Қариялардың қолы, архивтегі сурет

Еңбек министрі Қазақстанда орташа зейнетақы қанша екенін айтты

4169
(Жаңартылды 11:45 24.06.2019)
Биыл жәрдемақыларды төлеуге республикалық бюджеттен 569 миллиард теңге қарастырылған

НҰР-СҰЛТАН, 24 маусым – Sputnik. Қазақстанда жиынтық зейнетақының орташа мөлшері 85 мың теңгеден асты. Бұл туралы еңбек және халықты әлеуметтік қорғау министрі Бердібек Сапарбаев мәлімдеді, деп хабарлайды Sputnik Қазақстан тілшісі.

Сапарбаев халықтың өтініш-тілегін ескере отырып, былтырдан бері базалық зейнетақы еңбек өтіліне байланысты төленетінін атап өтті. Айтуынша, 2,1 миллионнан астам зейнеткердің базалық зейнетақысы 80 процентке дейін өскен.

"Жалпы, өткен жылы зейнетақы 23%-ке өсіп, зейнетақының орташа мөлшері 81 062 теңгені құрады. 2019 жылдың 1 маусымындағы жағдай бойынша, базалық зейнетақының орташа мөлшері 27 001 теңге, ал жиынтық зейнетақының (ынтымақты және базалық зейнетақы) орташа мөлшері 85 785 теңге болып отыр", - деді министр халыққа есеп беру кездесуінде.

Ол зейнетақы рәсімдеу тәртібі цифрландырудың арқасында оңтайландырылып жатқанын айтты.

Сондай-ақ, министр ең төменгі күнкөріс деңгейіне тоқталды. 2018 жылдың 1 қаңтарынан бастап ең төменгі күнкөріс деңгейінің құрылымы ондағы азық-түлік емес бөліктердің үлесін 40%-тен 45%-ке дейін ұлғайту жолымен қайта қаралған. Нәтижесінде, 3 миллион қазақстандық үшін әлеуметтік төлемдер 16%-ке дейін өсті.

Жәрдемақылардың кейбір түрі инфляцияны ескере отырып, 5 процентке ұлғайды.

"Жалпы биыл жәрдемақыларды төлеуге республикалық бюджеттен 569 миллиард теңге қарастырылған", - деді ол.

Бұған қоса, министрліктің ақпаратына сүйенсек, былтыр 6,1 миллионнан астам жұмыс істейтін азамат міндетті әлеуметтік сақтандыру жүйесімен қамтылды. Елбасы еңбек өтілі мен мемлекеттік әлеуметтік сақтандыру қорынан төленетін әлеуметтік төлемдер мөлшері арасындағы өзара байланысты күшейту бойынша тапсырма берген болатын. Оны іске асыру үшін қазір мәжілісте "Міндетті әлеуметтік сақтандыру туралы" жаңа заң жобасы қаралып жатыр.

Тағы оқыңыз: Зейнетақы жинағын кредитті жабуға пайдалануға бола ма?

2020 жылдан бастап еңбек ету қабілетінен айырылу, асыраушысынан айырылу және жұмыссыз қалу кезінде төленетін әлеуметтік төлемдердің мөлшері орта есеппен 30%-ке артады деп жоспарлануда. 

4169
Кілт сөздер:
зейнетақы, Қазақстан, Еңбек министрлігі
Тақырып:
Зейнетақы мөлшері қалай өзгерді (66)
Тақырып бойынша
Министр мұғалімдердің 48 жасында зейнетке шығу мүмкіндігі туралы айтты
Мәжіліс зейнеткерлердің өмірін жеңілдететін заң жобасын мақұлдады
Қазақстанға да қатысты: Путин зейнетақы жүйесіндегі өзгеріс туралы айтты
Мәжіліс депутаттары зейнетақыны бір реттік төлеммен беруді сұрап отыр
Қазақстандықтардың зейнетақы қорындағы ақшасы баспана салуға жұмсалуы мүмкін
коронавирус

Денсаулық министрлігі екі тәулікте қанша адам қайтыс болғанын жариялады

651
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

651
Кілт сөздер:
коронавирус
Тақырып:
Коронавирус эпидемиясы
коронавирус

Қазақстанда бір тәулікте 64 адам коронавирус жұқтырды

1517
(Жаңартылды 10:42 27.09.2020)
Өткен тәулікте 136 адам коронавирус індетінен емделіп шықты, Қазақстан бойынша жазылғандар саны – 102 666

НҰР-СҰЛТАН, 27 қыркүйек — Sputnik. Қазақстанда өткен тәулікте 64 адамнан коронавирус табылды, деп хабарлады денсаулық сақтау министрлігі.

Қалалар мен өңірлер бойынша:

  • Нұр-Сұлтан қаласы - 10
  • Алматы қаласы - 3
  • Ақмола облысы - 4
  • Ақтөбе облысы - 2
  • Алматы облысы - 2
  • Атырау облысы - 4
  • Шығыс Қазақстан облысы - 17
  • Жамбыл облысы - 2
  • Батыс Қазақстан облысы - 2
  • Қарағанды облысы - 4
  • Қостанай облысы - 3
  • Маңғыстау облысы - 2
  • Павлодар облысы - 4
  • Солтүстік Қазақстан облысы - 5

Жалпы, пандемия басталғалы бері  ел бойынша ауырғандар саны 107 723 адамға жетті.

Өткен тәулікте 136 адам коронавирус індетінен емделіп шыққан. Қазақстан бойынша жазылғандар саны – 102 666.

1517
базар, өрт, архив

Ақтауда базар өртенді видео

1
"Масат" базарындағы өртті сөндіруге төтенше жағдайлар департаментінің 68 қызметкері жұмылдырылды

НҰР-СҰЛТАН, 27 қыркүйек — Sputnik. Ақтауда таңертең "Масат" азық-түлік базарынан өрт шықты. Өрт сөндірушілер жалынды үш сағат ішінде сөндірді, деп хабарлады Қазақстанның төтенше жағдайлар министрлігінің баспасөз қызметі.

Маңғыстау облысының төтенше жағдайлар департаментіне өрт туралы хабар сағат 7.55-те түскен. 17 бутик, 14 контейнер, 60 сауда сөресі отқа оранған. Өрттің жалпы аумағы – 750 шаршы метр.

Өрт сағат 10.27-де толығымен сөндірілген. Қаза болғандар мен зардап шеккендер жоқ.

Тілсіз жауды ауыздықтауға төтенше жағдайлар департаментінің 68 қызметкері мен 13 техника жұмылдырылды.

Еске сала кетсек, осы базар 2017 жылдың бірінші қаңтарында өртенген болатын. Өрттің жалпы аумағы шамамен 1,5 мың шаршы метрге жеткен еді.

1
Кілт сөздер:
өрт, видео