Нәресте, архивтегі сурет

Қазақстанда сирек қойылатын есімдердің тізімі жарияланды

10316
(Жаңартылды 16:27 12.08.2019)
Жыл басынан бері республика бойынша тек бір рет қойылған есімдер бар

НҰР-СҰЛТАН, 12 тамыз – Sputnik. Статистика комитеті Қазақстанда сирек кездесетін есімдерді жариялады, деп хабарлайды Sputnik Қазақстан тілшісі.

Ресми мәліметке сәйкес, жыл басынан бері республика бойынша бір рет қана қойылған есімдер бар. Ол балалардың есімі әзірше басқа жерде қайталанбайды.

Мәселен, ұлға қойылған сирек есімге Теңіз, Байқазақ, Саввелий, Бронислав, Растислав, Құдірет, Нұрәлем, Бейбарыс-Сұлтан, Мұхаммед-Раджаб, Ерлер, Ақихат, Елтұлға, Нұршашхан, Нұртұяқ, Таңсұлтан, Нұрпарасат, Анисим, Бай-Арыстан, Батый, Ибрайым, Шах-Мұхаммед, Лаврентий, Ерқабыл, Байпатша, Нұр-Иман, Қорғанбек, Елшібек, Шах-Кәрім, Бақислам, Али Ибраһим, Мұхаммед Амин, Лазарь, Нұркелды, Нұршапағат, Ұланғасыр, Доминикан, Ізкелді, Ақсұлтанбек, Азииз-Хакиим, Сақтар, Елбақыт, Қасым-Жомарт Керей, Елсүйер, Із-Нұр, Сүйініш, Ердана, Святозар, Лучезар, Өмірұзақ, Сақтапберген, Айпатша мен Арқау кіреді.

Тағы оқыңыз: Мұсылманша есімдер немесе ат қою кезінде нені ескеру керек

Қызға да ана-анасы сирек есім қоюға тырысады. Олар: Сәтті, Севостьяна, Еңлік Сұлу, Ақпатша, Андриана, Тұмарсұлу, Рабиям, Нұршаһ, Аксиния, Евангелия, Бриллиант, Сахара, Ақ-ниет, Айдайсұлу, Ай Күнім, Ақбиік, Нұр Ханшайым, Аннамария, Шаттық, Інжу-Маржан, Усьтинья, Тлекші, Ақшырақ, Таңшуақ, Любава, Рәбина, Моншақ, Ақжүзік, Көрікті, Офелия, Теймия Гликерия, Күміс, Сильвия, Королина, Полинария, Шариат, Қызғалтақ, Августина, Сүйкімді, Арья, Күнке, Бөпежан, Скарлетт-Роуз, Жұмақыз, Ақмамық, Мыңжылқы, Тәслима, Нұрдариға, Ангела, Сәнді, Нұрбалым, Тұнық, Балбөпе, Аймүсін, Жаншырайлым, Таңсамалы, Хұснижамал және Еңлік сұлу.

Айта кетейік, бұған дейін статистика комитеті өткен жылғы ең танымал есімдерді жариялаған болатын. Мәселен, ұлдар арасында бірінші орында Әлихан тұр. Одан кейін Айсұлтан, Нұрислам, Рамазан, Амир, Алинұр, Али, Ислам, Ерасыл, Санжар, Арсен, Алдияр, Расул, Нұрасыл, Мирас, Омар, Мансұр, Ибраһим, Муслим және Артем келеді.

Ал қызға Айзере деген есім жиі қойылған. Бұдан бөлек, Раяна, Медина, Айша, Айару, Аяла, Айлин, Амина, Кәусар, Асылым, Айым, Інжу, Адина, Айкөркем, Әмина, София, Сафия, Аяна, Аяулым мен Аиша жиі кездеседі.

10316
Кілт сөздер:
мұсылманша есімдер, танымал есімдер, қазақша есімдер, Қазақстан
Тақырып бойынша
Қазақстандық жұлдыздар балаларына қандай ерекше есімдер қойып жүр?
Төреғали еліміздің Бас мүфтиіне ұлының атын азан шақыртып қойдыртты - видео
Қазақтың танымал тұлғаларының есімі қандай мағынаны білдіреді?
Қазақстанда қанша Қасым-Жомарт бар?
Қасиетті Рамазан айында туған балаға қандай есім қоюға болады?
Компьютерлік клуб, архивтегі сурет

Қарағандыда қызмет көрсеткен клубта 70-ке жуық адам болған

137
(Жаңартылды 22:30 11.07.2020)
Клуб иелеріне шамамен 640 мың теңге шамасында айыппұл салынып, ал келушілер ешқандай жауапкершілікке тартылмайды

НҰР-СҰЛТАН, 11 шілде – Sputnik. Арнайы мониторингтік топ мүшелері Қарағандыда карантин кезінде жұмыс істеген компьютерлік клуб пен караокені анықтады.

"Мекеме есігі тапсырыс берушілер үшін ашық болған. Карантин кезінде бұл компьютерлік клуб пен караокенің жұмыс істеуіне тыйым салынған. Соған қарамай ол жерде 70-ке жуық адам жүрді. Араларында кәмелетке толмаған балалар да бар", - делінген Қарағанды ​​облысы әкімдігінің баспасөз қызметі таратқан хабарламада.

Ендігі жерде клуб иелеріне шамамен 640 мың теңге шамасында айыппұл салынады. Ал келушілер ешқандай жауапкершілікке тартылмайды.

Айта кетейік, мемлекеттік комиссия шешімімен Қазақстанда екі апталық карантин енгізілді.

Жабық жағдайдаға сауда және ойын-сауық орталықтары мен сұлулық салондарының қызметіне тыйым салынды.

Оқи отырыңыз: Карантин кезінде отшашу жасау заңды ма – ішкі істер министрлігі жауап берді

Ал азық-түлік дүкендері мен базарлардың жұмыс уақыты шектелді. Сонымен қатар, қоғамдық көліктердің де жүру кестесі қысқартылды.

137
Кілт сөздер:
карантин, Қарағанды
Тақырып:
Төтенше жағдай және карантин
Тақырып бойынша
Сағынтаев жаңа карантин кезінде Алматыда қанша адамның жұмыссыз қалғанын айтты
Өзбекстанда үш апталық қатаң карантин енгізіледі
Алматыда қандай аудан тұрғындары карантин режимін жиі бұзады
Локдаун режимі: демалыс күндері тағы қандай облыста карантин күшейтіледі?
5 шілдеден карантин басталады: ішкі істер министрі ескерту жасады
Дәрігерлер

Ешкімге сенбеңіз: еріктілер денсаулық министріне бейнеүндеу жолдады

259
(Жаңартылды 20:40 11.07.2020)
Денсаулық сақтау министрі еріктімен байланысқа шығып, медициналық ұйымдардарда халықтық бақылау жүргізетін болып уағдаласты

НҰР-СҰЛТАН, 11 шілде – Sputnik. Ауруханалардағы науқастарды емдеп жүрген дәрігерлерге көмектесетін қазақстандық еріктілер денсаулық сақтау министрі Алексей Цойға интернет арқылы ашық бейнеүндеу жолдады.

Видео ерікті Аида Букаеваның Facebook-тегі парақшасында пайда болды.

Ол Қазақстанның ауруханаларында дәрі-дәрмек жеткіліксіздігін айтып, гуманитарлық көмектің тиісті орындарға жетпейтінін мәлімдейді.

"Құрметті денсаулық сақтау министрі, егер сізге дәрі-дәрмек жеткілікті деп барлық ауруханалар дәрі-дәрмекпен қамтамасыз етілгенін хабарлап жатса, мұның бәрі өтірік. Ешкімге сенбеңіз. Бізде бейне материалдар жеткілікті. Біз науқастардың туыстарынан сәлем-сауқаттарды қабылдап, оларды палаталарға жеткіземіз. Бізде көптеген бейнематериалдар бар және Қазақстанға қандай гуманитарлық көмек келетінін көрсетіп, адамдарды ашуландырмаңыз", - деді Аида Букаева.

Көмек тиісті орындарға жетпей жатқанын атап өткен автор министр тез арада оң шешім қабылдамаса, ауруханада түсірілген барлық бейне материалдарды жариялайтынын айтады. 

Сондай-ақ, ол дәріханалардағы кезек ауруханаларда дәрі-дәрмектің жетіспеуінен пайда болғанын айтады. Науқастардың туыстары препараттарды өздері іздеп, кезекке тұруға мәжбүр. Ал мұндай әрекет адамдардың жаппай коронавирус жұқтыру қаупін тудырады.

Министрмен қандай келісім жасалды?

Өз кезегінде министр Алексей Цой видео авторымен байланысқа шыққанын айтып, Facebook-те жазба жариялады.

"Мен Аида Букаеваның Facebook-тегі үндеуін көрдім. Жазылушылардың бірі  оның байланыс телефонын берді. Қоңырау шалып, сөйлестік. Бірнеше айдан бері ол ауруханалардағы дәрігерлерге көмек беріп, науқастарға қамқорлық жасап, еден жуып, сусынын жеткізіп отыр. Біздің дәрігерлер ерлікпен тең әрекеттер жасауда. Олар оқиға ортасында бола отырып, жұмыста кездесетін проблемалардың шынайы көрінісін көреді", - деп жазды министр.

Ол өзіне көптеген қазақстандықтар халыққа объективті көріністі көрсетіп, емделуге қатысты қарапайым ұсыныстарды түсіндіріп және коронавируспен ауыратын науқастарға қайырымдылық көмек көрсетуді сұрап жүгінгенін атап өтті.

"Біз медициналық ұйымдардың ішкі жағдайына өз бетінше қадағалау жүргізуге дайын азаматтардан халықтық бақылау құруға келістік. Яғни, бұл шынайы көріністі нақты бағалау үшін керек. Мұнда көмек көрсету туралы ұсыныстар беріліп, дәрі-дәрмекпен қамтамасыз етілу жайы, қызметкерлердің қорғалу деңгейі, олардың пациенттерге көмектесуі, басшылық құрамның ұжым мен пациенттерге назар аударуы бақыланады. Қажет болған жағдайда, әсіресе, жемқорлық сипаттағы препараттарды қайта сату жағдайларында қатаң шаралар қолданамыз", - деп толықтырды Цой.

Оқи отырыңыз: Президентке үндеу жасаған Айнұр Тұрсынбаева қуанышты жаңалық жариялады

Сондай-ақ, министр еріктінің аталған бағытта бақылау жүргізуді құптап, тіпті аймақтарды да аралауға дайын екенін білдірген.

"Біз сондай-ақ өңірлерде осындай жұмысқа қатысуға дайын азаматтарды іздеудеміз. Қазірдің өзінде ұлттық еріктілер желісі осы жобаға қатысуға ниет білдірді. Оларға біз медициналық ұйымдарға қол жетімділікті қамтамасыз етеміз. Сөйтіп, нәтижелер бойынша жағдайды жақсарту үшін нақты шешімдер қабылдаймыз", - деді ведомство басшысы.

Оның айтуынша, бұл жобаға ақпарат және қоғамдық даму министрі Аида Балаева да қолдау көрсетуге уәде берген.

259
Кілт сөздер:
денсаулық сақтау, еріктілер, емделу
Тақырып:
Коронавирус эпидемиясы
Тақырып бойынша
"Хабар беруді өтінеміз": вице-премьер  қазақстандықтарға үндеу жасады
Шымкенттік дәрігер президентке үндеу жолдады - денсаулық министрі жауап берді 
Назарбаев туған күнінде қазақстандықтарға үндеу жасады – видео
"Немереңізді ауыртып аласыз": Бердібек Сапарбаев тұрғындарға үндеу жасады
"Халық сенбей отыр": Айнұр Тұрсынбаева Тоқаевқа үндеу жолдады