Құрбан айт мейрамы, Нұр-Сұлтан

"Көбісі намыстанады": қазақ жігіті қойдың ішегінен қалай пайда тауып отырғанын айтты

10416
Елордадағы мал базарында бір қойды құрбандыққа шалу 40 000-50 000 теңгенің маңайында шығады

НҰР-СҰЛТАН, 11 тамыз – Sputnik. Құрбан айттың алғашқы күні демалысқа түскеннен кейін құрбандық шалып жатқан адамдар көп. Sputnik Қазақстан тілшісі елорданың мал базарында болып, құрбандықты қаншаға шалуға болатынын, сондай-ақ, күл-қоқысқа кететін қойдың ішегін шетелге не үшін жіберіп жатқанын біліп қайтты.

Құрбандықтың бағасы қанша?

Астананың "Алтын таға" мал базарында құрбандық шалуға келген адамдар құмырсқадай құжынап жүр. Таң атқаннан бері қасапшыларға дамыл жоқ. Қойдың басын үйіту мен ішек-қарнын жуу қызметіне де сұраныс жоғары. Бірақ алдымен қойды таңдау қажет.

Курбан айт
© Sputnik / Абзал Калиев.
Мал базарына келген елордалықтар құрбандыққа шалатын қойды таңдап жатыр

"Бұл жерде базарды бірнеше зонаға бөліп тастады. Алдымен бір аймаққа кіріп, қойды таңдау керек. Одан кейін кассаға ақша төлейсіз. Сөйтіп, арнайы түбіртекпен қойды алып кетуге болады. Сол зонадан шыққанда қоймен бірге түбіртекті де көрсету керек. Онсыз шығармайды. Ары қарай қасапшылардың аймағына барасыз", - дейді базардың қызметкерлері.

Базарда қойдың түр-түрі бар. Тоқтылар 35 000-45 000 теңге болса, одан ірілері 65 000 теңгеге дейін барады. Қойды алғаннан кейін тәшкені жалдау керек. Оның ақысы – 500 теңге. Қасапшының қызметі – 2 000 теңге. Бас үйіту 1000-1500 теңге болса, ішек-қарнын жуып бергені үшін 1500 теңге алады.

Бас үйіту қызметі 1000-1500 теңге тұрады
Арман Асқар
Бас үйіту қызметі 1000-1500 теңге тұрады

"Биыл құрбандықтың бағасы қымбат емес сияқты. Малдары жақсы. Қойдың бағасы түріне және салмағына қарай әртүрлі ғой. Бір қойды құрбандыққа шалу 40 000-50 000 теңгенің маңайында шығады. Негізі, мал шалатын ресми орындарда бәрі дұрыс. Ал, енді, қаланың шетінде жол-жөнекей тұрған жерлердің санитарлық жағы онша емес. Дегенмен, бәрін жақсылыққа жазсын. Құрбан айт құтты болсын!", - дейді қала тұрғыны Мейірхан Қаппасов.

"Көп адам намыстанады"

Мал базарында ірі қараны да шалуға болады. Ал сыртта тұрған мешіттер мен медреселердің көліктеріне малдың бір бөлігін тапсыруға мүмкіндік бар. Ал сойылған малдың терілері мен ішек-қарындарын бірден жүк көлігіне қотарып, арнайы жерлерге шығарып отырады.

Біз күл-қоқыстың ішінен ішектерді алып, тазартып жатқан жігіттерді байқап қалдық. Оны не үшін алып жатқанын сұрағанда, пайдалы бір кәсіптің бар екенін айтып берді. Бірақ өз есімдерін көрсетпеуді өтінді.

Күл-қоқыстың ішінен ішектерді алып, тазартып жатқан жігіттер
Арман Асқар
Күл-қоқыстың ішінен ішектерді алып, тазартып жатқан жігіттер

"Енді, көп адамдар бұндай жұмыс істеуге намыстанады ғой. Алайда бұл – өте тиімді кәсіп. Мысалы, құрбандық шалған адамдар мына ішектерді лақтырып тастайды. Біз соның бәрін тазартамыз да, буып-түйіп, шетелге жібереміз. Ол жақта кетгут, яғни медициналық жіп жасайды. Онымен хирургтар адамның ішкі ағзаларын тігеді, артынан кетгут өзі таралып кетеді. Бұдан бөлек, ішектен шұжықтың сыртын орайтын материалдар жасалады", - дейді қазақтың бір жігіті.

Елордадағы Алтын таға мал базары
Арман Асқар
Елордадағы "Алтын таға" мал базары

Мал базарында шетелдіктер де жүр. Олар қойды қасапшыға тапсырғаннан  кейін құрбандықты қалай шалып жатқанын шетелде отырған ата-анасына және балаларына ұялы телефон арқылы көрсетеді екен.

10416
Тақырып:
Құрбан айт 2019 (29)
Facebook

Ішкі істер министрі әлеуметтік желіде жеке парақшасын ашты

4
Тоқаевтың ішкі істер органдарының алдына қойған тапсырмаларын орындау мақсатында Ерлан Тұрғымбаевтың Facebook-те жеке аккаунты ашылды

НҰР-СҰЛТАН, 28 қыркүйек – Sputnik. Ішкі істер министрі Ерлан Тұрғымбаев Facebook әлеуметтік желісінде жеке парақшасын ашты. Бұл туралы министрліктің ресми өкілі Нұрділдә Ораз айтты, деп хабарлайды Sputnik Қазақстан тілшісі.

"Мемлекет басшысының халыққа жолдауында ішкі істер органдарының алдына қойған тапсырмаларын орындау мақсатында бүгіннен бастап ішкі істер министрі Ерлан Тұрғымбаевтың Facebook-тегі жеке аккаунтының ашылатынын хабарлаймын. Негізгі мақсат - халықпен диалог жасаудың алаңын құру", - деді Ораз бүгінгі онлайн брифингте.

Бұл қадам полицияның ашық және қолжетімді болу процесіне өз үлесін қосады деген сенімдеміз, деді ол.

Оқи отырыңыз: Желіде видео бөліскен алматылықтың басы бәлеге қалды

4
Қолдағы ақша, архивтегі сурет

Шымкентте төрт адам 40 миллион теңгемен ұсталды видео

12
(Жаңартылды 11:27 28.09.2020)
Олар алдын-ала сөз байласып, іс жүзінде орындамаған жұмыстар мен тиелмеген тауарлар бойынша жалған шот-фактура жазумен айналысқан

НҰР-СҰЛТАН, 28 қыркүйек – Sputnik. Шымкент қаласында жалған шот-фактуралармен айналысқан қылмыстық топ ұсталды, деп хабарлайды Sputnik Қазақстан қаржы мониторингі комитетіне сілтеме жасап.

Ресми мәліметке сәйкес, комитеттің Шымкент қаласы бойынша экономикалық тергеу департаменті қызметкерлері жүргізген жедел-іздестіру шаралары барысында бір топ адамның алдын-ала сөз байласып, іс жүзінде орындамаған жұмыстар мен тиелмеген тауарлар бойынша аса ірі көлемде сомаға жалған шот-фактура жазумен айналысқанын анықтады.

"Атап айтқанда, 4 азамат алдын-ала сөз байласып 615 миллион теңгені құрайтын жалған шот-фактураларды жазу үшін 40 миллион теңге, яғни жалпы соманың 6,5% сыйақы ретінде алу үстінде ұсталды", – дейді тергеушілер.

Шымкент қаласы Абай аудандық сотының үкімімен айыпталушылар Қылмыстық кодекстің 216 бабының 3-бөлігіне сәйкес кінәлі деп танылды. Осыған орай, оларға үш жыл мерзімге шартты түрде бас бостандығынан айыру жазасы тағайындалды. 

12
Кілт сөздер:
жалған құжат, қылмыстық топ
Тақырып бойынша
Мемлекеттік кәсіпорын басшысы 10 миллион теңге пара алды деген күдікпен ұсталды
Түркістан облысында пара беріп баспаналы болғандар үйді босатуға мәжбүр
Нұр-Сұлтанда басқарма басшысы 1 миллион теңгеге дейін пара алған – видео
Алматы облысында он жылдан бері халықаралық іздеуде жүрген шетелдік ұсталды
Денсаулық сақтау вице-министрі ұсталды: қылмыстық істің мән-жайы белгілі болды