Зейнеткер, архивтегі сурет

Сапарбаев зейнетақы неге бірден толық көлемде берілмейтінін түсіндірді

4419
Министр бұған дейін зейнетақыны бірден төлеген кезде мақсатсыз, оңды-солды жұмсалғанын айтты

НҰР-СҰЛТАН, 24 маусым – Sputnik. Халыққа есеп беру кездесуінде еңбек және халықты әлеуметтік қорғау министрі Бердібек Сапарбаев зейнетақыға қатысты жұртты мазалаған сұрақтарға жауап берді, деп хабарлайды Sputnik Қазақстан тілшісі.

Халыққа есеп беру кездесуінде залда отырғандар министрден зейнетақыны бірден шешіп алуға қатысты сұрақ қойды.

"Бұрын зейнетақы бір реттік төлем ретінде берілетін еді, қазір оны алып тастаған. Бұл біздің ақшамыз ғой, кейбіріне ем үшін, енді біріне балаларын оқытуға, ипотекасын жабуға қажет", - деді әйел.

Сапарбаевтың айтуынша, зейнетақы жинағы әлеуметтік қолдау ретінде барлық зейнеткерге төленеді. Бірақ бұрынғы тәжірибе зейнетақыны бірден төлеген кезде, оның мақсатсыз, оңды-солды жұмсалып кететінін көрсетіп отыр.

"Осыдан кейін зейнеткер ең төменгі зейнетақымен қалады. Содан барып маған өмір сүру үшін қосымша ақша беріңдер деген мәселе көтереді. Сондықтан ынтымақты зейнетақы сияқты жинақтаушы зейнетақыны да ай сайын беру туралы шешім қабылданды", - деп жауап берді министр.

Тағы оқыңыз: Қазақстанда орташа зейнетақы мөлшері қандай?

Сондай-ақ, сұрақ-жауап барысында зейнетке шыққан мемлекеттік қызметкер еңбек (ынтымақты) зейнетақысының қысқарып бара жатқанына алаңдады.

"Мен өзім 43 жыл мемлекеттік қызметте істеп, зейнетке шықтым. Зейнетақының мөлшеріне ризамын, ұдайы сұрай бергенше, еңбек ету керек дегеннің жағындамын...1998 жылға дейін қызмет еткен азаматтар еңбек зейнетақысы деген ақшаны алады. Соңғы жылдары ол біртіндеп қысқарып бара жатыр. Бұл солай жалғасып, нөлге айнала ма, жоқ әлде жаңа бағдарлама бола ма?", - деп сұрады ол министрден.

"Өкінішке қарай, 1998 жылға дейін еңбек еткен азаматтардың зейнетақысы азайып, ертең ол үлкен мәселеге айналуы мүмкін. Сондықтан, ең алдымен, Бірыңғай жинақтаушы зейнетақы қорына түсетін ақшаны көбейтіп жатырмыз. Қазір азаматтар оған өздері 10 процент төлейді. Ал келесі жылдан бастап жұмыс берушілер бес процент төлейтін болады.Сонда барлығы 15 процентті құрайды. Ал қазір зейнетте жүрген азаматтардың зейнетақысы инфляция деңгейіне қарай өсіп отырады", - деді Сапарбаев.

4419
Кілт сөздер:
зейнетақы, Бердібек Сапарбаев
Тақырып:
Зейнетақы мөлшері қалай өзгерді (66)
Тақырып бойынша
Министр мұғалімдердің 48 жасында зейнетке шығу мүмкіндігі туралы айтты
Мәжіліс зейнеткерлердің өмірін жеңілдететін заң жобасын мақұлдады
Зейнетақы жинағын кредитті жабуға пайдалануға бола ма – Ұлттық банк жауабы
Қазақстанға да қатысты: Путин зейнетақы жүйесіндегі өзгеріс туралы айтты
Мәжіліс депутаттары зейнетақыны бір реттік төлеммен беруді сұрап отыр
Людмила Бюрабекова

Депутат бұрынғы вице-министрдің отставкасы жайлы: бұған жауап беруі керек

271
Людмила Бюрабекова 23 қыркүйекте өз өтінішімен денсаулық сақтау министрінің орынбасары қызметінен кетті

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова бұрынғы денсаулық сақтау вице-министрі Людмила Бюрабекова өз әрекетіне жауап беруі керек деп санайды.

Бұл туралы мәжілісмен Facebook-тегі парақшасында жазды.

Депутат экс-шенеунікті фармацевтика өнеркәсібінің дамуына мүмкіндік бермей, отандық ғалымдардың препараттары мен құрылғыларын клиникалық сынақтан өткізуге кедергі келтірді деп айыптады.

Смирнованың айтуынша, Бюрабекова шетелдік дәрі-дәрмектің, көрші елдермен салыстырғанда, бірнеше есе қымбатқа сатылуына, зертханалардың бірінде коронавирусқа қарсы ПТР анализінің 20 000 теңге тұруына ықпал еткен.

"Бетперде 110 теңгеден арзан болуы мүмкін емес деп мәлімдеді. Осы жылдың қорқынышты жазында дәрі-дәрмектің жоқтығына бей-жай қарады. Адамдар мен пациенттердің тағдырына алаңдамайтынын көрсетті. Айта берсе, толып жатыр. Ақыр соңында қызметтен босатты-ау. Жай алып тастамаған шығар деген үміттемін. Бұған жауап беруі керек", - деп жазды Смирнова.

Людмила Бюрабекова 23 қыркүйекте өз өтінішімен қызметтен кетті. Ол денсаулық сақтау министрінің орынбасары болып 2020 жылдың сәуірінде тағайындалған еді.

Денсаулық сақтау министрлігін ол уақытта Елжан Біртанов басқарды.

271
Кілт сөздер:
Ирина Смирнова, вице-министр, Денсаулық сақтау министрлігі, коронавирус
Медициналық сақтандыру

Медициналық сақтандыру: жұмыссыз қалған адамға жарнаны кім аударады 

53
(Жаңартылды 15:57 24.09.2020)
Егер жұмыстан шығып кеткен адам жұмыспен қамту орталығында тіркеуге тұрса, ол үшін жарнаны мемлекет аударады

НҰР-СҰЛТАН, 24 қыркүйек – Sputnik. Медициналық сақтандыру қорының басшысы Болат Төкежанов пандемия кезінде табысынан айырылғандар тіркеуге тұрса, жарнаны мемлекет аударатынын мәлімдеді, деп хабарлайды Sputnik Қазақстан тілшісі.

"Иә, бүгінде ондай арыз-шағымдар бар. Себебі жұмысшылардың көбісі демалысқа жіберілді. Ондайда жұмыс кезеңі үзіледі. Егер сіз кәсіпорынның жұмыскері болсаңыз, онда жұмыс берушіге баруыңыз қажет. Ол түспей қалған жарналарыңызды аударып беруі тиіс", - деді Төкежанов орталық коммуникациялар қызметінде өткен брифингте.

Оның айтуынша, жұмыссыз қалған адамдар үшін мемлекет жарна аударады. Бірақ ол үшін жұмыспен қамту орталығында тіркелу керек.

"Егер демалысқа емес, толығымен жұмыстан шығып кетсеңіз, онда жұмыспен қамту орталығына барып, тіркеуге тұруыңыз қажет. Осылайша, сіз жеңілдік алатын адамдардың санатына кіресіз. Олар үшін жарнаны мемлекет аударады. Ал жұмыспен қамту орталығында тіркеуге тұрмасаңыз, 2 125 теңге көлемінде әлеуметтік төлем жасауыңыз қажет. Онсыз медициналық сақтандыру санатына кірмейсіз", - деп түсіндірді Төкежанов.

Оқи отырыңыз: Медициналық сақтандыру қорындағылар қанша жалақы алатыны белгілі болды 

Айта кетейік, пандемия кезінде халықты қолдау шаралары аясында табыссыз қалған адамдарға уақытша сақтандыру мәртебесін беруге шешім қабылданған болатын. Олар:

  • соңғы үш айда бір рет жарна жасаған және екі айда қарызы жоқ жалдамалы жұмысшылар;  
  • соңғы үш айда бір рет жарна жасаған және екі айдан астам қарызы жоқ жеке кәсіпкерлер және жеке іс-тәжірибемен айналысатындар;
  • 42 500 теңге көлемінде бір реттік төлемді алу үшін бірыңғай жиынтық төлемді аударғаннан кейін әлеуметтік мәртебеден айырылғандар, бұрын олар үшін мемлекет жарна жасаған.
53
Кілт сөздер:
жарна, медициналық сақтандыру
Тақырып бойынша
"Қыруар қаржы қалай игерілді": депутат үкіметті есеп беруге шақырды
Министр медициналық сақтандыру қорының жаңа төрағасын таныстырды
Медициналық сақтандыру: екі жұмыс болса, жарна қалай аударылады?
Медициналық сақтандыру қоры қазақстандықтардың наразылығына жауап берді
Архивтегі фото

Ресейлік онлайн мектептер сертификатталуы мүмкін

0
Жұмысты Россотрудничество ағарту министрлігімен бірлесіп қолға алды, ол бірінші кезекте шетелде тұратын ресейліктерге бағытталған

НҰР-СҰЛТАН, 24 қыркүйек – Sputnik. Россотрудничество ресейлік онлайн мектептерді сертификаттап, шетелде тұратын ресейліктер үшін емтихан тапсыруды жеңілдетуді ұсынып отыр. Бұл туралы Россотрудничество басшысы Евгений Примаков айтты.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді 

"Біз шетелде мектеп ашу әрдайым мүмкін емес екенін түсінеміз. Сондықтан "отбасылық", " үй" форматындағы онлайн оқытуды қолдаудың болашағы зор, өте қызықты және бізде де, шетелде де сұраныс артып келеді", - деді Примаков.

Ол шетелдегі көптеген ресейлік үшін бұл Ресей стандарттары бойынша білім алудың санаулы тәсілдерінің бірі екенін атап өтті.

"Сертификаттау, емтихан тапсыру мәселесі әлі де бар, бірақ мұны да талқылауға болады, бұл жұмысты ағарту министрлігіндегі әріптестерімізбен бірлесіп жүргізіп жатырмыз, оны сертификаттау үшін не істеу керек екендігі қарастырылуда. Қазір бірнеше ұсыныс бар", - деп түсіндірді Примаков.

Ол сондай-ақ Россотрудничество кез келген білім беру идеясын, алаңдарын, формаландырудың, институттандырудың кез келген дәрежесін қолдайтынын атап өтті.

"Бұл бізге келетін жеке бастамалар, мемлекеттік бастамалар болуы мүмкін, үкіметаралық келісімдер негізінде мектеп құрылған кезде оңайға соқпайды", - деп түсіндірді Россотрудничество басшысы.

Примаков көптеген отандасын Ресейдің білім беру жүйесі - мәдениет, өнер, гуманитарлық білім саласы да, нақты ғылымдар саласы да қызықтыратынын айтты.

"Біз бұл бастамалардың барлығын құптаймыз және қолымыздан келгенше қолдау көрсетуге дайынбыз", - деп аяқтады ол.

0
Тақырып бойынша
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту баланың оқу үлгерімін төмендете ме – министрдің жауабы
Білім саласында жемқорлық неге көбейді?
Баланы онлайн оқуға қалай дайындау керек – психологтар кеңес берді