Шоколад

Шоколадтың біз білмейтін қандай пайдасы бар?

2761
(Жаңартылды 09:43 11.07.2019)
Дүниежүзілік шоколад күні дәрігерлер шоколадты қашан және қанша жеу керектігін айтты

НҰР-СҰЛТАН, 11 шілде — Sputnik. Шоколадты күнде жеуге болады, бірақ белгілі бір мөлшерде және белгілі бір уақытта, деп хабарлайды дәрігерлер РИА Новости агенттігіне.

Шоколадты қашан жеуге болады?

Қою қара шоколадты күнделікті жесе де, денсаулыққа зияны тимейді, бірақ оны түске дейін жеген абзал.

Себебі шоколад - жоғары калориялы өнім, сонымен бірге құрамында адамның ұйқысын қашыратын алкалоидтар бар.

Шоколадтың пайдасы

Сеченов университетінің поликлиникалық терапия кафедрасының профессоры, медицина ғылымдарының докторы Алексей Буеверовтың пікірінше, құрамындағы какао мөлшері 50 проценттен кем емес қою қара шоколадты күн сайын 50 грамнан ғана жеген жөн. Ауыр жұмыс істейтін немесе спортпен шұғылданатындарға көбірек жеуге болады.

Тағы оқыңыз: Шоколадтан жасалған көйлектер - видео

Қою қара және сүтті шоколадтың энергетикалық құндылығы бірдей, деп санайды диетолог дәрігер, медицина ғылымдарының кандидаты Елена Ливанцова. 

Дегенмен қою қара шоколадтың пайдасы көбірек, себебі құрамында какао мол болғандықтан, пайдалы заттарға бай.

"Қазір қою қара шоколад құрамындағы биофлавоноидтер жан-жақты зерттеліп жатыр. Олардың холестерин айналымына оң әсері анықталып жатыр, яғни шоколадтың құрамында май болса да, холестерин деңгейін төмендетуге көмектеседі", - деп түсіндірді Ливанцова.

Шоколад адам ағзасына энергия беріп қана қоймай, жақсы көңіл-күй сыйлайды, сондай-ақ бауырды қорғайды.

Шоколадтың зияны

Шоколадты ұйқы безі ауруына шалдыққандарға жеуге болмайды.

Тағы оқыңыз: Қанттан мүлдем бас тартса, не болады?

Шоколадты шамадан тыс көп жесе, адамның салмағы артып, көмірсутек айналымы бұзылуы мүмкін, сонымен бірге шоколад асқазанды ауыртып, ішті кептіреді, тісте қаңғұрт пайда болуы мүмкін екенін де ұмытпау қажет.

Дүниежүзілік шоколад күні

Дүниежүзілік шоколад күні жыл сайын 11 шілдеде аталып өтеді. Оны бастапқыда француздар тойлап, осы тәтті тағамға арналған түрлі мерекелік шаралар ұйымдастыратын. Кейінірек мейрам кең танымал болып, Еуропаның басқа елдерінде де мерекелене бастады.

2761
Кілт сөздер:
шоколад
Тақырып бойынша
Жеген сайын адамды бақытты ететін 7 тағам
Ғалымдар қартаюды баяулататын өнімдерді атады
"Тәтті" төтенше оқиға: бір тонна еріген шоколад көшеге ағып кетті - фото
Салмағы 29 келі ғана болған қыз кәмпиттің арқасында адам танымастай өзгеріп кетті
Дәрі-дәрмек, архивтегі фото

Дәрі-дәрмекті заңсыз сатқандарға қандай жаза қарастырылған?

3
Жеке тұлғалар үшін 70, ал ірі кәсіпкерлік нысандар үшін 1 000 айлық есептік көрсеткішке дейін айыппұл салынады

НҰР-СҰЛТАН, 7 шілде – Sputnik. Ішкі істер министрлігі дәрі-дәрмекті заңсыз саудалауға қандай жаза қарастырылғанын түсіндірді, деп хабарлайды Sputnik Қазақстан тілшісі.

Министрдің орынбасары Алексей Калайчидидің айтуынша, карантин кезінде медициналық препараттарға сұраныс күрт өскен. Содан табыс көргісі келетіндер де аз емес. Олар дәрілерді қымбат бағаға сатады. Сол үшін заңсыз кәсіпкерлікпен де айналысады. Алыпсатарлардың ішінде дәріхана қызметкерлері де, қарапайым азаматтар да бар.   

"Қазіргі таңда 17 оқиғаға қатысты Қылмыстық кодекстің 214-бабы – "заңсыз кәсіпкерлік қызмет" бойынша сотқа дейінгі тергеу басталды. 30 факт негізінде тәртіп бұзушылар әкімшілік жазаға тартылып отыр", - деді Калайчиди бүгінгі онлайн брифингте.

Оның айтуынша, Әкімшілік құқық бұзушылықтар туралы кодексте дәрі-дәрмекті қымбат бағаға сатқандар үшін жауапкершілік қарастырылған. 426-бапта жазасы жазылған.   

"Осы бапқа сәйкес, жеке тұлғалар үшін 70 айлық есептік көрсеткіш, ал ірі кәсіпкерлік нысандар үшін 1 000 айлық есептік көрсеткішке дейін айыппұл салынады. Дәрі-дәрмекті тәркілеу шарасы бар. Лицензиясын да кері қайтаруы мүмкін", - деп атап өтті Калайчиди.

Оқи отырыңыз: Үш айға жететін дәрі-дәрмекті бір аптада сатып алды – облыс әкімі 

Айта кетейік, заңсыз кәсіпкерлік қызмет үшін 2 000 АЕК-ке дейінгі айыппұл, екi жылға дейiнгi мерзiмге бас бостандығын шектеу не сол мерзімге бас бостандығынан айыру жазасы қарастырылған. Құқық қорғаушылардың айтуынша, тәркіленген дәрі-дәрмектің бәрі медициналық ұйымдарға таратылады.

3
Кілт сөздер:
карантин, дәрі-дәрмек
Тақырып:
Коронавирус эпидемиясы
Тақырып бойынша
Нұр-Сұлтанда дәрі-дәрмекке қатысты жедел желі іске қосылды
Алматыда парацетамол мен термометр тапшылығы мәселесі қалай шешілді?
"Бұған жол беруге болмайды": Тоқаев жұртты алаңдатқан мәселе туралы айтты
Денсаулық министрі парацетамол тапшылығына кімдер кінәлі екенін айтты 
Дәрі-дәрмекті қымбатқа сатқандар жазаланады 
Шымкентте тегін таратылуы тиіс дәрілерді ұрлаған сатушы ұсталды
Денсаулық министрі алыпсатарлар қанша табыс тауып жатқанын айтты
дәрігерлер, короанвирус

Нұр-Сұлтанда медициналық академия түлектері дәрігерлерге көмектеседі 

52
Елордада қазір 3 500 дәрігер бар, сонымен бірге 8 мыңға жуық медбике жұмыс істеп жүр, бірақ бұл жеткіліксіз

НҰР-СҰЛТАН, 7 шілде – Sputnik. Елорданың әкімі Алтай Көлгінов маман тапшылығы мәселесі қалай шешілетінін айтты, деп хабарлайды Sputnik Қазақстан тілшісі.

"Қазір бізде 3 500 дәрігер бар. Сонымен бірге, 8 мыңға жуық медбике жұмыс істеп жүр. Әрине, бүгінде дәрігерлерге үлке салмақ түсуде. Осыған байланысты біз денсаулық сақтау министрлігімен арнайы жоспарды бекіттік. Сол жоспарға сәйкес, оқу орындарының түлектері көмекке тартылатын болады", - деді Көлгінов бүгінгі онлайн брифингте.

Әкімнің айтуынша, биыл астанада медициналық колледждерді 270 студент тәмамдады. Барлығы дипломын алып, арнайы дайындықтан өтті. Бүгінде жас мамандар дәрігерлерге көмектесуге кірісіп кетті.

"Сонымен бірге, осы 15 шілдеден бастап медициналық академияның түлектерін де жұмысқа жұмылдыратын боламыз. Оған сәйкес жоспарымыз бар, тиісті көмегін көрсетеміз", - деді Көлгінов бүгінгі онлайн брифингте.

Әкімнің айтуынша, бүгінде қаладағы стационарлық орындардың басым бөлігі бос емес. Ал эпидемиологиялық жағдай нашарласа, жатақханаларда қосымша орындар ашылады.

"Қазіргі кезде қаладағы стационарларда 3 700 орын бар. Бірақ 80 проценті толып тұр. Егер эпидемиологиялық жағдай қиындап кетсе, жоғары оқу орындарының жатақханаларында қосымша 1 000 орын жасақталады", - деп атап көрсетті Көлгінов.

52
Кілт сөздер:
дәрігерлер