ҰБТ 2019

"Бәрі ұялы телефонмен келіпті": күзет қызметі түлектерді тәртіпке шақырды

1991
(Жаңартылды 14:16 20.06.2019)
ҰБТ алдындағы тексеріс барысында жоғарғы оқу орнының күзет қызметі талапкерлерге ескерту жасады

НҰР-СҰЛТАН, 20 маусым – Sputnik. Елордада Л.Н. Гумилев атындағы Еуразия ұлттық университетінде түлектерді ҰБТ-ға кіргізу кезінде кідіріс болды, деп хабарлайды Sputnik Қазақстан тілшісі.

Астаналық түлектер ҰБТ тапсыру үшін университетке таңғы 7:30-да жиналды. Талапкерлерді емтиханға  8:00-де кіргізе бастады. Ал тестілеу 9:00-де басталды.

Старт ЕНТ 2019
© Sputnik / Абзал Калиев.
Күзет қызметі ҰБТ тапсыруға келген түлектерді тексеріп кіргізді

ҰБТ алдындағы тексеріс барысында жоғарғы оқу орнының күзет қызметі оқушыларға ескерту жасады.

"Бәрі ұялы телефонмен келіп жатыр. Сондықтан тыйым салынған заттарды ата-аналарыңызға, ұстаздарыңызға қалдырыңыздар! Сонда біз сіздерді емтиханға тез кіргіземіз. Өз уақыттарыңызда алмаңыздар", - деді күзет қызметкері.

Түлектердің ҰБТ-ға дайындығы қалай?

Sputnik Қазақстан тілшісі түлектерден ҰБТ-ға қалай дайындалғанын сұрады.

"Қобалжып тұрмын. Мамандығымды әлі таңдаған жоқпын. Дайындығым жақсы. Дайындық кезінде ҰБТ-дан 90-100 бал жинап жүрдім", - дейді №5 мектеп-гимназияның түлегі Ақбота Нәби.

© Sputnik / Абзал Калиев.
№5 мектеп-гимназияның түлегі Ақбота Нәби

№8 орта мектепті бітірген Матай Сатыбалдиев уайымдап тұрғанын айтып, тілшінің сұрағына қысқа жауап берді.

"Дайындық кезінде 120-130 балл жинап жүргенмін. Бұл жерден қанша ұпай алатынымды уақыт көрсетеді", - деді ол.

№8 орта мектептің тағы бір түлегі Темірлан Қыпшақбаев болашақ мамандығын таңдап қойыпты.

"140 балл алуға дайынмын. Қосымша курстарға барған жоқпын. Тек мектепте дайындалдым. Қанша балл жинайтынымды уақыт көрсетеді. Логистика маманы болғым келеді. Бесінші пәнім география", - деді талапкер.

Старт ЕНТ 2019
© Sputnik / Абзал Калиев.
Нұр-Сұлтан түлегі Темірлан Қыпшақбаев логистика маманы болғысы келеді

Сондай-ақ, түлектерге қолдау көрсетуге келген ата-аналардың арасында бұрынғы мәжіліс депутаты Алдан Смайыл да болды.

"Бүгін екі немерем де Л.Н. Гумилев атындағы Еуразия ұлттық университетінде тест тапсырып жатыр. Оларға қолдау көрсету үшін келдім. Дайындықтары жаман болған жоқ. Шамаларынша оқыды, қосымша мұғалімнен сабақ алды. "Немерелерімнің жолы болсын" деп осында келдім", - дейді жазушы.

Алдан Смайыл / Родители перед началом ЕНТ 2019
© Sputnik / Абзал Калиев.
Бұрынғы мәжіліс депутаты, жазушы Алдан Смайылдың немерелері де ҰБТ тапсырып жатыр

Талапкерлердің бірінің анасы Гаухар Жаубасова ұлының жоғары балл алатынына сенімді.

"Үлкен ұлым Жанат Оралбайға қолдау көрсету үшін осында келдім. Ол - №54 мектеп-лицейінің түлегі. Біз ҰБТ-ға дайындығымызды өткен жылдың қыркүйегінен бастадық. Бір жыл дайындалдық. Қосымша курстарға да бардық. Сондықтан балам өзіне сенімді", - дейді ана.

Родители перед началом ЕНТ 2019
© Sputnik / Абзал Калиев.
Ұлына қолдау көрсетуге келген ана Гаухар Жаубасова

ҰБТ-2019 қорытындысын қайдан білуге болады?

Айта кетейік, бүгін Қазақстанда ұлттық бірыңғай тестілеу басталды. Түлектер республика бойынша 169 пунктіде ҰБТ тапсырады.

ҰБТ-ға қатысуға өтініш білдіргендердің жалпы саны – 117 242. Оның ішінде биыл бітірген 96 380 түлек бар. Ал былтырғы түлектер саны – 20 862.

Тағы оқыңыз: Асхат Аймағамбетов ҰБТ тапсырып жатқан түлектерге сәттілік тіледі

Білім және ғылым министрлігінің мәліметіне сәйкес, ҰБТ-2019 қорытындысын бірнеше әдіспен білуге болады:

  • @edu.gov.kz_bot Telegram-боты;
  • edu.mail.kz сайты;
  • www.testcenter.kz - ұлттық тестілеу орталығының сайты.

Түлек ҰБТ-дан қанша балл жинағанын білу үшін өзінің жеке кодын енгізуі қажет.

1991
Кілт сөздер:
ұялы телефон, түлектер, ҰБТ, Нұр-Сұлтан
Тақырып:
ҰБТ - 2019 (32)
ҰБТ-2020

ҰБТ-2020: министрлік тестілеу қорытындысын жариялады

114
(Жаңартылды 22:04 02.07.2020)
Биыл ҰБТ 21 маусым мен 1 шілде аралығында өтті. Бұл жолы тестілеуге қатысуға рекордтық көлемде өтініш қабылданды

НҰР-СҰЛТАН, 2 шілде – Sputnik. ҰБТ қорытындысы бойынша шектік балды жинаған талапкерлер саны – 82 154. Жалпы республика бойынша орташа көрсеткіш 64,06 балл болды, деп хабарлайды білім министрлігі. 

Білім және ғылым министрлігі ұлттық бірыңғай тестілеудің қорытындысын жариялады. Мәліметке сәйкес, пандемия тестілеуге әсерін тигізбеген. 2019 жылдағы көрсеткіштен айтарлықтай айырмашылық жоқ.

Қанша түлек тест тапсырды

Биыл тестілеуге қатысуға рекордтық көлемде өтініштер қабылданды: 131 754 өтініш тіркелді, оның 111 113-і, яғни 82 пайызы биылғы мектеп түлектері. Өткен жылы бұл көрсеткіш 12%-ға төмен болғанын айта кеткен жөн.

Ұлттық бірыңғай тестілеу 161 пунктте жүргізілді. Тестілеудің әділ өткізілу барысын қадағалау мақсатында қалалар мен өңірлерге Білім және ғылым министрлігі тарапынан 1 983 өкіл жіберілді. Сонымен қатар ҰБТ барысын құрамына Сыбайлас жемқорлыққа қарсы агенттік, үкіметтік емес ұйым, БАҚ, "Адалдық алаңы" жобалық кеңселерінің өкілдері мен  қоғам белсенділері кірген Арнайы мониторингтік топқа мүше 510 адам бақылады. 

Шектік балл

Маусым айында өткізілген Ұлттық бірыңғай тестілеудің қорытындысы бойынша, тестілеуге тіркелген азаматтардың 92,1%-і ҰБТ-ға қатысты, 2019 жылы бұл көрсеткіш 94%-ды құраған болатын.

"Шектік балды жинаған талапкерлер саны – 82 154, бұл өткен жылғы көрсеткіштермен салыстырғанда бір деңгейде қалып отыр. Жалпы республика бойынша орташа көрсеткіш 64,06 балды құрады. Жалпы 2019 жылғы орташа көрсеткішпен салыстырғанда айтарлықтай айырмашылық жоқ", - деп хабарлады министрлік.

ҰБТ-2020: жаңашылдықтар

Биыл алғаш рет электрондық үкімет базасы арқылы Face ID жүйесі пайдаланылды. Осыған байланысты ҰБТ тапсыруға басқа адамның кіруі әрекеттерінің саны айтарлықтай төмендеді. Мәселен, биыл 7 мектеп түлегі өз орнына ҰБТ-ға басқа адамды жібермек болған, өткен жылы мұндай 34 жағдай орын алған еді.

119 тестіленуші денсаулығына байланысты ҰБТ тапсырмады. Олар үшін басқа күндері, 19 шілдеге дейін тестілеу ұйымдастырылатын болады. 

Биыл алғаш рет талапкерлер үшін калькуляторларды пайдалануға рұқсат етілді, тестілеу уақыты ұзартылып, түлектер қорытынды мектеп емтихандарынан босатылды.

"ҰБТ жүргізілген әр аудитория арнайы бейнебақылау камераларымен жабдықталды. Нәтижесінде 9,5 млн-нан астам адам ҰБТ-ның өткізілу барысын онлайн режимде бақылады. Енді ережеге сәйкес 2020 жылғы 25 тамызға дейін бейнежазбалар жіті тексеріледі. Егер бейнежазбада грант иеленген талапкердің тыйым салынған заттарды пайдаланғаны анықталса, тестіленушінің ҰБТ нәтижесі жойылады",- делінген хабарламада.

Пандемия кезіндегі тестілеу

Еліміздің барлық ҰБТ өткізу пунктерінде сақтық шаралары қолға алынып, медициналық-санитарлық нормалар қатаң сақталған болатын. Әрбір ҰБТ-ға қатысушы дезинфекциялаудың 5 кезеңінен өтті.

Тестілеуге кіргізу және отырғызу кезінде талапкерлер арасында кем дегенде екі метр арақашықтық сақталды. Әрбір аудитория бактерицидтік құралдармен және ауа рециркуляторларымен кезең-кезеңмен желдетіліп, тазаланды. Аудиториялар 35%-ға дейін толтырылды, әрқайсысында тек 10-18 адам отырды. Өткен жылы бір аудиторияда орташа есеппен 50 талапкер болған. 

Еске сала кетсек, келесі ҰБТ тамыз айында өтеді. Оның нәтижесі бойынша талапкер шектік балл жинаса, ЖОО-ның ақылы бөліміне түсе алады. Сонымен қатар жоғары оқу орнының ақылы бөліміне түсу үшін қаңтар айындағы ҰБТ сертификаттары да жарамды.

114
Кілт сөздер:
тест, түлек, білім министрлігі, ҰБТ
Тақырып бойынша
ҰБТ-2020: 138 балл жинаған ауыл баласы тестті қалай тапсырғанын айтты
Ауыл мектебінің оқушысы ҰБТ-да 138 балл жинады
ҰБТ-ның үшінші күні: ұпай бойынша ауыл баласынан әлі ешкім асқан жоқ
ҰБТ нәтижесі жойылған талапкерлерге қатысты жағымды жаңалық жарияланды
Қазақстанда тамыз айында тағы бір ҰБТ өтеді
Дәріхана, архивтегі сурет

Министрлік парацетамол орнына қолдануға болатын дәрілер тізімін жариялады

167
Парацетамол коронавирус пандемиясы кезінде ең көп сұранысқа ие дәрінің біріне айналды, соның нәтижесінде оны дәріхана сөрелерінен табу мүмкін болмай қалды

АЛМАТЫ, 2 шілде – Sputnik. Денсаулық сақтауминистрлігі жанындағы Ұлттық сараптама орталығы дене қызуын түсіретін және құрамында парацетамол бар дәрілердің тізімін жариялады.

Тізімге таблетка, ұнтақ және дене қызуы кезінде еритінқатты препарат түрінде шығарылатын 60 шақты дәрі енгізілді.

Дәрілер тізімі

Колдрекс актив, фасторик, ценипар экстра, тераФлю макстаб, цефекон, парамолан, балалар панадолы, панадол экстра, антифлу, антифлу Кидс, колдрекс юниор хот дринк, ИН-ГРИПП, день и ночь, гриппостад С Стик, агриппин, тайлол 6 Плюс, эффералган, флюкол-С, пардифен, КОМБИГРИП, максиГриппин, цитрамон П, фервекс, ректол-125, ректол-250, аскофен, нолгрипп, суықтимицин, КМ-парацетофит, парацетамол Роутек, ОРВИколд, боксГрипал, гриппоФлю, танфлекс, ГРИПГО, вива Фам парацетамолы, терафлю, колдфри, Б. Юраун парацетамолы, ринза, гриппостад, ТАЙЛОЛФЕН ХОТ, стопгрипан-Лимон, цитрик Солпадеин Актив.

Бұған дейін денсаулық сақтау министрлігі парацетамол мен коронавирусты емдеуге арналған өзге де дәрілердің сату бөлімдеріне жеткізіліп жатқанын мәлімдеді. Атап айтқанда, Қазақстанға парацетамолдың 2 миллион қаптамасы әкелінетіні хабарланды.

Бүгін денсаулық сақтау министрі Алексей Цой парацетамолдың тапшылығына қатысты пікір білдірді. Ол кеше, 1 шілде күні астанадағы дәріханаларға 70 мың қаптама таратылғанын айтты. Соның бәрін жарты сағаттың ішінде сатып алды. Министр қазіргі кезде препараттарды интернет желісінде сатып, үстінен пайда табатындар бар екенін атап өтті. Енді, осы мәселемен құзіретті органдар айналысатын болады.

 

 

167
Кілт сөздер:
коронавирус, дәрі, министрлік
Тақырып бойынша
Парацетамолды күніне неше рет ішуге болады – денсаулық министрлігі кеңес берді
Коронавирустан дәрі-дәрмексіз емделуге болады – инфекционист кеңес берді  
Денсаулық министрі парацетамол тапшылығына кімдер кінәлі екенін айтты 
Парацетамол ұрлаған: Атырауда дәріхана тоналды
Алматы облысында парацетамол ішкен қыз көз жұмды
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0