беруі керек екенін айтты. Ал бізде шағын бизнесті несиелендіру 18% қана екен.

"Бүгінгі күні біз экономиканың шикізат емес салаларындағы басым жобаларды іске асыру үшін "ұзын" ақшамен қамтамасыз етуіміз қажет. Сондықтан үкімет пен ұлттық банк осы күрделі мәселені шешкені жөн", - деді ол.

Сонымен қатар, Құртаев тұрғын үй бағасын төмендетуге және құрылысты арзандатуға бағытталған мемлекеттік қолдаудың жаңа тәсілдерін әзірлеуді қарастыруды ұсынды. Оның пікірінше, бұл индустриялды үй құрылысы комбинаттарының жүктемесін арттыру арқылы мүмкін болмақ.

Тағы оқыңыз: "Араб Әмірліктері сияқты өмір сүреміз": кандидаттардың сөздері

"Қазіргі уақытта Қазақстанда заманауи технологиялармен жабдықталған толық циклды 16 мекеме бар. Олар тек 30-40 процентке ғана жүктелген. Толық көлемде жұмыс істемеудің салдарынан өндіріс көлемі төмендейді, тұрғын үйдің өзіндік құны көбейеді, несиені уақытылы төлей алмау, жұмысшылардың қысқартылуы және тағы басқалар проблемалар туындайды", - дейді сенатор.

Ол индустриялды үй құрылысы комбинаттары бойынша нақты бағдарлама керек деп санайды. Бұл индустриялды үй құрылысы комбинаттарын қажетті жұмыс көлемімен қамтамасыз ете отырып, баспананы пайдалануға беруге, қолжетімді тұрғын үй бағасының төмендеуіне жол ашады.

967
Кілт сөздер:
теңге, қарыз, қазақстандықтар, депутат, Сенат
Тақырып бойынша
Ұлттық банк Қазақстанның сыртқы қарызы қанша екенін айтты
Банктердің "7-20-25" бойынша ипотекалық кредитті қашан бере бастайтыны белгілі болды
Депутаттар теңге бағамын белгілеуді ұсынды
Қазақстанда ипотеканы қаржыландыру мәселесі қолға алынды
Қазақстанның сыртқы қарызы көбейіп кетті: не болғанын министр түсіндірді  
коронавирус

Денсаулық министрлігі екі тәулікте қанша адам қайтыс болғанын жариялады

724
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

724
Кілт сөздер:
коронавирус
Тақырып:
Коронавирус эпидемиясы
коронавирус

Қазақстанда бір тәулікте 64 адам коронавирус жұқтырды

1600
(Жаңартылды 10:42 27.09.2020)
Өткен тәулікте 136 адам коронавирус індетінен емделіп шықты, Қазақстан бойынша жазылғандар саны – 102 666

НҰР-СҰЛТАН, 27 қыркүйек — Sputnik. Қазақстанда өткен тәулікте 64 адамнан коронавирус табылды, деп хабарлады денсаулық сақтау министрлігі.

Қалалар мен өңірлер бойынша:

  • Нұр-Сұлтан қаласы - 10
  • Алматы қаласы - 3
  • Ақмола облысы - 4
  • Ақтөбе облысы - 2
  • Алматы облысы - 2
  • Атырау облысы - 4
  • Шығыс Қазақстан облысы - 17
  • Жамбыл облысы - 2
  • Батыс Қазақстан облысы - 2
  • Қарағанды облысы - 4
  • Қостанай облысы - 3
  • Маңғыстау облысы - 2
  • Павлодар облысы - 4
  • Солтүстік Қазақстан облысы - 5

Жалпы, пандемия басталғалы бері  ел бойынша ауырғандар саны 107 723 адамға жетті.

Өткен тәулікте 136 адам коронавирус індетінен емделіп шыққан. Қазақстан бойынша жазылғандар саны – 102 666.

1600
базар, өрт, архив

Ақтауда базар өртенді видео

229
"Масат" базарындағы өртті сөндіруге төтенше жағдайлар департаментінің 68 қызметкері жұмылдырылды

НҰР-СҰЛТАН, 27 қыркүйек — Sputnik. Ақтауда таңертең "Масат" азық-түлік базарынан өрт шықты. Өрт сөндірушілер жалынды үш сағат ішінде сөндірді, деп хабарлады Қазақстанның төтенше жағдайлар министрлігінің баспасөз қызметі.

Маңғыстау облысының төтенше жағдайлар департаментіне өрт туралы хабар сағат 7.55-те түскен. 17 бутик, 14 контейнер, 60 сауда сөресі отқа оранған. Өрттің жалпы аумағы – 750 шаршы метр.

Өрт сағат 10.27-де толығымен сөндірілген. Қаза болғандар мен зардап шеккендер жоқ.

Тілсіз жауды ауыздықтауға төтенше жағдайлар департаментінің 68 қызметкері мен 13 техника жұмылдырылды.

Еске сала кетсек, осы базар 2017 жылдың бірінші қаңтарында өртенген болатын. Өрттің жалпы аумағы шамамен 1,5 мың шаршы метрге жеткен еді.

229
Кілт сөздер:
өрт, видео