Нұр-Сұлтандағы митингі

Қазақстанда митинг кезінде 300-ден аса полицей зардап шекті министр 

1989
(Жаңартылды 10:57 18.06.2019)
Адамдар полицейлерге шабуыл жасап, тас лақтырған, арматурамен ұрған. Олардың алтауы түрлі жарақатпен госпитальде жатыр

НҰР-СҰЛТАН, 18 маусым – Sputnik. Қазақстанда 9-11 маусым аралығында өткен митинг кезінде 300-ден аса полиция қызметкері дене жарақатын алды. Бұл туралы ішкі істер министрі Ерлан Тұрғымбаев мәлімдеді, деп хабарлайды Sputnik Қазақстан тілшісі.

Министрдің айтуынша, 9, 10, 11 маусым күндері өткен митинг кезінде зардап шеккен полицейлердің алтауы ауруханада ем қабылдауда. Бірінің жіліншігі сынған, енді бірі бас сүйек-ми жарақатын алған.

"Үш жүзден астам полиция қызметкері дене жарақатын алды. Олардың алтауы қазір госпитальде жатыр. Бұл цифрды біз бұған дейін жария етпеп едік, алғаш рет айтып тұрмын", - деді Тұрғымбаев үкімет кулуарында.

Ол тәртіп сақшылары наразылық шеруі кезінде көшеге шыққан адамдарға күш қолданбағанын атап өтті.

Тағы оқыңыз: Қазақстанда наразылық білдіруге рұқсат беретін арнайы заң қабылданады

"Сіздер видеодан көрдіңіздер, адамдар полицейлерге шабуыл жасап, қалқанын теуіп, ұрып-соқты. Тас лақтырған, таяқпен, арматурамен ұрған", - деді министр.

Сайлау кезіндегі митинг

Бұған дейін Бас прокуратура Нұр-Сұлтан мен Алматы қалаларында бірнеше күн болған заңсыз митинг кезінде 957 адамның ұсталғанын хабарлады. Олардың ішінде 670 адам қамауға алынған. 115 адамға айыппұл салынды, ал 172-сіне ескерту жасалған. Сот шешімімен 311 адам босатылды. 

Кейін президент Қасым-Жомарт Тоқаев кінәсіз азаматтар мен оқиға орнында кездейсоқ болғандарды босатуды тапсырды. Сондай-ақ ол наразылық білдіріп жатқандарды диалогқа шақырды. Осы мақсатта мемлекет басшысының жарлығымен Ұлттық қоғамдық сенім кеңесі құрылды. Алғашқы отырысы 2019 жылдың тамызында өтеді деп жоспарланып отыр.

Бұдан бөлек, Тоқаев Қазақстанда азаматтардың көшеге шығып, наразылығын білдіруге рұқсат беретін арнайы заң қабылданатынын мәлімдеді. 

1989
Кілт сөздер:
полиция, Ерлан Тұрғымбаев, митинг
Тақырып бойынша
Министр Абаев Нұр-Сұлтан мен Алматыдағы митингілерге қатысты пікір білдірді
Екі қаладағы митингілер кезінде 9 журналист ұсталды - ІІМ
Митингіге шыққандарға қандай жаза қолданылды – Бас прокуратура жауап берді
Митингіге шыққан 200 адамды басқа қалаларға апарып тастадық – Қожаев
Тоқаев наразылық орындарында кездейсоқ болған адамдарды босатуды тапсырды
Митингіге қатысушыларға шетелден нұсқау беріліп отырды - ІІМ
"Халық кедейліктен көшеге шықты": Тоқаев Қазақстандағы митингілер туралы айтты
Гүл, архивтегі фото

Белгілі композитор Кеңес Дүйсекеев қайтыс болды

3
(Жаңартылды 14:00 09.07.2020)
Дүйсекеев 1974-1976 жылдары "Гүлдер" ансамблінің бас дирижері және музыка жетекшісі, 1976-1979 жылдары "Қазақконцерт" гастрольдік-концерт бірлестігінің музыка жетекшісі болды

АЛМАТЫ, 9 шілде – Sputnik. Белгілі композитор, Қазақстанның еңбек сіңірген өнер қайраткері Кеңес Дүйсекеев 74 жасында дүниеден өтті, деп хабарлайды Sputnik Қазақстан.

Қызылорда облысы әкімдігінің баспасөз қызметі қаралы хабарды растап, композитордың неден қайтыс болғаны анықталып жатқанын жеткізді.  

Кеңес Дүйсекеев туралы не білеміз

Кеңес Дүйсекеұлы Дүйсекеев 1946 жылы 10 ақпанда Қызылорда облысы Қазалы ауданы Пірімов ауылында дүниеге келген.

1974 жылы Алматы консерваториясын бітірген.

1974-1976 жылдары "Гүлдер" ансамблінің бас дирижері және музыка жетекшісі, 1976-1979 жылдары "Қазақконцерт" гастрольдік-концерт бірлестігінің музыка жетекшісі болды.

1975-1984 жылдары Қазақ теледидары музыка редакциясының бас редакторы болып қызмет атқарған.

Дүйсекеевтің жетекшілігімен "Тамаша", "Халық – талант қайнары", "Шабыт", "Жастарға арналған музыкалық кештер", "Музыка әлемінде" секілді теледидарға арналған бағдарламалар шығарылды.

1984-1997 жылдары Қазақстан мемлекеттік телерадиокомитеті эстрадалық-симфония оркестрінің көркемдік жетекшісі және бас дирижері болды.

1997 жылы "Қазақконцерт" гастрольдік-концерт бірлестігінің көркемдік жетекшісі қызметін атқарды.

Кеңес Дүйсекеев "Толғау" симфониясының, "Жалаңтөс батыр" симфония поэма-картинасының, "О, дүние" кантатасының, "Жыл мезгілдері" романстар циклінің, "Мәди", "Аққу Жібек" мюзиклінің, "Алдар көсе" опереттасының және 200-ге тарта әннің авторы.

Композитор 1994 жылы Қазақстан Республикасының Еңбек сіңірген өнер қайраткері құрметті атағымен марапатталды.

2005 жылы Дүйсекеевке "Құрмет" ордені, 2014 жылы "Парасат" ордені берілді.

Танымал актер Дархан Дайырбек өмірден озды 

3
Кілт сөздер:
композитор
Тақырып бойынша
Белгілі қазақ дирижері Раиса Садықова қайтыс болды
Тоқаев белгілі архитектордың отбасына көңіл айтты
"Дос-Мұқасан" ансамблінің мүшесі Хамит Санбаев дүниеден озды
Қазақ ғылымы ауыр қайғыға ұшырады: белгілі ғалым дүниеден өтті
Дәрі-дәрмек

Денсаулық министрі дәрілік шөптерді ішуге кеңес берді

52
(Жаңартылды 13:53 09.07.2020)
Министрдің айтуынша, жоғары температура кезінде антибиотиктерді қабылдағанда вирустар мен бактериялар қатты дәріге тез үйренеді. Салдарынан ауру асқынғанда антибиотиктер көмектеспеуі де мүмкін

НҰР-СҰЛТАН, 9 шілде – Sputnik. Денсаулық сақтау министрі Алексей Цой антибиотиктерді алдын ала қабылдамау қажеттігін ескертті, деп хабарлайды Sputnik Қазақстан тілшісі.

"Қазіргі кезде үйде емделетіндердің көбісі бірден антибиотик ішуді бастайды. Бұл – үлкен қателік. Олай істеген дұрыс емес. Егер дене қызуы 38 градусқа дейін көтеріліп немесе үш күн бойы жоғары температура түспесе, қызуды басатын дәрілерді қабылдаған дұрыс, сан алуан шөптерді ішуге болады. Суды көбірек ішіңіз", – деді Цой бүгінгі онлайн брифингте.

Министрдің айтуынша, антибиотиктердің кері әсері қатты. Ал ең бастысы, дүрбелеңге салынбау қажет.

"Қызуды басатын дәрілерді де тек 38 градустық температура болса ғана ішу керек. Оған дейін адамның ағзасы вирустармен және бактериялармен өзі күреседі, Негізі, жоғары температура болмаса, иммунитет ауруды өзі жеңе алады. Ал антибиотиктерді тек дәрігерлердің нұсқауымен ғана қабылдау қажет", – деп атап көрсетті Цой.

Осы орайда министр антибиотиктердің кері әсеріне тоқталды. Оның сөзіне қарағанда, адамдар жоғары температура болмаса да, антибиотиктерді қабылдауды бастайды. Ондайда вирустар мен бактериялар қатты дәріге тез үйреніп қалады. Соның салдарынан ауру асқынғанда антибиотиктер көмектеспеуі де мүмкін.

Оқи отырыңыз: Президент дәрі-дәрмек тапшылығы мәселесі қай кезде шешілетінін айтты

"Бүгінде біз арнайы нұсқаулықтарды әзірледік. Оны министрліктің ресми сайтынан табуға болады. Сол жерде амбулаториялық деңгейде, яғни үйде емделу тәртібі жазылған. Міне, осы ақпаратты пайдалану қажет", – деді Цой.

52
Кілт сөздер:
емделу, дәрі
Тақырып:
Коронавирус эпидемиясы
Тақырып бойынша
Тоқаев дәрі-дәрмек туралы: импортқа тым тәуелдіміз
Нұр-Сұлтанда қарт адамдарға дәрі-дәрмек үйге жеткізіліп жатыр
Ресейлік дәрі-дәрмек пен медтехника қазақстандықтарға аурудан айығуға көмектеседі
Нұр-Сұлтан дәріханаларында дәрі-дәрмек сатуға лимит қойылады
Шымкент әкімі дәрі-дәрмек сатып алуға қатысты кеңес берді