Ұлттық бірыңғай тестілеу

Екі күннен кейін ҰБТ басталады: жаңа білім министрі түлектерге кеңес берді

987
Аймағамбетов тест арқылы емес, бағдарлама бойынша дайындалу керек екенін атап өтті

НҰР-СҰЛТАН, 18 маусым – Sputnik. Жаңадан тағайындалған білім және ғылым министрі Асхат Аймағамбетов ҰБТ тапсыратын түлектерге сәттілік тілеп, емтиханға "шпаргалка" кіргізбеуге кеңес берді, деп хабарлайды Sputnik Қазақстан тілшісі.

Министр ҰБТ өте маңызды емтихан екенін атап өтті.

"Ең бастысы, уайымдамау керек. Сіздер дайындалдыңыздар, деніңіз тестілеуден өтіп, мектепте қажетті білім алдыңыздар. Сондықтан ұйқыны қандырып, емтихан жайлы барынша ойламауға тырысу керек", - деді Аймағамбетов үкімет үйінде өткен баспасөз мәслихатында.

Ол ҰБТ тапсыратын түлектерге сынаққа "шпаргалка" мен телефон алып кірмеуге кеңес берді.

"Адам өзімен бірге "шпаргалка", ұялы телефон немесе басқа да заттар алғанда, ең алдымен, соны қалай кіргізсем екен деп алаңдай бастайды. Екінші, оны ешкімге байқатпай, тыққан жеріңнен шығарып, пайдалану мұңға айналады. Бұл да бір күйзеліс. Сондықтан мен, ең алдымен, өзіңе сену керек деп санаймын. Тест арқылы емес, бағдарлама бойынша дайындалу керек, бұл өте маңызды. Тест бойынша дайындалу жеңіліске апаратын жол екенін өз тәжірибемнен білемін",  - деді министр.

Ол биыл ҰБТ өткізу ережелері өзгермегенін атап өтті. Айтуынша, министрлік өкілдеріне, мектептер мен жоғары оқу орындарының басшылығына ҰБТ кезінде балаларға жылы қарап, оларға жағдай жасау керектігі тапсырылған.

"Білесіздер, әдетте балаларды таң атпай ұйқысынан оятып, ҰБТ өткізу пунктеріне ерте жинайды. Сөйтіп, олар ұзақ уақыт күн астында тұруға мәжбүр болады. Сондықтан бұған жол бермес үшін егер бала ҰБТ өткізу пунктіне ерте келсе, есік ашып, оны ішке кіргізіп, су беріп, жағдай жасау керек. Ішке тыйым салынған заттар кіргізілмейді", - деді Аймағамбетов.

Айта кетсек, биыл ҰБТ 20-30 маусым аралығында барлығы 169 тапсыру пунктінде өтеді.

ҰБТ-ға қатысу үшін 117 242 адам өтініш берген. Соның ішінде, 96 мыңнан астамы – осы жылғы мектеп түлегі, ал 20 мыңнан астамы биыл және өткен жылдары колледждер мен шетелдік білім беру ұйымдарын бітіргендер.

987
Кілт сөздер:
түлектер, білім министрлігі, ҰБТ
Тақырып бойынша
Тестілеу орталығындағы шу: білім министрі отставкаға кете ме?
ҰБТ-2019: тест кезінде кімге жеңілдік беріледі?
Тоқаев білім министріне мұғалімдерге қатысты тапсырма берді
Дариға Назарбаева білім министріне: сізге көмектесеміз
ҰБТ жақындап келеді: білім министрі халықты сақ болуға шақырды
ҰБТ қажет пе, жоқ па? Білім министрі көптің көкейіндегі сұраққа нүкте қойды
Ақша, теңге

Тоқаевтың тапсырмасы: министр дәрігерлердің жалақысы қаншаға өсетінін айтты 

80
(Жаңартылды 20:26 29.05.2020)
Министр медицина қызметкерлерінің айлығын арттыру жұмысы былтыр басталғанын атап өтті. Ол кезде ақхалаттылардың жалақысы 30%-ке көбейген

НҰР-СҰЛТАН, 29 мамыр – Sputnik. Әлем елдерінің стандарттарына жақындау үшін дәрігердің орташа жалақысы 550 мың теңге болуы тиіс. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі. 

Ол медицина қызметкерлерінің айлығын арттыру жұмысы былтыр басталғанын атап өтті. Ол кезде ақхалаттылардың жалақысы 30%-ке көбейген. 

Бұдан бөлек, қаңтардан бастап республикалық бюджеттен және медициналық сақтандыру қорынан еңбекақы төлеу қорын 30 процентке арттыру үшін қосымша қаржы бөлінді. 

"Біз есеп-қисап жүргіздік. Бізге әр жыл сайын еңбекақы төлеу қорын 30%-ке арттыру қажет болады. Сол кезде қалаған деңгейге жетеміз, әлем елдерінің стандарттарына жақындау үшін дәрігердің орташа жалақысы 550 мың теңге болуы тиіс. Әйтпесе, біз кадрларымызды жоғалта береміз", - деді Біртанов "Хабар 24" телеарнасында өткен тікелей эфирде. 

Айтуынша, бекітілген 2025 жылға дейінгі денсаулық сақтауды дамытудың мемлекеттік бағдарламасында медицина қызметкерлерінің еңбекақысын кезең-кезеңмен өсіру жоспарланған. 2025 жылға қарай дәрігерлердің жалақысын экономикадағы орташа жалақыдан 2,5 есе артық ету көзделген. 

"Алайда президент қазіргі жағдайды ескеріп бұл көрсеткішке 2023 жылы жетуді тапсырды. Осыған байланысты біз тиісті есептеулер жүргіздік", - деді ол. 

Айта кетсек, мемлекет басшысы Қасым-Жомарт Тоқаев ұлттық қоғамдық сенім кеңесінің үшінші отырысында дәрігерлердің жалақысын биылдан бастап кезең-кезеңмен өсіруді тапсырды.

 

80
Тақырып бойынша
Қытайдан келген дәрігерлер елордалық әріптестерінің жұмысын бағалады
Президент дәрігерлер үшін қылмыстық жазаны өзгертуді ұсынды
Абаев қандай дәрігерлер айына 1 миллион теңге алатынын айтты
Күн сайын 200-300 қазақстандық вирус жұқтырады: министр түсініктеме берді
Вирус жұқтырған кейбір адамдар неге ауруханаға жатқызылмайды - министр жауабы
Медицина қызметкері

Күн сайын 200-300 қазақстандық вирус жұқтырады: министр түсініктеме берді

50
(Жаңартылды 19:45 29.05.2020)
Министр жалпы Қазақстанда эпидемиологиялық ахуал тұрақты екенін айтты. Соңғы айда вирус жұқтыру өсімі орташа есеппен 5 проценттен аспаған

НҰР-СҰЛТАН, 29 мамыр – Sputnik. Қазақстанның денсаулық сақтау министрі Елжан Біртанов күн сайын вирус жұқтырған 200-300 адамның тіркелуіне қатысты түсініктеме берді, деп хабарлайды Sputnik Қазақстан тілшісі. 

"Бұл инфекциялық аурудың таралуы, сол себепті, әрине, цифр өседі. Егер таралу қарқыны мен қайтыс болғандар санын қарасақ, бұл жерде әр елде көрсеткіштер әртүрлі. Бізде бірқатар өңірде өсім қарқыны артып отыр, бұл ұйымдасқан ұжымдарда вирус таралып жатқанын білдіреді", - деді Біртанов "Хабар 24" телеарнасындағы тікелей эфирде. 

Министр жалпы Қазақстанда эпидемиологиялық ахуал тұрақты екенін айтты. Соңғы айда вирус жұқтыру өсімі орташа есеппен 5 проценттен аспаған. 

"Бүгінгі таңда елімізде коронавирус инфекциясын жұқтырғандар саны 10 мыңнан сәл асады. Алайда өсім қарқыны 3-5 процент шамасында құбылады", - деді ведомство басшысы. 

Айта кетсек, coronavirus2020.kz сайтында індетке шалдыққандардың саны – 9 932. Соның ішінде 5 011 адам дертінен жазылып шыққан, 37 науқас қайтыс болды.

50
Кілт сөздер:
түсініктеме, министр, Қазақстан, коронавирус
Тақырып:
Коронавирус эпидемиясы
Тақырып бойынша
"Бұл вирус бізбен ұзақ уақыт болады": ДДҰ басшысы мәлімдеме жасады 
Қазақстанда вирус жұқтырғандарды емдеуге "Гидроксихлорохин" қолданылмайды
Вирус жұқтырған кейбір адамдар неге ауруханаға жатқызылмайды - министр жауабы
Жұмысқа шыққандар арасында вирус жұқтырғандар көбеюде – министрлік
"Көзге көрінбейтін дұшпан": Вирус жұқтырған шенеунік желіде жазба жариялады
Компьютер, интернет

SputnikPro сарапшылары сайтты ыңғайлы етуге қатысты кеңес берді

0
Веб-аналитиканың маңызды болуының бірнеше себебі бар. Ол арқылы аудиторияны, интернет-ресурстың техникалық тұсы мен тұтынушылардың әрекетіне талдау жасауға болады

НҰР-СҰЛТАН, 29 мамыр — Sputnik. Web-аналитика не үшін керек, сайт статистикасын бақылау кезінде оның жүйелері қалай жұмыс істейді? Бұл сауалдарға журналистер мен блогерлерге арналған SputnikPro вебинарында "Россия сегодня"  халықаралық ақпарат агенттігінің веб-сарапшысы Игорь Тугушев жауап берді.

Сарапшы "Титаник" апатын мысалға келтіре отырып, web-сараптаманың маңыздылығы туралы айтты.

Скриншот вебинара SputnikPro с веб-аналитиком МИА Россия сегодня Игорем Тугушевым
© Sputnik /
SputnikPro вебинарының скриншоты

"Трагедия не үшін болды? Басты себеп - капитан мен орынбасарының салғырттығы, алайда екінші себеп - навигациялық құралдардың әлсіз болуы", - деді.

Оның айтуынша, қазіргі уақытта навигациялық кешендер дамып кетті.

"Титаник пен сіз интернет мұхитына жіберетін интернет-сервисті салыстыруға болады. Егер заманауи навигациялық құралдар қолданылмаса, мұхитта көзді жұмып жүзгендей боласыз", - деді маман.

Web-аналитика - интернет-ресурстың мәліметтерін жинау мен талдауға арналған шаралар кешені. 

Тугушев статистика жинаудың негізгі клиенттік жүйелерін атады: Google Analytics, Liveinternet, Рейтинг mail.ru, Яндекс Метрика.

SputnikPro – халықаралық Sputnik ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

2018 жылдың наурызынан бері оған 80 елден 3 мыңнан астам өкіл қатысқан. SputnikPro шеберлік сағаттары мен семинарлары Әзербайжан, Армениядан Үндістанға, Грекиядан Қытайға дейін 22 елде ұйымдастырылды.

0