Қазақстан Республикасы азаматының паспорты, архивтегі фото

Жүзге жуық оралманға азаматтық берілмей жатыр вице-министр себебін айтты

451
Ауғанстаннан келетін отандастарымыздың төлқұжатында "қазақ" деген сөз жоқ

НҰР-СҰЛТАН, 27 маусым – Sputnik. Дүниежүзі қазақтары қауымдастығы Ауғанстаннан келген қандастардың мәселесін көтерді, деп хабарлайды Sputnik Қазақстан тілшісі.

Ұйым өкілі Қарлығаш Бекпатшақызының айтуынша, бүгінде Ауғанстаннан келетін қандастарымыз көп қиындық көреді. Алматының өзінде бірнеше отбасы үш жылдан бері азаматтық ала алмай далада қаңғып жүр.

"Адамға қарап "сіз қазақ емессіз" деп айта салуға болмайды. Ол жақта "қазақ" деп құжатқа жазылмайды. Соның кесірінен қазіргі кезде Ауғанстаннан келген 95 адамның үстінен іс қозғалды дейді. Ол 95 отбасы – 95 тағдыр. Өткенде Алматыда болып, арыз-шағымдарды қабылдағанда Ауғанстаннан келген 15 отбасының соңғы үш жыл бойы күнін көре алмай, қаңғып жүргенін көрдік. Ал 15 отбасының әрбіреуінде бес адам болса, қанша адамның қаңғып жүргенін санай беріңіз", - деді Бекпатшақызы мәжілісте өткен жиында.

Еңбек және халықты әлеуметтік қорғау вице-министрі Ахмади Сарбасов Sputnik Қазақстан тілшісіне берген сұхбатында аталған мәселенің мән-жайын түсіндірді.

Тағы оқыңыз: Қазақстанға оралған қандастардың еңбек өтілі зейнетке шыққанда есепке алынады

"Қазіргі кезде Ауғанстаннан келетін отандастарымыз оралман мәртебесін алу үшін жергілікті органдарға барады. Бірақ олардың төлқұжатында "қазақ" деген сөз жоқ. Ондай адамдар көп емес. Бірақ екі-үш мемлекеттен келетіндерде ондай проблема бар. Ауғанстан да ұлтты көрсетпейді. Содан басқа қағаздарын алып келеді. Оның ішінде "қазақ" деп жазылып тұрады. Бірақ түріне қарасаң қазаққа ұқсамайды. Негізгі сұрақтар осы. Оның қазақ екенін қалай анықтаймыз? Осыны шешуіміз керек", - деп атап көрсетті Сарбасов.

451
Кілт сөздер:
Ауғанстан, қазақ, оралман
Тақырып бойынша
Зейнеткерлер мен оралмандар тегін баспана алушылар тізімінен алынып тасталады
Ауғанстанның 49 азаматы елімізде оралман қазақтың мәртебесін алмақ болған
Оралман мәртебесінің мерзімі ұзартылмақ
Сандалған оралман ерлі-зайыптының жылағаннан басқа амалы болмай тұр
Оңтүстік Қазақстанда жүздеген оралман картада жоқ ауылда тұрып жатыр
Оралман мәртебесін беру тәртібі өзгереді – министрлік мән-жайды түсіндірді
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

100
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

100
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

49
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

49
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті