Бақбақ

Митингіде полицейлерге гүл сыйлаған қыздың анасы мән-жайды түсіндірді

6512
(Жаңартылды 10:18 11.06.2019)
Елордадағы заңсыз митинг кезінде түсірілген кішкентай қыздың суреті қазақстандықтардың жүрегін елжіретті

НҰР-СҰЛТАН, 10 мамыр – Sputnik. Заңсыз митинг кезінде кішкентай қыз полиция қызметкеріне гүл сыйлаған. Осы сәтті қыздың анасы фотоға түсіріп, әлеуметтік желіде жариялапты. Сурет бірден қызу талқыға түсті, деп хабарлайды Sputnik Қазақстан тілшісі.

Желі қолданушылары жас ана баласына төнген қауіпке қарамастан, митингіге қатысты деп ойлап, айыптаған. Алайда оқиға барысы мүлдем өзгеше болып шықты. Кішкентай қыздың анасы, журналист Саяжан Досжанова фотоның қалай түсірілгенін айтып берді. Ол суретке халық осыншалықты қызығушылық танытатынын күтпеген екен. 

"Пабликтердегі адамдар менің есім дұрыс емес деп айтып жатты. Олар "баласын митингіге апаратындай, есінен адасқан ба, қауіпке қарамастан, "хайп" іздеді" деп жазды", - дейді Саяжан Facebook-тегі жеке парақшасында.

Ол астанадағы Республика мен Уәлиханов көшелерінің қиылысында тұрады екен. Саяжанның айтуынша, кішкентай қызымен сайлау учаскесіне дауыс беруге бара жатқан. Бірақ дәл осы маңда митинг басталып кетіпті.

Тағы оқыңыз: Балаларды неге батутқа апаруға болмайды?

"Жолда қызым гүл жинады. Ол бақбақ гүлін жұлып, полицейлерге апарып берді. Қызым екі жаста. Бала ғой, бәріне бірдей мейірімді. Ол қолындағы гүлдерді бір-бірлеп ОМОН қызметкерлеріне тарата бастады. Осы сәтті фотоға түсіріп алайын деген ой келді. Фотоның тарихы осындай", - дейді Досжанова.

Қазақстандағы президент сайлауы

Еске сала кетсек, кеше, 9 маусымда Қазақстанда кезектен тыс президент сайлауы өтті. Орталық сайлау комиссиясы сайлауының алдын ала қорытындысын жариялады. Nur Otan партиясы атынан сайлауға түскен Қасым-Жомарт Тоқаев 70,76% дауыс жинап, жеңіске жетті.

Тағы оқыңыз: Заңсыз митингіге шыққан 500-дей адам ұсталды 

Сайлауға қазақстандықтардың 77,4% қатысқан. Елімізде 11 947 995 тұрғынның дауыс беру құқығы бар.

Сондай-ақ,  кеше Нұр-Сұлтан мен Алматыда заңсыз митингтер өтті. Полиция тәртіп бұзған 500-ге жуық адамды ұстады.

6512
Кілт сөздер:
фото, ана, бүлдіршіндер, гүл, полицейлер
Тақырып бойынша
"Қатаң жазаланады" Бас прокуратура қазақстандықтарға тағы да ескерту жасады
"Біздің елде заң сақталады" Тоқаев митингіге шақыруға байланысты мәлімдеме жасады
"Шара қолданылады": Министрлік сайлауда митинг өткізуге қатысты пікір білдірді
Алматы мен Нұр-Сұлтанда жүзге жуық адам ұсталды - ІІМ
"Нұр-Сұлтанда ұсталғандардың бірі қаза болды" - ІІМ ақпаратты жоққа шығарды
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

870
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

870
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді
Архивтегі фото

Өткен тәулікте 69 адамнан коронавирус табылды

29
(Жаңартылды 09:41 26.09.2020)
Маңғыстау, Қызылорда облыстары мен Шымкент қаласында бірде-бір адамнан коронавирус инфекциясы анықталмады

НҰР-СҰЛТАН, 26 қыркүйек – Sputnik. Қазақстанда өткен тәулікте 69 адам коронавирус жұқтырғаны белгілі болды. Бұл туралы COVID-19 індетін таратпау жөніндегі ведомствоаралық коммиссия хабарлады.  

Өңірлер бойынша мәлімет:

  • Нұр-Сұлтан қаласы – 14,
  • Алматы қаласы – 3,
  • Ақмола облысы – 5,
  • Ақтөбе облысы – 1,
  • Алматы облысы – 2,
  • Атырау облысы – 5,
  • Шығыс Қазақстан облысы – 17,
  • Жамбыл облысы – 2,
  • Батыс Қазақстан облысы – 2,
  • Қарағанды облысы – 5,
  • Қостанай облысы – 3,
  • Павлодар облысы – 4,
  • Солтүстік Қазақстан облысы – 5,
  • Түркістан облысы – 1.

Жалпы ел бойынша ауырғандар саны – 107 659. Індеттен 1 699 қайтыс болды.

Оқи отырыңыз: Қатаң карантин қай кезде енгізіледі – денсаулық сақтау министрлігі түсініктеме берді 

29
Кілт сөздер:
коронавирус
Тақырып:
Коронавирус эпидемиясы
Тақырып бойынша
Коронавирустың екінші толқынына дайын болайық – Тоқаев
Депутат бұрынғы вице-министрдің отставкасы жайлы: бұған жауап беруі керек
Ғалымдар табиғи антибиотик ойлап тапты
Алматыда COVID-тен жазылғандар оңалту орталығына ағылып жатыр: мамандар себебін түсіндірді
Тағы бір облыста 8 бірдей мектепте коронавирус анықталды
Харьков маңында Ан-26 ұшағы апатқа ұшырады

Украинада әскери ұшақ құлап, 25 адам көз жұмды

0
Жиырма бес адам әуе апатынан қаза тапты, бортта болған тағы екі әскери қызметкер ауыр жарақат алды, оларды күйік шалған

НҰР-СҰЛТАН, 26 қыркүйек – Sputnik. Украинаның солтүстік-шығысындағы Харьков облысында Ан-26 әскери ұшағының апатқа ұшырауынан кем дегенде 25 адам көз жұмды, деп хабарлады РИА Новости.

Бортта 28 адам – әскери ұшқыштар мен курсанттар болған.

Украинаның төтенше жағдайлар жөніндегі мемлекеттік қызметінің хабарлауынша, оқиға кеше жергілікті уақыт бойынша сағат 20:50 шамасында Чугуев қаласының маңында, әскери әуежайдан екі шақырым жерде болған.

Крушение самолета Ан-26 под Харьковом
© Sputnik / Сергей Одинцов
Харьков маңында Ан-26 ұшағы апатқа ұшырады

"Ұшақ жерге құлап түскеннен кейін өртеніп кетті. Алдын ала мәлімет бойынша Ан-26 бортында 28 адам – әскери ұшқыштар мен И.Кожедуб атындағы Харьков әуе күштері ұлттық университетінің курсанттары болған. Ұшақ апатынан 25 адам қаза болды. Екеуін күйік шалды", - деді елдің төтенше жағдайлар мемлекеттік қызметі.

Орал маңында қолдан жасалған ұшақ құлады – ұшқыш қаза тапты

Ан-26 апатының мән-жайы мен себебін тексеру үшін мемлекеттік комиссия құрылды.

"Сенбі күні Украина мемлекетінің басшысы Владимир Зеленский Харьков облысына келеді", - деп хабарлады президент кеңсесі.

Алдын ала мәлімет бойынша, апаттан аз уақыт бұрын ұшақтың бір қозғалтқышы істен шыққан.

0
Кілт сөздер:
әскери қызметкер, ұшақ апаты, Украина
Тақырып бойынша
"Ұшақты атқылаған": үш жыл бұрынғы әуе апатына қатысты жаңа дерек шықты
Алматы - Қостанай рейсінің жолаушысы ұшақ бортында көз жұмды
Шымкент-Нұр-Сұлтан ұшағының жолаушылары жанжал шығарды - видео
"Қытай ұшағы радиоактивті зат шашып жүр": ақпаратқа түсініктеме берілді
Ұшақ Алматыны бір сағат айналып ұшты: Air Astana не болғанын түсіндірді