Проблесковый маячок на полицейской машине

"Көлікпен әдейі қақты": Полицейлер митингіде қалай жарақат алғанын айтты

728
(Жаңартылды 09:48 19.06.2019)
Митингілер кезінде 300-ден аса полиция қызметкері жарақаттанған, алтауы әлі ем қабылдап жатыр

НҰР-СҰЛТАН, 19 маусым – Sputnik. Нұр-Сұлтан мен Алматыдағы рұқсат етілмеген митингілер кезінде жарақат алып, ауруханаға түскен полицейлер наразы топпен қақтығыстың қалай болғанын айтып берді.   

Нұр-Сұлтан қаласындағы қоғамдық тәртіпті бақылауға барып, зардап шеккендердің бірі – Жұмабек Шайхысламұлы. Жастар сарайының маңында басынан ауыр соққы алған, деп хабарлады КТК. 

"Сол жағымда тұрған әріптестеріме "байқаңдар, бөтелке  лақтырып жатыр" деп айтқаным сол еді, өзімнің басыма қатты зат тиді. Құлап бара жатқанымда қасымдағы әріптестерім екі қолымнан алып, сол маңда тұрған жедел жәрдемге жеткізді", - деп баяндады Көліктегі полиция департаменті жолаушылар пойызындағы ілесіп жүру баталонының І рота инспекторы Жұмабек Шайхысламұлы.

Дәрігерлердің сөзінше, тәртіп сақшысының жарақаты орташа деңгейде. Өміріне қауіп жоқ. Алдағы апта қатарға қайта қосылады.

"Біздің ауруханаға 3 қызметкер келіп қаралды. Оның екеуі амбулаториялық емге жіберілді. Жарақат алған бір науқас бөлімшеге жатқызылды. Миы шайқалған. Басынан ашық жарақат алған. Қазіргі кезде жағдайы тұрақты. Қажетті ем-домын алып жатыр. Жібін енді 2-3 күннен кейін шешеміз", - дейді ҚР ІІМ емханасы бар орталық госпиталі травматология-ортопедия бөлімшесінің меңгерушісі Жансерік Шаухымбердиев.

Тағы оқыңыз: Митингіге шыққандар полицейлерге тас лақтырып, арматурамен ұрған

Алматы қаласындағы шеру кезінде полицей Нұрбол Бекназаров аяғын сындырған. Наразы топ жолдың бойына шыққан сәтте көлік жүргізушісі бұйрыққа бағынбай әдейі қаққан. Науқастың тізесіне дереу ота жасалды.

"Төле би даңғылының бойында автовокзалға қарама-қарсы бір топ адам жиналып жатыр деген бұйрық түсті. Сол маңға бардық. "Тойота" автокөлігіне қолымды көтеріп "тоқта" деген нұсқау бердім. Ол бағынған жоқ, соғып оқиға болған жерден кетіп қалды", - дейді полиция қызметкері Нұрбол Бекназаров.

Ішкі істер министрі кеше митингілер кезінде 300-ден аса полиция қызметкері жарақаттанғанын мәлімдеді. Алтауы әлі ем қабылдап жатыр.

Полиция наразы топқа қарсы газ қаруы мен дубинка қолданбаған. Жалпы шеруге шыққан 4 мың адамның ішінен негізсіз ұсталған 3 мыңы босатылған. 677 адам сот арқылы әкімшілік қамауға алынса, 305-і айыппұл арқалаған.

728
Кілт сөздер:
полицей, митинг
Тақырып бойынша
Митингіге шыққан 200 адамды басқа қалаларға апарып тастадық – Қожаев
Тоқаев қазақстандықтарға наразылық шеруіне шығуға рұқсат берілетінін айтты
Екі қаладағы митингілер кезінде 9 журналист ұсталды - ІІМ
Митингіге шыққандарға қандай жаза қолданылды – Бас прокуратура жауап берді
"Халық кедейліктен көшеге шықты": Тоқаев Қазақстандағы митингілер туралы айтты
Митинг кезінде 4 мыңға жуық адамның ұсталғаны белгілі болды
Дәріханадағы кезек

Нұр-Сұлтанда дәрі-дәрмекке қатысты жедел желі іске қосылды

45
(Жаңартылды 13:16 06.07.2020)
Бұған дейін мемлекет басшысы қазіргі пандемия кезінде аса қажетті дәрі-дәрмек бағасын қымбаттатуға болмайтынын айтқан болатын

НҰР-СҰЛТАН, 6 шілде – Sputnik. Нұр-Сұлтан әкімдігі дәріханалардағы бағаның негізсіз өсуін iKomek сервисі арқылы қадағалап, 109 нөмірімен шағымдана алады, деп хабарлайды елорда әкімдігінің ресми сайты.

Қала әкімі Алтай Көлгінов қала тұрғындарына дәрі-дәрмектердің қымбаттау фактілері туралы хабарлауды ұсынды.

"Мемлекет басшысы мемлекеттік органдарға дәріханалардағы бағаны бақылауда ұстауды тапсырды. IKomek 109 базасында жедел желі іске қосылды. Дәрі-дәрмектің бағасын негізсіз көтергені туралы шағымдар бойынша қала тұрғындары 109 нөміріне хабарласа алады. Өтініштерге жауап береміз", – деп жазды Алтай Көлгінов Instagram парақшасында.

Айта кетейік, бұған дейін мемлекет басшысы қазіргі пандемия кезінде аса қажетті дәрі-дәрмек бағасын қымбаттатуға болмайтынын айтқан. Президент үкімет мен құқық қорғау органдарына туындаған мәселені реттеуді тапсырған.

"Азаматтарымыздың дәріханалардағы аса қажетті дәрі-дәрмектердің негізсіз қымбатауына байланысты шағымдары орынды. Пандемия кезінде бұған жол беруге болмайды. Үкімет пен құқық қорғау органдарына аталған мәселені реттеу тапсырылды", - деп жазды президент Twitter парақшасында.

Оқи отырыңыз: Нұр-Сұлтан дәріханаларында дәрі-дәрмек сатуға лимит қойылады

Мемлекет басшысы кінәлілер жауапқа тартылатынын мәлімдеген.

45
Кілт сөздер:
Нұр-Сұлтан, дәрі-дәрмек
Тақырып:
Коронавирус эпидемиясы
Тақырып бойынша
Ресейлік дәрі-дәрмек пен медтехника қазақстандықтарға аурудан айығуға көмектеседі
ЕАЭО дәрі-дәрмек нарығы Қазақстан үшін несімен тиімді
Астанада сарапшылар ЕАЭО аясындағы дәрі-дәрмек бағасын талқылайды
Нұр-Сұлтанда қарт адамдарға дәрі-дәрмек үйге жеткізіліп жатыр
Тоқаев дәрі-дәрмек туралы: импортқа тым тәуелдіміз
Астана тұрғындары

COVID-19: дәрігер желіде тараған кеңес несімен қауіпті екенін айтты

471
(Жаңартылды 12:43 06.07.2020)
Дәрігерлер коронавирусты емдеу кезінде тыныс алу гимнастикасын жасамау керек екенін айтады. Қазіргі уақытта желіде осы тәсілге қатысты түрлі кеңес тарап жатыр

НҰР-СҰЛТАН, 6 шілде – Sputnik. Коронавирустың ауыр жағдайында тыныс алу гимнастикасы қауіпті. Бұл туралы орталық коммуникациялар қызметінде медицина ғылымдарының кандидаты, доцент, "Астана медициналық университетінің" кафедра меңгерушісі Нұрила Малтабарова айтты.

Доценттің айтуынша, тыныс алу гимнастикасы өкпені сауықтырудың жақсы тәсілі. Алайда оны дәрігер тағайындау керек.

"Тыныс алу гимнастикасын аурудың ауыр жағдайында жасауға болмайды. Гимнастиканы науқастардың постстационарлық кезеңіне қосуға болады", - деді дәрігер.

Сондай-ақ, мамандар коонавирустың алдын алу үшін спортпен шұғылдану қаншалықты тиімді екенін айтты. 

Дәрігерлер иммунитетті нығайту үшін спортпен бірқалыпты айналысу керек екенін алға тартты. Алайда адамдар арасындағы қашықтықты пен санитарлық нормаларды сақтаудың әлдеқайда маңызды екені айтылып отыр. Бұған қоса, дұрыс ұйықтап, тамақтануға назар аударған жөн.

471
Кілт сөздер:
желі, дәрігер, коронавирус
Тақырып бойынша
Маңғыстау әкімдігі желіде тарап кеткен видеоға қатысты түсініктеме берді
Шымкенттік дәрігер президентке үндеу жолдады - денсаулық министрі жауап берді 
Қазақстанда коронавирусқа қарсы вакцина бірінші кезекте кімдерге егіледі
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды