Асхат Аймағамбетов

Жаңа білім министрі жемқорлықпен қалай күресетінін айтты

2445
Білім және ғылым министрлігі жобалық кеңсе ашуды жоспарлап отыр

НҰР-СҰЛТАН, 18 маусым – Sputnik. Қазақстанның білім және ғылым министрлігі жемқорлықпен күрес стратегиясын қайта қарастырып жатыр. Бұл туралы ведомствоның жаңа басшысы Асхат Аймағамбетов айтты, деп хабарлайды Sputnik Қазақстан тілшісі.

Аймағамбетов жемқорлыққа қарсы күрес министрлік жұмысының басым бағыттарының бірі екенін атап өтті.

"Біз қазір жобалық кеңсе ашуды жоспарлап отырмыз. Онда жемқорлықты жою бағытында нақты шаралар қабылданады. Бұған қоса, барлық құқықтық актіге, реттелмеген мәселелерге талдау жүргіземіз", - деді ол үкімет үйінде өткен баспасөз мәслихатында.

Сонымен қатар, министрдің айтуынша, мониторинг жасайтын арнайы топтар құрылады. Оның құрамына БАҚ, үкіметтік емес ұйымдар мен жұртшылық өкілдері кірмек.

Тағы оқыңыз: Білім вице-министрі Эльмира Суханбердиева қамауға алынды

"Мен жаңа министр ретінде мұның маңызды мәселе екенін түсінемін. Бұған қоса, біз қазір жемқорлықпен күрес стратегиясын қайта қарастырып жатырмыз. Маңыздысы ұстап алғаннан кейінгісі емес. Мәселе нормативтік құқықтық кемшіліктерде болып тұр. Бұл кемшіліктер көп жағдайда сыбайлас жемқорлық қылмысына себеп болып жатады", - деп түсіндірді Аймағамбетов.

Білім саласындағы жемқорлық дауы

24 мамырда білім және министрлігіне қарасты ұлттық тестілеу орталығының басшылары парамен ұсталғаны белгілі болды.

Көп ұзамай білім және ғылым вице-министрі Эльмира Суханбердиеваның үстінен іс қозғалды. Ол лауазымдық өкілеттіліктерін теріс пайдаланды, пара алды, кәсіпкерлік қызметке заңсыз қатысты деген күдікке ілінді. Вице-министр екі ай мерзімге қамауға алынды.

Тағы оқыңыз: Екі күннен соң ҰБТ басталады: жаңа білім министрі түлектерге қандай кеңес берді?

13 маусымда білім және ғылым министрі Күләш Шәмшидинова басқа жұмысқа ауысуына байланысты қызметінен босатылды. Ол бұл қызметте төрт айдай ғана істеді.

2445
Кілт сөздер:
білім және ғылым министрлігі, жемқорлық, Асхат Аймағамбетов
Тақырып бойынша
Тоқаев Шәмшидинованы қызметінен босатты
36 жастағы министр Асхат Аймағамбетов туралы не білеміз?
Биыл Қазақстанда қанша грант бөлінді?
Жаңа министрлер Қазақстан халқына ант берді
Аурухана қызметкері

Қазақстанда тағы 476 адам коронавирус жұқтырды

1095
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

1095
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

136
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

136
Кілт сөздер:
Шымкент, коронавирус
Тақырып:
Коронавирус эпидемиясы
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы