Смартфондар

"Намысыма тиеді": тестілеу орталығының жаңа басшысына қандай өтініштер түсіп жатыр?

1856
Дидар Смағұлов мәлімдегендей, жаңа қызметінде біреуге тест тапсыруға немесе ҰБТ-ға телефон алып кіруге көмектеспейді

НҰР-СҰЛТАН, 22 маусым — Sputnik. Ұлттық тестілеу орталығының жаңа басшысы Дидар Смағұлов қызметіне тағайындалғаннан соң түсіп жатқан өтініштер туралы айтты.

Смағұлов бұрын сыбайлас жемқорлыққа қарсы іс-қимыл агенттігінің департаменті директорының орынбасары болып қызмет еткен еді. Жаңа қызметі – тестілеу орталығының басшысы. Орталықтың бұрынғы басшысы жемқорлық жасады деген күдікке ілінген.

Тағы оқыңыз: Тестілеу орталығына жемқорлық дауынан кейін жаңа басшы келді

"Достар, бірінші күннен-ақ осындай пост жазғаным көңіліме жақпайды, бірақ туған-туыс, дос-жаранымның кейбірі мұнда не үшін келгенімді дұрыс түсінбеген сияқты. Мен жемқорлыққа қарсы агенттіктен жемқорлық ең көп жайлаған салалардың біріне біреуге тест тапсыруға немесе смартфон алып кіруге көмектесуге келген жоқпын. Мұндай өтініштер намысыма тиеді. Кейбіреулер телефон соғып, құттықтап, мәселені "шешіп берші" деп сұрап үлгеріп жатыр", - деп жазды Смағұлов Facebook желісінде.

Мұндай ұсыныстар тағы түсіп жатса, тестілеу орталығының жаңа басшысы заң бұзуды өтінгендермен байланысын үзбек. "Өзіміз ғой" деген сөз өтпейді, деді Смағұлов. Ол халықты әділдікке шақырып, армандарды аяқ асты етпеуді сұрады.

"Өкінішке орай, кей түлектер үшін грантқа оқуға түсу – жоғары білім алудың жалғыз мүмкіндігі. 2008 жылы заң факультетіне грантқа түспегенімде, менде аңсаған арманыма жете алмас едім. Себебі Қарағандыдағы ЖОО-да мені ақылы оқытуға отбасымның шамасы келмес еді", - деп жазды Смағұлов.

Тестілеу орталығының жаңа басшысы тағы неге қынжылды?

Жаңа жұмыс орнындағы "байлардың қылығы" Дидар Смағұловтың ашуына тиді. Ол кабинетіндегі хатшыны шақыру батырмасының суретін желіде жариялаған.

"Достар, мынау хатшыны шақыратын батырма... Біреуге хабарласуды сыпайы өтінетін телефон емес, басып қалсаң, жетіп келетін батырма. Бұдан басқа көненің көзі жоқ шығар деп үміттенемін!", - деді Смағұлов.

Ол шенге бас ұрудың не қажеті бар деп, әріптестерінің кабинетке басшы кірсе, атып тұратын әдетін күні бойы қойғызуға тырысқанын айтты. Кейбірінің жасы Смағұловтан екі есе үлкен көрінеді.

"Генерал-лейтенант Шпекбаевтың өзі нағыз әскери адам болса да, залға кіргенде орнымыздан тұруға тыйым салатын", - деп еске алды Смағұлов.

Ол тәкаппарлықты жас басшылардан да байқағанын айтты.

"Жеке лифт, жеке көлік тұрағы, залға кіретін жеке есік, жайылып жастық, иіліп төсек болу... Шынымды айтсам, мұндайды көргенде жүрегім айниды! Мұның бәрін жоямыз!", - деді тестілеу орталығының басшысы.

Еске сала кетсек, ұлттық тестілеу орталығының бұрынғы бас директорын жемқорлыққа қарсы ведомство қызметкерлері ұстап, сотқа дейінгі тергеулер аяқталғанша қамауға алған болатын.

Тағы оқыңыз: Тестілеу орталығындағы шуға вице-министрдің қатысы бар ма?

1856
Кілт сөздер:
Ұлттық тестілеу орталығы
Тақырып бойынша
"Бәрі ұялы телефонмен келіпті": күзет қызметі түлектерді тәртіпке шақырды
Министр Аймағамбетов ҰБТ тапсырып жатқан түлектерге қолдау көрсетті - фото
ҰБТ-2019: тест нәтижелерін қайдан білуге болады
Қазақстанда ҰБТ басталды: Тоқаев тапсырма берді
ҰБТ-дан қанша бала өтпей қалды: министрлік бірінші күнді қорытындылады
WhatsApp мессенджері

"Кешкісін құрбандарын іздейді": Мамлютте маньяк пайда болғаны жайлы ақпарат тарады

1496
(Жаңартылды 19:46 05.08.2020)
Полиция қызметкерлері жалған ақпарат таратып, елді дүрліктірген аудан орталығының 27 жастағы тұрғынын анықтады

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30 шілдеде ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

Оқи отырыңыз: Ақтөбеде жалған ақпарат таратқан әйел жауапқа тартылды 

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

1496
Кілт сөздер:
Солтүстік Қазақстан облысы, жалған ақпарат
Тақырып бойынша
"Төрт адам ұсталды": министр Шорнақ ауылындағы тәртіпсіздік жайлы айтты  
Мемлекет басшысы саяси ойын жасағысы келетіндерге шүйлікті
Жамбыл облысында даулы видеодан кейін бас дәрігер науқасты сотқа берді
Жұртты дүрліктірген видеодағы тікұшақтардың не істеп жүргені белгілі болды  
Қытайдан әкелінген маскаларға инфекция жұқтырылған - министрлік түсініктеме берді
Қасым-Жомарт Тоқаев пен Асхат Аймағамбетов

Тоқаев білім министріне ұстаздарға қатысты екі маңызды тапсырма берді

5296
(Жаңартылды 17:58 05.08.2020)
Президент жаңа оқу жылын дұрыс ұйымдастырудың маңызды екенін ескертіп, қашықтан оқыту кезінде тұрмысы төмен отбасылардан шыққан балаларға қолдау көрсетуге көңіл бөлуді тапсырды

НҰР-СҰЛТАН, 5 тамыз – Sputnik. Білім және ғылым министрі Асхат Аймағамбетов президент Қасым-Жомарт Тоқаевқа министрліктің жаңа оқу жылына дайындығы және бұған дейін берілген тапсырмалардың орындалу барысы жайында есеп берді, деп хабарлады Ақорда сайты.

Президент жаңа оқу жылын дұрыс ұйымдастырудың маңызды екенін ескертті. Әсіресе, қашықтан оқыту кезінде әлеуметтік аз қамтылған отбасылардан шыққан балаларға қолдау көрсету қажеттігіне баса назар аударды.

"Мемлекет басшысы білім және ғылым министріне педагогтердің мәртебесін көтеру жөніндегі жұмысты жалғастыруды, ұстаздарды негізгі қызметінен бөлек жұмысқа жұмылдырмауды және 2021 жылғы қаңтар айына жоспарланған мұғалімдердің жалақысын 25%-ға арттыруды қамтамасыз етуді тапсырды, – делінген хабарламада.

Сондай-ақ, Қасым-Жомарт Тоқаев жоғары оқу орындарының академиялық дербестігін одан әрі кеңейту, жоғары білімнің сапасын арттыру және ЖОО-дағы ғылымды дамыту туралы тапсырма берді.

Оқи отырыңыз: "Ашық айтуымыз керек": білім министрі үкіметте маңызды мәселені көтерді

5296
Кілт сөздер:
ұстаздар, білім
Тақырып бойынша
Білім министрі Аймағамбетов сүйінші жаңалығын бөлісті
Депутат білім министріне ата-аналарды мазалаған мәселені жеткізді
Білім күні қалай өтеді – министр жауап берді 
Аймағамбетов жаңа оқу жылында білім алудың ерекшеліктерін атады
Білім министрлігі карантинге байланысты қандай өзгеріс болғанын хабарлады
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты