Денсаулық пойызы

"Денсаулық" пойызы: Емханасы жоқ ауыл тұрғындары дәрігерлерге қалай қаралды?

312
(Жаңартылды 20:40 21.06.2019)
Медициналық пойыз 21 желтоқсанға дейін жұмыс істейді. Осы уақыт ішінде дәрігерлер шамамен 60 мыңнан астам адамды тексерістен өткізуді жоспарлап отыр

НҰР-СҰЛТАН, 21 маусым — Sputnik. Ақмола облысындағы Новоникольск ауылында – үлкен мереке. Олар таң атқаннан бері "Денсаулық" пойызы келіп тоқтаған Елтай теміржол станциясына ағылып жатыр. Тұрғындар білікті дәрігерлерге қаралуға асығуда.

Пойыз медициналық құралдармен жабдықталған 4 вагоннан тұрады, шағын бір емхана іспеттес. Әрбір вагонда педиатр, терапевт, кардиолог, гинеколог, окулист, хирург, уролог, онколог-маммолог және стоматолог жұмыс істейді. Тіпті, пациенттер мұндағы зертханада УДЗ және флюорографиядан өте алады.

Поезд здоровья
© Sputnik / Абзал Калиев.
Таң атқаннан бері ауыл тұрғындары Елтай станциясына ағылып жатыр

Емханадағы сияқты дәрігерге қаралу үшін мұнда да кезекке тұрасыз.

Вагон-емханаға кірсеңіз, тіркеу бөліміндегі қызметкер сізге медициналық карта ашып, қандай дәрігерге қаралатыныңызды айтады.

Бір сағаттың ішінде шамамен 100 адам толық тексерістен өтті. Ауыл тұрғындары білікті дәрігерге қаралып, денсаулығын тексерткендеріне мәр-сәре болып жатты.

Поезд здоровья
© Sputnik / Абзал Калиев.
Денсаулық пойызында дәрігерлер ауылдықтарға медициналық көмек көрсетуде

Қазақстанның астанасынан бір сағат жерде орналасқан ауылда шамамен 1500 адам тұрады. Елді мекендегі тұрғындардың басым бөлігі – егде жастағы азаматтар. Ал жастар Елтай теміржол бекетінде жұмыс істейді немесе сүт өнімдері мен ет сатып күнін көреді.

Ауылдағы жолдар күрделі жөндеуді талап етеді. Бұл елді мекеннен кеңес үкіметі кезінде салынған әкімшілік ғимаратты да көре аласыз. Бір өкініштісі, Новоникольск ауылында емхана жоқ. Ондағы 1500 тұрғынға 1 фельдшер және акушер медициналық қызмет көрсетеді. Жақын маңдағы аурухана ауылдан 50 шақырым жерде орналасқан.

Поезд здоровья
© Sputnik / Абзал Калиев.
Ауыл тұрғындары үшін дәрігердің қабылдауында болу оңай шаруа емес

"Денсаулық" пойызының бас дәрігері Гүлнәр Мәдиева шалғай елді мекен тұрғындарына денсаулықтарын күту оңай емес екенін атап өтті. Оның айтуынша, мұнда білікті дәрігерлер де, медициналық құралдармен жабдықталған зертхана да жоқ. Ал кейбір тұрғындар теміржол бекетіндегі вагонда алғаш рет медициналық тексерістен өтіп жатыр.

"Денсаулығын тексертпеген пациенттер көп. Аурулары асқынып кеткендері қаншама. Ауылдық жерде тұратын пациенттермен жұмыс істеудің бір қиындығы – олар уақытында дәрігерге қаралмайды әрі медицинадан хабары аз", - дейді терапевт.

Жители поселка у Поезда здоровья
© Sputnik / Абзал Калиев.
Емханадағы сияқты мұнда да кезекке тұрасыз

Осыған дейін Гүлнәр Мәдиева Алматы, Павлодар, Шығыс Қазақстан облыстарындағы шалғай ауылдарда болғанын айтады. Тексеріс барысында дәрігер кейбір тұрғындардан туберкулез, онкологиялық аурулар, қант диабеті, асқазан-ішек жолы аурулары анықталғанын жеткізді.

30 жастағы Оксана есімді әйел отбасымен бірге денсаулығын тексертуге келіпті.

Оның 7 жастағы үлкен қызына дәрігерлер "кіндік жарығы" деген диагноз қойған. Ал Оксана өзінің жүрегі ауыратынын айтады.

Поезд здоровья
© Sputnik / Абзал Калиев.
"Денсаулық" пойызының бас дәрігері Гүлнар Мәдиева

"Хирург, окулист, кардиологтан тексерістен өттік. Дәрігерге тек денсаулығым сыр бергенде ғана келемін. Балалардың көбінесе тамағы, іші ауырады. Дәрігерлер үлкен қызымды елордадағы ауруханаға көрсету қажеттігін жеткізді. Қызыма операция жасайтын шығар", - дейді ол.

Ал зейнеткер Галина Ковтун соңғы кездері денсаулығы нашарлап кеткенін айтады.

Поезд здоровья
© Sputnik / Абзал Калиев.
Зейнеткер Галина Ковтун

"Осында қаралуға келдім. Жауырыным ауырып, мазам қашты. Дәрігерлер бір қабырғамның "өсіп" жатқанын айтты. Бұл пойыз бізге қажет. Себебі, қандай ауруға шалдыққанымызды, қалай емделетінімізді біле аламыз", - деп зейнеткер дәрігерлерге өзінің шексіз алғысын білдірді.

Поезд здоровья
© Sputnik / Абзал Калиев.
Пациенттер дәрігерлерге кезекте тұрғанда балалар арнайы алаңда ойнай алады. Бәрі қарастырылған!

Samruk-Kazyna Trust компаниясы бас директорының орынбасары Әсел Шілдебаева "Денсаулық" пойызында кез келген дәрігердің жұмыс істемейтінін атап өтті. Оның айтуынша, денсаулық сақтау министрлігі медициналық қызметкерлер бригадасын іріктейді. Сондай-ақ олар әрбір 10-15 күн ауысып отырады. Дәрігерлерге қолайлы болу үшін 4 вагонда олар демалып, ұйықтайтын орын қарастырылған.

Поезд здоровья
© Sputnik / Абзал Калиев.
Денсаулық пойызы Қазақстандағы шалғай елді мекендер үшін жұмыс істейді

Сондай-ақ дәрігерлердің жуынатын арнайы бөлмесі де бар. Олар 4 рет ыстық тамақпен қамтасыз етіліпті.

Айта кетейік, "Денсаулық" медициналық пойызы 29 сәуірде жолға шыққан, 21 желтоқсанға дейін жұмыс істейді. Осы уақытқа дейін дәрігерлер еліміздің 14 өңіріндегі 195 бекетте болып, 19 мың шақырым жолды жүріп өтеді.

Олар шамамен 60 мыңнан астам адамды медициналық тексерістен өткізуді жоспарлап отыр. Медициналық пойыз бір бекетте 1-2 күн ғана аялдайды.

  • Педиатр, терапевт, кардиолог, гинеколог, окулист, хирург, уролог, онколог-маммолог және стоматолог жұмыс істейді
    Поезд здоровья
    © Sputnik / Абзал Калиев.
  • Вагон-емханаға кіреберісте дәрігерлерге жолдама беріледі
    Вагон-емханаға кіреберісте дәрігерлерге жолдама беріледі
    © Sputnik / Абзал Калиев.
  •  Денсаулық пойызындағы зертхана
    "Денсаулық" пойызындағы зертхана
    © Sputnik / Абзал Калиев.
1 / 3
© Sputnik / Абзал Калиев.
Поезд здоровья

"Денсаулық" пойызы – әлеуметтік жоба. Ол 2010 жылы "Қазақстан темір жолы" ұлттық компаниясы, Samruk-Kazyna Trust, ішкі істер, денсаулық сақтау министрліктерінің қолдауымен қолға алынған.

Samruk-Kazyna Trust әлеуметтік жобаға 473,8 миллион теңге бөлген.

312
Кілт сөздер:
дәрігер, пойыз, денсаулық
Людмила Бюрабекова

Депутат бұрынғы вице-министрдің отставкасы жайлы: бұған жауап беруі керек

232
Людмила Бюрабекова 23 қыркүйекте өз өтінішімен денсаулық сақтау министрінің орынбасары қызметінен кетті

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова бұрынғы денсаулық сақтау вице-министрі Людмила Бюрабекова өз әрекетіне жауап беруі керек деп санайды.

Бұл туралы мәжілісмен Facebook-тегі парақшасында жазды.

Депутат экс-шенеунікті фармацевтика өнеркәсібінің дамуына мүмкіндік бермей, отандық ғалымдардың препараттары мен құрылғыларын клиникалық сынақтан өткізуге кедергі келтірді деп айыптады.

Смирнованың айтуынша, Бюрабекова шетелдік дәрі-дәрмектің, көрші елдермен салыстырғанда, бірнеше есе қымбатқа сатылуына, зертханалардың бірінде коронавирусқа қарсы ПТР анализінің 20 000 теңге тұруына ықпал еткен.

"Бетперде 110 теңгеден арзан болуы мүмкін емес деп мәлімдеді. Осы жылдың қорқынышты жазында дәрі-дәрмектің жоқтығына бей-жай қарады. Адамдар мен пациенттердің тағдырына алаңдамайтынын көрсетті. Айта берсе, толып жатыр. Ақыр соңында қызметтен босатты-ау. Жай алып тастамаған шығар деген үміттемін. Бұған жауап беруі керек", - деп жазды Смирнова.

Людмила Бюрабекова 23 қыркүйекте өз өтінішімен қызметтен кетті. Ол денсаулық сақтау министрінің орынбасары болып 2020 жылдың сәуірінде тағайындалған еді.

Денсаулық сақтау министрлігін ол уақытта Елжан Біртанов басқарды.

232
Кілт сөздер:
Ирина Смирнова, вице-министр, Денсаулық сақтау министрлігі, коронавирус
Медициналық сақтандыру

Медициналық сақтандыру: жұмыссыз қалған адамға жарнаны кім аударады 

51
(Жаңартылды 15:57 24.09.2020)
Егер жұмыстан шығып кеткен адам жұмыспен қамту орталығында тіркеуге тұрса, ол үшін жарнаны мемлекет аударады

НҰР-СҰЛТАН, 24 қыркүйек – Sputnik. Медициналық сақтандыру қорының басшысы Болат Төкежанов пандемия кезінде табысынан айырылғандар тіркеуге тұрса, жарнаны мемлекет аударатынын мәлімдеді, деп хабарлайды Sputnik Қазақстан тілшісі.

"Иә, бүгінде ондай арыз-шағымдар бар. Себебі жұмысшылардың көбісі демалысқа жіберілді. Ондайда жұмыс кезеңі үзіледі. Егер сіз кәсіпорынның жұмыскері болсаңыз, онда жұмыс берушіге баруыңыз қажет. Ол түспей қалған жарналарыңызды аударып беруі тиіс", - деді Төкежанов орталық коммуникациялар қызметінде өткен брифингте.

Оның айтуынша, жұмыссыз қалған адамдар үшін мемлекет жарна аударады. Бірақ ол үшін жұмыспен қамту орталығында тіркелу керек.

"Егер демалысқа емес, толығымен жұмыстан шығып кетсеңіз, онда жұмыспен қамту орталығына барып, тіркеуге тұруыңыз қажет. Осылайша, сіз жеңілдік алатын адамдардың санатына кіресіз. Олар үшін жарнаны мемлекет аударады. Ал жұмыспен қамту орталығында тіркеуге тұрмасаңыз, 2 125 теңге көлемінде әлеуметтік төлем жасауыңыз қажет. Онсыз медициналық сақтандыру санатына кірмейсіз", - деп түсіндірді Төкежанов.

Оқи отырыңыз: Медициналық сақтандыру қорындағылар қанша жалақы алатыны белгілі болды 

Айта кетейік, пандемия кезінде халықты қолдау шаралары аясында табыссыз қалған адамдарға уақытша сақтандыру мәртебесін беруге шешім қабылданған болатын. Олар:

  • соңғы үш айда бір рет жарна жасаған және екі айда қарызы жоқ жалдамалы жұмысшылар;  
  • соңғы үш айда бір рет жарна жасаған және екі айдан астам қарызы жоқ жеке кәсіпкерлер және жеке іс-тәжірибемен айналысатындар;
  • 42 500 теңге көлемінде бір реттік төлемді алу үшін бірыңғай жиынтық төлемді аударғаннан кейін әлеуметтік мәртебеден айырылғандар, бұрын олар үшін мемлекет жарна жасаған.
51
Кілт сөздер:
жарна, медициналық сақтандыру
Тақырып бойынша
"Қыруар қаржы қалай игерілді": депутат үкіметті есеп беруге шақырды
Министр медициналық сақтандыру қорының жаңа төрағасын таныстырды
Медициналық сақтандыру: екі жұмыс болса, жарна қалай аударылады?
Медициналық сақтандыру қоры қазақстандықтардың наразылығына жауап берді
Архивтегі фото

Ғалымдар шілдеде коронавирустың неліктен күшейіп кеткенін анықтады

0
(Жаңартылды 20:00 24.09.2020)
Ғалымдар шілде айында ыстық және климаты ылғалды елдерде COVID-19 індетінің күшею себебін түсіндірді 

НҰР-СҰЛТАН, 24 қыркүйек – Sputnik. Ауадағы ылғалдың булану жылдамдығы – коронавирустың таралуына себеп болған негізгі жағдайлардың бірі. Инфекция әдісін модельдеген ғалымдар осындай қорытындыға келді, деп хабарлайды EurekAlert!.  

Америкалық Физика институтының мамандары теориялық модельдеу мен гидродинамикалық тәжірибелерді қолдана отырып, ылғалдылықтың, қоршаған ортаның температурасы мен желдің жылдамдығының құрамында вирус бөлшектері бар сілекейдің ең кішкентай тамшыларының таралуына әсерін зерттеген.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді 

Мамандар булану процесі жұқпалы бөлшектердің таралуы үшін шешуші фактор болатынын анықтады.

Сонымен қатар, температура жоғарылап, жылдам булану есебінен ылғалдылық төмендеген жағдайда вирустың өміршеңдігі  айтарлықтай төмендейтіні айқындалды. Ал ыстық ауа райында ылғалдылық жоғарыласа, коронавирустың таралу ықтималдығы арта түседі.  

"Біз жоғары температура мен ылғалдылықтың төмендеуі сілекей тамшыларының булану жылдамдығын жоғарылататынын анықтадық. Ал бұл вирустың өміршеңдігін айтарлықтай азайтады", – дейді зерттеу авторларының бірі Талиб Дбоук.

Ғалымдардың айтуынша, зерттеу нәтижесі пандемияның климаты ыстық әрі ылғалды және халық тығыз орналасқан қалаларда күшею себебін айқындауға көмектескен.

Зерттеу COVID-19 індетінің таралуын болдырмау үшін әлеуметтік қашықтық пен маска киюдің маңыздылығын қолдайтын жұмыстар тізіміне қосылды.

0
Кілт сөздер:
ғалымдар, коронавирус
Тақырып:
Коронавирус эпидемиясы
Тақырып бойынша
Ғалымдар коронавирусқа қарсы дәрінің өлімге әкеп соғатын қаупін анықтады
COVID-19: Ғалымдар антидене ағзада бір ай ғана болатынын анықтады
Ғалымдар коронавирусты өлтіретін ақуыз ойлап тапты
Ғалымдар табиғи антибиотик ойлап тапты
Коронавирусқа қарсы вакцина қанша теңге тұруы мүмкін