Қорықшы Самат Оспанов

Браконьерлер шабуылынан тірі қалған қорықшы алғаш рет тілшілерге сұқбат берді

3680
Браконьерлер шабуылы кезінде жарақат алған Самат Оспанов қаза тапқан әріптесі Қаныш Нұртазинов туралы айтты

КӨКШЕТАУ, 27 шілде — Sputnik. Браконьерлер шабуылынан аман қалған Охотзоопром инспекторы Самат Оспанов алғаш рет тілшілерге сұқбат берді. Ол қазір Ақмола облыстық көпбейінді ауруханасында емделіп жатыр.

Жұма күні Көкшетауға экология министрі Мағзұм Мырзағалиев арнайы ұшып келіп, қорықшыны ІІ дәрежелі "Айбын" орденімен марапаттады.

Ер адам тілшілерге берген сұқбатында қаза тапқан әріптесі Қаныш Нұртазиновты еске алды, деп хабарлайды Sputnik Қазақстан тілшісі.

Дәрігерлер науқастың жағдайын қанағаттандырарлық дегенімен, психологиялық денсаулығына алаңдап отыр.

Выживший после нападения браконьеров егерь Самат Оспанов
© Sputnik / Меруерт Алимова
Браконьерлер шабуылы кезінде Самат Оспанов иығы мен кеудесінен оқ жарақатын алған

"Самат әріптесінің қазасын ауыр күйзеліспен қабылдады. Сондықтан әйелінің қасында болып, күтім жасауына рұқсат еттік", - деп түсіндірді бас дәрігердің хирургия бойынша орынбасары  Дмитрий Чайков.

Оның айтуынша, Саматтың беті бері қарап келеді, жоспар бойынша ем қабылдап жатыр.

Тағы оқыңыз: Тоқаев браконьерлердің жазасын күшейтуді тапсырды

"Келесі аптада сәрсенбі немесе бейсенбі күні ауруханадан шығарсақ деп отырмыз", - дейді Чайков.

Бұған дейін Самат Оспанов тілшілермен сөйлесуден үзілді-кесілді бас тартқан болатын. Әйелінің айтуынша, қорықшы әріптесі Қаныш Нұртазиновтың қазасына қатты қайғырған екен.

"Бір-бірімізді бұрыннан білмесек те, бірден достасып кеттік. Бір апта бұрын ғана таныстық. 17 шілдеде ол да мен сияқты іссапармен келді. Жиырма күн бірге жұмыс істеуіміз керек болатын. Бізді ортақ мақсатымыз – барконьерлікке жол бермеу, сирек кездесетін жануарларды қорғау біріктірді. Өзі сондай жайдары, мейрімді еді, бірақ сөзі мен ісіне мығым екенін де байқадым. Мені "құрдас" деп жақын тартатын",  - дейді Самат.

Марқұм қорықшының артында әйелі мен бала-шағасы, қарт анасы қалды.

"Қазір олардың қандай күйде екенін елестету қиын. Иманды болсын, жарқын бейнесі жадымда қалды. Әйеліне күш-қуат, сабыр берсін", - деп көңілін білдірді Оспанов.

Марқұмның әйелі қандай күйде екенін Саматтың жары жақсы түсінеді. Сол қаралы күні Қарағандыда ата-анасының үйінде болыпты.

"Саматтың аман қалғаны үшін Жаратқанға мың алғыс, күйеуімнің әріптесінің туыстарына күш-қуат берсін деп тілеймін", - дейді әйел.

Раненный браконьерами егерь Самат Оспанов с супругой
© Sputnik / Меруерт Алимова
Самат Оспанов жарымен бірге

Самат қорықшы қызметін әрі қарай жалғастырамын деп отыр. Ал осы уақытқа дейін жанынан бір елі ажырамаған әйелі жібергісі келмейді.

"Ең бастысы жұмыс емес. Өмірдің мәні – отбасың мен бала-шағаң. Жібермеймін. Айып етпессіздер, түсінуге тырысыңыздар", - дейді ол.

Еске сала кетсек, марқұм Қаныш Нұртазинов  І дәрежелі "Айбын" орденімен наградталды.

Тағы оқыңыз: Қорықшыны өлтірді деген күдікпен әкелі-балалы Арқалық тұрғындары ұсталды

Аурухана дәлізінде тілшілерге сұқбат берген экология министрі ведомствоның қандай шараларды қолға алатынын айтты: заңсыз аңшылық үшін жазаны күшейту, қорықшылардың материалдық базасын нығайту.

"Сонымен қатар қорықшылардың кәсіби дайындығымен айналысамыз. Деңгейін арттыру қажет, ол үшін теория және практика бойынша курс енгіземіз", - деп сөзін түйіндеді Мағзұм Мырзағалиев.

Министр экологии посетил раненного браконьерами егеря Самата Оспанова
© Photo : Меруерт Алимова
Экология министрі ауруханада жатқан қорықшы Самат Оспановтың көлін сұрауға келді

Еске сала кетсек, 2019 жылдың 23 шілдесінде Ақмола облысы Жарқайың ауданында қорықшыларға шабуыл жасады деген браконьерлер ұсталды. Олар – әкелі-балалы Арқалық тұрғындары.

3680
Кілт сөздер:
сұхбат, қорықшы, тірі қалу, шабуыл, браконьер
ПТР-зертхана, Нұр-Сұлтан

Өткен тәулікте 980 адамнан коронавирус табылды

18
Қазақстанда коронавирус инфекциясын жұқтырғандардың саны 96 922 адамға жетті. Індеттен 70 680 адам жазылып шықты

НҰР-СҰЛТАН, 7 тамыз – Sputnik. Қазақстанда өткен тәулікте 980 адам коронавирус індетімен ауырғаны белгілі болды, деп хабарлады  COVID-19 індетін таратпау жөніндегі ведомствоаралық комиссия.

Оның ішінде клиникалық белгілері жоқ 502 тасымалдаушы тіркелді.

Өңірлер бойынша (жалпы статистика/симптомсыз науқастар):

  • Нұр-Сұлтан қаласы - 186 / 75,
  • Алматы қаласы - 175 / 111,
  • Шымкент қаласы - 26 / 15,
  • Ақмола облысы - 31 / 19,
  • Ақтөбе облысы - 2 / 0,
  • Алматы облысы - 46 / 36,
  • Атырау облысы - 44 / 41,
  • Шығыс Қазақстан облысы - 92 / 29,
  • Жамбыл облысы - 40 / 20,
  • Батыс Қазақстан облысы - 58 / 22,
  • Қарағанды облысы - 85 / 35,
  • Қостанай облысы - 35 / 8,
  • Қызылорда облысы - 33 / 18,
  • Маңғыстау облысы - 33 / 28,
  • Павлодар облысы - 22 / 6,
  • Солтүстік Қазақстан облысы - 45 / 22,
  • Түркістан облысы - 27 / 17.

Жалпы ел бойынша ауырғандар саны – 96 922. Індеттен 70 680 адам жазылып шықты, 1058 адам көз жұмды.

18
Кілт сөздер:
коронавирус
Тақырып:
Коронавирус эпидемиясы
Тақырып бойынша
Жалған құжат жасайтындар көбейген: Ақорда көлеңкелі экономика туралы деректер жариялады
Коронавирустың екінші толқыны: елдің жағдайы не болады?
Коронавирус анықтамасын сатқан медицина қызметкері қылмыс үстінде ұсталды – видео  
Ордабасы ауданында коронавирус жұқтырған соңғы науқас жазылып шықты
Қазақстанда бір тәулікте коронавирус пен пневмониядан 50 адам көз жұмды
Damumed қосымшасы

"Олар кінәлі емес": Елді шулатқан дәрігерлерді министрлік қорғаштап жатыр

591
(Жаңартылды 08:11 07.08.2020)
Денсаулық сақтау министрлігі әлеуметтік медициналық сақтандыру қорынан ақша ұрлауға мүмкіндік бермеу керек еді, дәрігерлерді заңбұзушылыққа итермелеген жүйе кінәлі деп мәлімдеді

НҰР-СҰЛТАН, 7 тамыз – Sputnik. Науқастардың сыртынан "Дамумед" арқылы ақша жасаған дәрігерлердің еш кінәсі жоқ. Заң бұзушылыққа оларды біреу итермелеген. Денсаулық сақтау министрлігі даулы мәселеден кейін ақ халаттыларды осылай қорғаштап жатыр.

Министрлік заң бұзушыларға қатысты тексеруді бастаған. Кінәлілердің арқалайтын айыппұл көлемі де қомақты.

Емханалар төңірегіндегі дау Қазақстанның Қауіпсіздік кеңесіне де жетті, деп хабарлады КТК.

Қазақстанда учаскелік дәрігерлердің науқасты қабылдауы кепілдендірілген тегін медициналық қызмет көрсету аясына кіреді. Әр науқасқа 1035 теңге белгіленген. Ал терапевт, педиатр, гинеколог сияқты арнайы мамандар тегін де, ақылы да қызмет көрсетеді. 1520 теңгеден басталатын ем-домның ақысын сақтандыру жүйесі төлейді.

"Не масқара?": Ақшаға құныққан дәрігерлердің қулық-сұмдығы әшкере болды

Сау адам шатасатын схемамен денсаулық сақтау жүйесіндегі проблемаларды зерттеумен айналысатын қауымдастық басшысы Төлебай Рахыпбеков келіспейді. Оның айтуынша, мәселенің ушығуына қордың қатысы бар.

"Бұл жағдайда тек міндетті әлеуметтік медициналық сақтандыру қоры кінәлі. Ұйым медициналық қызметке берілетін ақшаны бөліп-жармау керек еді. Олар мамандарға ақшаны дұрыс төлеп отырған жоқ. Олар арнайы мамандарға науқастардың келуіне байланысты төлейді. Тексеру жүргізудің қажеті жоқ. Бәрі көрініп тұр ғой. Мынау пандемия кезінде емханалар жабық. Оларға бір күнде 25 науқасты қабылдаңдар деген тапсырма бар. Амалсыздан осы әрекетке барады. Менің ойымша, арнайы мамандарды учаскелік дәрігерлермен теңдестіру керек", - дейді профессор Төлебай Рахыпбеков.

Науқастың сыртынан тон пішкен дәрігерлердің жымысқы әрекетін әшкерелеп, әлеуметтік желі шарқ ұрып жатыр. Дегенмен денсаулық сақтау жүйесіндегі мамандар ақ халаттылардың еш кінәсі жоқ деген пікірде. Жұмысы көп, қағазбастылық та кедергі. Бұған жүйе кінәлі.

"Дәрігерлерді айыптау дұрыс емес деп санаймыз. Өйткені қателіктер болуы мүмкін. Ақпараттық жүйені толтырған кезде дәрігердің өз  жүктемелері бар, ол науқастарды қарағаннан кейін жүйеге салу керек. Асыққан кезде қателік кетуі мүмкін", - дейді Қазақстандық денсаулық сақтау қызметкерлерінің салалық кәсіподағының төрағасы Бақытжан Тәжібай.

Медициналық сақтандыру қоры соңғы жарты жылда 12 мыңдай жалған қабылдау бойынша заңбұзушылықты анықтаған. Қазынаның 75 миллион теңгесі талан-таражға түсті.

Салаға жауапты министрліктегі тергеу кінәліні бәрібір анықтамақ.

"Денсаулық сақтау министрлігінің ұстанымы қандай? "Дәрігерлер кінәлі" деп ешкім айтып жатқан жоқ. Бұл жерде дәрігерлерді заңбұзушылыққа итермелеген жүйе кінәлі болып тұр. Сол жағдайды тоқтатып, қордан ақша ұрлауға ешкімге еш мүмкіндік бермеу керек", - деп атап өтті денсаулық сақтау министрлігінің ресми өкілі Бағдат Қожахметов.

Оңай ақшаға кенелгісі келетіндердің ісімен қазір азаматтық-құқықтық негізде тексеріс жүріп жатыр. Іс насырға шапса, емхана мен медициналық сақтандыру қоры сотқа дейін бармақ. Заңға селқос қарағандарға айыппұл салынады.  
 

591
Тақырып:
Коронавирус эпидемиясы
Тақырып бойынша
Министр Біртанов алматылық дәрігерлердің ісіне қатысты пікір білдірді
Жамбыл облысында бас дәрігер пара алды деген күдікпен ұсталды
Коронавирус анықтамасын сатқан медицина қызметкері қылмыс үстінде ұсталды – видео  
Рено мен Тойота соқтығысты

Алматыда дрифт жасаған жүргізуші ірі апатқа себепкер болды

50
Жолаушылардың бақытына орай, апатқа ұшырағандардың ешқайсысы қаза болған жоқ. Кейбір мәліметтер бойынша, көлік ұрланған

НҰР-СҰЛТАН, 7 тамыз – Sputnik. Назарбаев даңғылының бойында, Бөгенбай батыр көшесіне жетпей, ірі жол апаты болды, деп хабарлады Sputnik Қазақстанға құқық қорғау органдарының қызметкерлері.

  • Рено Назарбаев даңғылында дрифт жасады
    "Рено" Назарбаев даңғылында дрифт жасады
    © Sputnik / Стрингер.
  • Рено Назарбаев даңғылында дрифт жасады
    "Рено" Назарбаев даңғылында дрифт жасады
    © Sputnik / Стрингер.
1 / 2
© Sputnik / Стрингер.
"Рено" Назарбаев даңғылында дрифт жасады

Renault Scenic және Toyota Camry көліктері солтүстік бағытта келе жатқан. Куәгерлердің айтуынша, Renault жылдамдықты арттыра отырып, дрифт жасаған, бір уақытта жүргізуші рөлге ие бола алмай, бар жылдамдықпен Toyota-ны соққан, содан соң жол белгісін қиратып, жол жиегіндегі ағашқа соғылған. Кейін көлік қайта жолға қарай ұшып түскен, соққыдан өрт шыққан.

Столкновение Рено и Тойоты
© Sputnik / Стрингер.
"Рено" мен "Тойота" соқтығысты

Ал Тойота жолдың қарсы бетіне шығып кеткен. Renault рөлінде иесі емес, басқа біреу отырғаны хабарланды. Көлік ұрланған болуы мүмкін.  

Toyota жүргізушісі полицейлер келгенге дейін Renault көлігінде болған адамды ұстап отырған, ол жарақаттанған. Тергеу оның көлікті жүргізгенін немесе жолаушы ретінде отырғанын анықтайды.  

50
Кілт сөздер:
жол апаты, Алматы
Тақырып бойынша
Алматыда жаппай жол апаты болды
Блок бекеттегі апат: марқұм полицейдің әйелі алғаш рет қайғылы оқиға жайлы айтты
Шығыс Қазақстан жолында төрт адам көз жұмды
Жол апаты кезінде терезеден ұшып кеткен баланы куәгер құтқарып қалды – видео
Қостанайда полиция көлігімен болған жол апатында төрт жасар бала көз жұмды