Дастарқан

Бастықтарға дастарқан жаятындар жазаланады - жемқорлыққа қарсы агенттік

192
(Жаңартылды 15:25 12.06.2019)
Заңды бұзбайтын және өз жұмысын жақсы істейін мемлекеттік қызметшіге біреудің алдында жүгіріп, қызмет көрсетудің қажеті жоқ

НҰР-СҰЛТАН, 12 маусым – Sputnik. Мемлекеттік қызмет істері және сыбайлас жемқорлыққа қарсы іс-қимыл агенттігі бастықтарға дастарқан жаю "дәстүріне" қарсы күрес шараларын бастады, деп хабарлайды Sputnik Қазақстан тілшісі.

Ақмола облыстық департаменті таратқан мәліметке сәйкес, арнайы кеңесте өңірлерге іссапармен баратын мемлекеттік қызметшілерге қатысты барлық ақпаратты ресми сайттарда жариялау мәселесі көтерілді. Ол ақпараттың ішінде алдағы іссапарлардың кестесі ғана емес, шағым түсіретін телефон нөмірі де болуы қажет. Яғни, мемлекеттік қызметшінің үстінен шағым түсіруге болады.

Тағы оқыңыз: Тоқаев жемқорлық туралы: мемлекеттік орган басшылары отставкаға кетуі керек

"Ауданға, я болмаса ауылға тексеріспен баратын кез келген мемлекеттік қызметшіге іссапардың ақшасы беріледі. Ол осы ақшасын жұмсамай, өз шығындарын күтіп алушылардың есебінен жапса, ондай әрекеттер қылмыстық заңбұзушылық болып саналады. Мемлекеттік қызметші өркөкірек болмай, сыпайылық пен әдептілік танытуы керек. Барлық шығынды іссапар ақшасынан төлеп, сыйлықтарды ғана емес, қонақүй мен билеттерді өтеп беруге қатысты ұсыныстарды қабылдамауы тиіс. Мерекелік дастарқандарға да қатыспаған жөн", - дейді департамент директоры Берген Беспалинов.

Департмент басшысы ондай "ұлттық қонақжайлылыққа" бастамашы болатын адамдарға де ескерту жасады. Оның айтуынша, жергілікті басшылар өз жұмысын дұрыс атқармайды. Содан кемшіліктерді жасырамыз деп, ауданға келетін тексерушілердің алдында құрдай жорғалайды. Онымен қоймай, қол астындағы қызметкерлеріне ақша жинатып, дастарқан жаюға мәжбүрлейді.

Тағы оқыңыз: Тоқаев қандай реформаларды қолға алады?

"Ашығын айту керек, кейбір тескерушілер үшін аймаққа жасаған іссапар кәдімгідей тойға айналады. Оларды тамақтандырады, асты-үстіне түсіп, қызмет көрсетеді. Ондай фактілер анықталса, тексерушілер ғана емес, оларға қызмет көрсеткендер де қатаң тәртіптік жазаға тартылады. Тіпті жұмыстан шығару шарасын қабылдаймыз. Негізі, заңды бұзбайтын және өз жұмысын жақсы істейін мемлекеттік қызметшіге біреудің алдында жүгіріп, қызмет көрсетудің қажеті жоқ", - деп атап көрсетті Беспалинов.

192
Кілт сөздер:
мемлекеттік қызметші, жемқорлық
Тақырып бойынша
"Премьерді де жауапқа тарттық" Тоқаев жемқорларды не күтіп тұрғанын айтты – видео
Полицейлер мен жемқорлыққа қарсы қызметкерлердің текетіресі немен аяқталды
Перуашев жемқорларды елден шығаруға тыйым салуды ұсынды
Агенттік қолға түскен жемқорлардың видеосын жариялады
"Президент айтты ғой": Агенттік министрлерге отставкаға кету керектігін еске салды
Загрузка...